frettir stöð 2 mótor

[Belair]

frettir  framhald

[Belair]

ops never mind  

[Gilson]

wtf  

[Valli Djöfull]

http://vefmidlar.visir.is/VefTV/
Hægt að sjá hér á eftir einhverntíman.. Það var viðtal við Davíð uppi á braut í dag  

Garðar í LÍA vísar því á bug að LÍA sé búið að vera að leggja okkur í einelti og skilur ekkert í þessum ásökunum  

[Moli]

Merkilegt hvað þessir stjórnaraðilar hjá LÍA geta verið stropaðir í hausnum!

Annars er gott að fá umfjöllun í fjölmiðlum um þetta. Vonandi verður þetta til þessa að LÍA fari að hugsa sinn gang (langsótt samt)

http://vefmidlar.visir.is/VefTV/?channelID=&programID=7821563b-9165-4085-a32a-7d7d079d9558&mediaSourceID=b200b470-05bc-4687-84cb-46e000fbea33&mediaClipID=1ee31ba7-9879-4651-832b-dc02c233c197

[einarak]

AF HVERJU ÞARF LÍA AÐ GEFA LEYFI? NENNIR EINHVER AÐ REKJA ÞESSA SÖGU??? UM HVAÐ SNÝST MÁLIÐ???

[ElliOfur]

AF HVERJU ÞARF LÍA AÐ GEFA LEYFI? NENNIR EINHVER AÐ REKJA ÞESSA SÖGU??? UM HVAÐ SNÝST MÁLIÐ???

Já, það væri gaman að vita nákvæmlega hvað það var fyrst sem gerðist, tilvitnanir og aðstæður raktar og sett upp góð mynd af því sem gerðist. Hvernig væri að setja upp málefnalega grein um þetta og jafnvel senda hana í blöðin, í veikri von um að það bæti ástandið, eða allavega hristi aðeins upp í þessu skítapakki.

Það eina sem ég veit, og margir aðrir ungir menn í þessum klúbb, er það sem maður hefur séð af Óla sjálfum, hvernig hann hagar sér eins og kjáni, vægast sagt. En ég og fleiri þekkjum ekki upphaflegu ástæðuna.

Einhver sem vill taka það að sér að upplýsa okkur nýliðana?

[baldur]

Það er ekki LÍA sem á að gefa leyfi, það er lögreglustjóri.
Hinsvegar er LÍA sett inn í þetta verk af samgönguráðuneyti sem umsagnaraðili, eingöngu til þess að segja lögreglustjóra hverju hann er að gefa leyfi fyrir. Þetta á sumsé að vera umsögn óháðs aðila.
Hinsvegar er vandamálið að lögreglustjóraembættið túlkar þetta á allt annan hátt, og vinnur að þessu máli á mjög "unprofessional" máta, og að LÍA vinnur það verk sem þeim er falið á annan hátt en meiningin í þessari reglugerð er og neita okkur um þessa umsögn á þeim grundvelli að þeir vilji ekki taka ábyrgð á klúbbi sem er ekki í LÍA. Það er bara ekki þeirra hlutverk að taka neina ábyrgð, þeir eiga bara að gefa lögreglustjóra einhverja hugmynd um hvað hann er að gefa leyfi fyrir þar sem að þeir hafa meira vit á mótorsporti heldur en lögreglustjóri. Það er svo hlutverk lögreglustjóra að ákveða hvort hann veitir leyfi eða ekki, ekki hlutverk LÍA að ákveða hvort þeir gefi umsögn eða ekki.

[maxel]

[ElliOfur]

Þetta er varla það einfalt að það sé einfaldur misskilningur milli manna....?

[Heddportun]

Verður gert e-h í þessu að alvöru eða var viðtalið við Davíð eina umfjöllunin sem verður um þetta?

[Jón Þór Bjarnason]

Þetta er pottþétt bara byrjunin þar sem stöð 2 komu upp á sitt einsdæmi upp á braut í gær. Við höfum líka heyrt af því að lögreglan ætli að kæra okkur fyrir að vera með æfingu í gær. Það er út af þeirri skilgreiningu lögreglunnar að æfing er 1 bíll í braut en keppni eru 2 bílar í braut. Það er greinilega ekki allt í lagi og yfirvöld vilja greinilega halda hraðaksrti á götum borgarinnar, akkurat þveröfugt á við okkur.

