Stjórn klúbbsins þakkar öllum fyrir komuna í kvöld - það var frábær mæting.
Á fundinum kom fram að ekki er alveg sátt um keppnisfyrirkomulagið í kvartmílunni. Aðallega snýst núningurinn um breytt fyrirkomulag á King of the Street þ.e. að keppnin skuli ekki vera eingöngu kvartmílukeppni. Það má hins vegar benda á fjölgun keppna í kvartmílu og fjölbreyttara keppnisform er fyrirhugað á næsta ári - ekki skapaðist mikil umræða um það. Þá var töluverður fjöldi driftara sem sýndi áhuga á því að nýta aðstöðu klúbbsins til keppni sem og æfinga, til að það geti orðið þá þarf að byggja upp bakland í greininni innan klúbbsins. Við bendum í því sambandi á endurvakningarfund mótorhjóladeildar innan klúbbsins í kvöld, 8. okt., í félagsheimilinu kl. 20:00. Á fundinum verður lagður grunnur að öflugu baklandi mótorhjóla innan klúbbsins.
Þá þökkum við vöfflugerðarmeisturunum sérlega vel fyrir snilldar vöfflur!