[1965 Chevy II]

Þá er fyrsta skrefið stigið í rétta átt.
Gott mál að fá fréttamenn á staðinn.

[runarinn]

Lögreglan vill frá umsögn frá LÍA.

Þegar LÍA gefur umsögn tekur sá sem skrifar undir hana ábyrgð á því að hún sé rétt.

Þeir sem skrifa undir umsögnina eru stjórnarmenn LÍA.

Afhverju ættu stjórnarmenn LÍA að vilja taka ábyrgð á og gefa vinnu í klúbb sem er ekki innan vébanda landsambandssins?

Meira:
LÍA er FIA aðilinn á Íslandi. Fyrir löngu þá ákvað íslenska ríkið að skuldbinda sig til þess að fara eftir lögum FIA og fylgja þeirra stöðlum. Þess má geta að í lögum FIA stendur að enginn nema þeir sem eru í FIA mega nota reglur FIA. Sem segir okkur einfaldlega það að þegar LÍA gefur umsögn á KK keppni sem segir að allt sé í góðu þá er hún röng. Því LÍA er FIA aðilinn á Íslandi og KK er ekki í LÍA. Og KK er að nota FIA reglurnar er það ekki?

Lögreglan tók sjálf ákvörðun um að stöðva keppni.(eins og það sé eitthvað sem þarf að íhuga, þeir voru að brjóta lög). Eitthvað var ekki verið að gera rétt þarna svo keppnin var stöðvuð af lögreglu sem er besta mál. Hvað ef eitthvað hefði komið uppá? Tryggingar geta neitað að taka ábyrgð ef verið var að brjóta íslensk lög.

LÍA er einfaldega að fara eftir eigin lögum og lögreglan líka.

Þetta er mál sem þarf að vinna í en ég skil alls ekki hvernig þið haldið að það hafi verið góð hugmynd að blanda fjölmiðlum í málið. Jú reyndar þá er það eflaust ágætt fyrir KK að koma í fréttum og sviðsetja sig sem eitthvert fórnarlamb  

[Heddportun]

Meira:
LÍA er FIA aðilinn á Íslandi. Fyrir löngu þá ákvað íslenska ríkið að skuldbinda sig til þess að fara eftir lögum FIA og fylgja þeirra stöðlum. Þess má geta að í lögum FIA stendur að enginn nema þeir sem eru í FIA mega nota reglur FIA. Sem segir okkur einfaldlega það að þegar LÍA gefur umsögn á KK keppni sem segir að allt sé í góðu þá er hún röng. Því LÍA er FIA aðilinn á Íslandi og KK er ekki í LÍA. Og KK er að nota FIA reglurnar er það ekki?

Lögreglan tók sjálf ákvörðun um að stöðva keppni.(eins og það sé eitthvað sem þarf að íhuga, þeir voru að brjóta lög). Eitthvað var ekki verið að gera rétt þarna svo keppnin var stöðvuð af lögreglu sem er besta mál. Hvað ef eitthvað hefði komið uppá? Tryggingar geta neitað að taka ábyrgð ef verið var að brjóta íslensk lög.

KK fer eftir NHRA reglum en ekki FIA Hélt ég?

Hvaða lög var KK að brjóta,endilega komdu með þær reglugerðir sem verið er að brjóta?

[Belair]

[AKSTURSÍÞRÓTTIR OG AKSTURSKEPPNI.]40
34. gr.
[[Ráðherra]41 getur sett reglur42 um akstursíþróttir á sérstökum afmörkuðum svæðum utan
vega. Í þeim reglum er heimilt að víkja frá ákvæðum laganna um ökuskírteini og um lágmarksaldur
ökumanns.]43
Eigi má efna til aksturskeppni, nema með leyfi lögreglustjóra. Eigi má án samþykkis
vegamálastjóra heimila keppni á þjóðvegi …44 og án samþykkis sveitarstjórnar utan vega.
[Ráðherra]45 setur nánari reglur um aksturskeppni, þar á meðal um eftirlit, greiðslu kostnaðar
o.fl. Í þeim reglum er heimilt að víkja frá ákvæðum laganna um fébótaábyrgð og vátryggingu, svo og
ákvæðum um hámarkshraða, enda sé vegur þá lokaður annarri umferð eða keppni fari fram á
afmörkuðu svæði utan vega .

REGLUGERÐ
um akstursíþróttir og aksturskeppni.


I. KAFLI
Markmið og gildissvið.
1. gr.
Markmið.
Reglugerð þessari er ætlað að stuðla að auknu öryggi við undirbúning og framkvæmd aksturskeppni hér á landi í samræmi við alþjóðlegar reglur á sviði akstursíþrótta.



2. gr.
Gildissvið.
Aksturskeppni er íþróttagrein stunduð á vegum eftirtalinna aðila:
Aðildarfélaga innan Mótorhjóla- og snjósleðaíþróttasambands Íslands (MSÍ) vegna keppni á tveggja og þriggja hjóla ökutækjum og torfæruhjólum.
Aðildarfélaga innan Landsambands íslenskra akstursíþrótta (LÍA) vegna keppni á ökutækjum með fjórum hjólum eða fleiri.
Annarra félaga sem eiga aðild að akstursíþróttanefnd ÍSÍ, Íþróttasambands Íslands.

Reglugerðin nær einnig til sýninga og æfinga vegna aksturskeppni eftir því sem við á.



II. KAFLI
Almennar reglur.
3. gr.
Leyfisveitingar.
Leita skal leyfis lögreglustjóra til að halda aksturskeppni, sbr. 10. gr. og 16. gr.

Eigi er heimilt að efna til aksturskeppni á þjóðvegi án samþykkis Vegagerðarinnar.

Eigi er heimilt að efna til aksturskeppni utan vega án samþykkis viðkomandi sveitar stjórnar.

Heimilt er að sækja um leyfi til að halda fleiri en eina aksturskeppni. Þó skal ekki veita leyfi til lengra tímabils en eins árs í senn.



4. gr.
Verklagsreglur.
Ríkislögreglustjóri setur verklagsreglur, byggðar á alþjóðlegum reglum um aksturs íþróttir, sem hafðar skulu til hliðsjónar við veitingu leyfa skv. 3. gr.

Lögreglustjóra er heimilt að veita leyfi fyrir æfingaakstri á fáförnum vegum innan umdæmis hans samkvæmt nánari verklagsreglum, sbr. 1. mgr.



5. gr.
Umsögn.
Með umsókn um leyfi til lögreglustjóra til að halda aksturskeppni skal fylgja umsögn LÍA, akstursíþróttanefndar eða sérsambands á vegum ÍSÍ eða LÍA í samræmi við tegund keppni.

Í umsögninni komi fram faglegt mat á öryggisþáttum og tillögur um framkvæmd og eftirlit á keppnisstað í samræmi við verklagsreglur, sbr. 4. gr.



6. gr.
Framkvæmd aksturskeppni.
Keppnishaldari kynnir keppendum keppnisreglur og skilmála keppnisleyfis áður en keppni fer fram. Fari keppnishaldari ekki eftir reglum getur lögreglan hvenær sem er stöðvað framkvæmd keppni.

Sækja skal um leyfi til lögreglustjóra fyrir aksturskeppni a.m.k. 5 dögum fyrir keppni, enda fylgi með tilskilin gögn.



7. gr.
Vernd gegn náttúruspjöllum.
Við allan undirbúning og framkvæmd aksturskeppni ber að taka tillit til þess að keppnin og annar akstur keppenda valdi eigi öðrum verulegum óþægindum eða hættu eða skemmdum á vegi eða náttúruspjöllum.

Keppnishaldari er ábyrgur fyrir skemmdum á vegum og öðrum mannvirkjum, svo og á náttúru, sem hljótast af aksturskeppni eða öðrum akstri keppenda eða starfsmanna við keppni.

Sé aksturskeppni haldin utan vega skulu merki og önnur ummerki fjarlægð að keppni lokinni.



8. gr.
Ábyrgðartryggingar ökutækja.
Ökutæki sem taka þátt í aksturskeppni skulu ábyrgðartryggð sérstaklega vegna þeirrar áhættu sem í keppni felst. Þá skal keppnishaldari leggja fram hæfilega tryggingu vegna ábyrgðar á framkvæmd keppninnar. Ennfremur skal keppnishaldari kaupa slysatryggingu vegna starfsmanna við keppni utan vega er greiði bætur við dauða eða varanlega örorku.

Heimilt er í því sambandi að kaupa ábyrgðartryggingu er gildi fyrir ákveðið svæði til æfinga og æfingakeppni.

Viðskiptaráðuneytið ákveður árlega vátryggingarfjárhæðir ábyrgðartryggingar vegna framkvæmdar á aksturskeppni og slysatryggingar, svo og vátryggingarfjárhæð fyrir ákveðin svæði.



9. gr.
Kostnaður vegna löggæslu.
Keppnishaldari skal greiða kostnað og setja tryggingu, sé þess krafist, vegna sérstakrar löggæslu og öryggisráðstafana sem nauðsynlegar teljast að mati lögreglustjóra.



III. KAFLI
Aksturskeppni á vegi.
10. gr.
Framkvæmd rallkeppni.
Rallkeppni skal fara fram á tilgreindum vegum. Leyfi lögreglustjóra þarf til alls aksturs meðan á keppni stendur sbr. 3. gr., frá rásmarki að endamarki, hvort heldur um er að ræða akstur á sérleiðum eða ferjuleiðum.

Þegar rallkeppni er fyrirhuguð um tvö eða fleiri lögsagnarumdæmi veitir lögreglustjóri, þess lögsagnarumdæmis þar sem keppni hefst, endanlegt keppnisleyfi. Skal hann sjá um að öll skilyrði fyrir keppnisleyfi hafi verið uppfyllt áður en keppni hefst.

Keppnishaldari skal leggja fyrir lögreglustjóra leiðarlýsingu ásamt tímaáætlun.



11. gr.
Nánari tilhögun á keppnisstað.
Þegar aksturskeppni á vegi stendur yfir skulu vegarkaflar vera opnir fyrir annarri umferð, nema annað verði ákveðið sérstaklega með viðeigandi öryggisráðstöfunum, svo sem umferðarmerkjum, auglýsingum og löggæslu í samræmi við ákvörðun lögreglustjóra.

Lögreglustjóra er heimilt að víkja frá ákvæðum umferðarlaga um hámarkshraða, að því er varðar ökutæki er taka þátt í aksturskeppni á vegi, enda verði þá umferð annarra ökutækja þar bönnuð og aðrar viðeigandi öryggisráðstafanir gerðar.



12. gr.
Búnaður ökutækis.
Ökutæki sem notað er í rallkeppni skal fullnægja skilyrðum laga og reglna um skráningu, gerð og búnað ökutækja.

Heimilt er þó að veita undanþágu frá 1. mgr. í samræmi við verklagsreglur, sbr. 4. gr.

Hávaði frá hreyfli ökutækis má ekki fara yfir 100 dB þegar mælt er samkvæmt nálægðar mæliaðferð.



13. gr.
Skráning ökutækis.
Skrá skal sérstaklega í ökutækjaskrá, svo og í skráningarskírteini, ef ökutæki skal nota í rallkeppni. Fyrir hverja keppni skal slíkt ökutæki skoðað af þar til kvöddum eftirlitsmönnum sem lögreglustjóri samþykkir.

Ökutæki sem skráð er til notkunar í rallkeppni er óheimilt að nota í almennri umferð. Til þess að slíkt ökutæki verði skráð að nýju til notkunar í almennri umferð skal það fært til breytingarskoðunar hjá faggiltri skoðunarstofu og viðurkennt af Umferðarstofu sem gefur út nýtt skráningarskírteini.



14. gr.
Eftirlit lögreglu.
Akstur ökutækja er taka þátt í keppni skal háður venjulegu eftirliti lögreglu. Krefjast má skoðunar ökutækja meðan á keppni stendur.



15. gr.
Öryggi áhorfenda.
Gera skal nauðsynlegar ráðstafanir til að tryggja öryggi og aðstöðu áhorfenda að aksturs keppnum við rásmark, áningarstaði og endamark, svo og við sýningar og annars staðar þar sem ástæða er til í samræmi við tilmæli lögreglustjóra.



IV. KAFLI
Aksturskeppni utan vega o.fl.
16. gr.
Framkvæmd æfinga- og aksturskeppni.
Æfinga- og aksturskeppni utan vega skal fara fram á sérstöku svæði sem viðurkennt er af viðkomandi sveitarstjórn til slíkrar keppni og í samræmi við leyfi lögreglustjóra sbr. 3. gr.



17. gr.
Æfinga- og keppnissvæði.
Sveitarstjórn veitir leyfi fyrir svæði til æfinga- og aksturskeppni. Áður en svæðið er tekið í notkun skal liggja fyrir áætlun um hvernig staðið verður að öryggisþáttum vegna starf seminnar í samræmi við verklagsreglur, sbr. 4. gr.

Aðildarfélög MSÍ og LÍA og aðrir aðilar sem reka æfinga- og keppnissvæði bera ábyrgð á að farið sé eftir öryggisreglum sem tilgreindar eru í leyfi lögreglustjóra.



18. gr.
Búnaður og skráning torfærutækis.
Torfærutæki sem skráð hefur verið til æfinga- eða aksturskeppni utan vega þarf ekki að fullnægja öllum skilyrðum laga og reglna um gerð og búnað ökutækja. Þó skal bifreið búin veltigrind og öryggisbelti. Aksturshemill og stýrisbúnaður skulu virka örugglega. Gerð öku tækisins og búnaður þess skal uppfylla kröfur samkvæmt keppnisreglum sem fram koma í verklagsreglum ríkislögreglustjóra. Einungis er heimilt að nota ökutækið á viðurkenndum æfinga- eða keppnissvæðum. Heimilt er að skrá ökutæki til aksturskeppni utan vega þótt það hafi ekki verið skráð almennri skráningu.

Fyrir hverja keppni skal torfærutæki sem skráð er skv. 1. mgr. skoðað af þar til kvöddum eftirlitsmönnum sem lögreglustjóri samþykkir.

Torfærutæki skráð almennri skráningu þar sem gerðar hafa verið breytingar frá uppruna legu skráningarskírteini og skráð hefur verið til aksturskeppni utan vega má ekki nota í almennri umferð nema það hafi verið fært til breytingarskoðunar hjá faggiltri skoðunarstofu og viðurkennt af Umferðarstofu sem gefur út nýtt skráningarskírteini.



19. gr.
Akstur barna.
Lögreglustjóra er heimilt að leyfa starfsemi þar sem akstur barna fer fram á þar til gerðum svæðum með eða án gjaldtöku. Ríkislögreglustjóri setur nánari verklagsreglur um slíka starfsemi, svo sem hvað varðar búnað ökutækja, almennt öryggi og vátryggingar.



20. gr.
Akstur í skemmtigörðum.
Börn frá 5 ára aldri mega aka rafbílum sem sérstaklega eru hannaðir fyrir börn. Með sama hætti mega börn sem náð hafa 10 ára aldri eða eru a.m.k. 140 sentimetrar á hæð aka öðrum gerðum vélknúinna leiktækja á sérstökum svæðum í skemmtigörðum.



21. gr.
Undanþága til æfinga og keppni vegna aldurs.
Með leyfi lögreglustjóra er heimilt að víkja frá ákvæðum umferðarlaga um ökuskírteini og lágmarksaldur ökumanna við æfingar og keppnir á lokuðum svæðum utan vega. Undan þága þessi gildir þó ekki um þann sem sviptur hefur verið ökurétti.

Undanþága að því er varðar þann sem ekki hefur náð 18 ára aldri er háð skriflegu sam þykki foreldris eða annars forsjármanns.

Allur akstur þar sem undanþága frá ákvæðum um ökuskírteini eða lágmarksaldur gildir skal fara fram í samræmi við verklagsreglur, sbr. 4. gr. sem leggja skal fyrir lögreglustjóra.

Lágmarksaldur miðað við ökutæki skal vera:

a. Körtubílar með tvígengisaflvél að slagrými  
 allt að 80 rúmsentimetrar frá 10 ára aldri
 allt að 100 rúmsentimetrar frá 12 ára aldri
 allt að 125 rúmsentimetrar frá 14 ára aldri
 125 rúmsentimetrar eða meira frá 16 ára aldri
b. Körtubílar með fjórgengisaflvél að slagrými  
 allt að 250 rúmsentimetrar frá 10 ára aldri
c. Tvíhjóla torfærutæki með tvígengisaflvél að slagrými  
 allt að 65 rúmsentimetrar frá 6 ára aldri
 allt að 85 rúmsentimetrar frá 10 ára aldri
 allt að 105 rúmsentimetrar frá 12 ára aldri
 allt að 145 rúmsentimetrar frá 14 ára aldri
 145 rúmsentimetrar eða meira frá 15 ára aldri
d. Tvíhjóla torfærutæki með fjórgengisaflvél að slagrými  
 allt að 110 rúmsentimetrar frá 6 ára aldri
 allt að 125 rúmsentimetrar frá 10 ára aldri
 allt að 150 rúmsentimetrar frá 12 ára aldri
 allt að 250 rúmsentimetrar frá 14 ára aldri
 250 rúmsentimetrar eða meira frá 15 ára aldri
d. Torfærutæki á beltum (vélsleðar) með aflvél að slagrými  
 allt að 185 rúmsentimetrar frá 6 ára aldri
 allt að 440 rúmsentimetrar frá 12 ára aldri
 allt að 600 rúmsentimetrar frá 14 ára aldri
e. Óbreyttar fólksbifreiðir með aflvél að slagrými  
 allt að 1600 rúmsentimetrar  
 (gerð „N“ samkvæmt reglum F.I.A.) frá 15 ára aldri



V. KAFLI
Önnur ákvæði.
22. gr.
Refsiákvæði.
Brot á ákvæðum reglugerðar þessarar varða refsingu samkvæmt XIV. kafla umferðarlaga nr. 50/1987.



23. gr.
Stjórnsýslumeðferð máls.
Um kæru vegna synjunar á heimild til mótshalds á grundvelli reglugerðar þessarar fer eftir ákvæðum stjórnsýslulaga nr. 37/1993.



24. gr.
Gildistaka.
Reglugerð þessi er sett samkvæmt 34. gr. umferðarlaga, nr. 50/1987 með síðari breyt ingum og öðlast þegar gildi. Jafnframt fellur úr gildi reglugerð um akstursíþróttir og aksturs keppni, nr. 257/2000 með síðari breytingum.



Samgönguráðuneytinu, 6. júní 2007.


Kristján L. Möller.

[Einar K. Möller]

Rúnar,

KK notar ekki FIA reglur og hefur ekki gert síðan við sögðum okkur úr LÍA.

Hvaða keppni stöðvaði lögreglan eiginlega ? Það var engin keppni heldur ÆFING sem mátti alveg vera.

EKM

[HK RACING2]

Er nú ekki mikið inní þessu en á hverju stoppar þetta?
Er eitthvað komið útúr þessu með nýja sérsambandið sem átti að stofna?
Er ekki kominn tími til að leysa þessi mál í eitt skipti fyrir öll?

[baldur]

Af hverju er íslenska ríkið að fara eftir lögum einhvers einkafyrirtækis í útlöndum? (FIA) ?

[maxel]

Í þeim reglum er heimilt að víkja frá ákvæðum laganna um ökuskírteini og um lágmarksaldur
ökumanns.]


getur eikker frætt mig um þetta    það er nebblega hálft ár í prófið og ég á eikkað að bílum sem mér langar að keyra þó þeir séu ómerkilegir , bara hvað þarf ég að gera?