Fannar.... þessi orð: sprautun og ódýrt, fer ekkert rosalega vel saman í setningu. Þú þarft að fá einhvern sem er tilbúinn að mála bílinn til að KOMA, skoða og meta hann. Ég held að það séu margir sem halda að þeir geti fengið flott málaðan bíl fyrir skít og kanil. Þótt að eigandinn haldi að bíllinn sé klár undir lakk þá er það sjaldnast þó að hann haldi það, málarinn sér það sem eigandinn sér ekki, sem oft á tíðum er ansi mikið, sér í lagi þegar hann þekkir lítið til undirvinnu. Oft eru einhverjar smábeyglur/dældir/misfellur sem þarf að laga ofl. Ef því yrði sleppt og lakki bara gluðað yfir mattaðan og ósléttan flötinn yrði útkoman aldrei góð, sér í lagi ef það á að mála í dökkum lit, og það myndi seinna spyrjast út hver málaði, og í senn myndi auðvitað gleymast að taka fram að þetta væri bara gert fyrir lítinn pening. Þetta myndi koma niður á málaranum seinna meir því hann vill auðvitað leggja 100% vinnubrögð í verkið til að fá ekki slæmt orð á sig.
Efniskostnaður hefur hækkað gríðarlega undanfarin ár og fer kostnaðurinn við sprautunina sjálfa þá ALLT eftir því hvort að bíllinn sé í raun 100% tilbúinn, þ.e. sléttur og góður, t.d. hvort það sé búið að holufylla viðgerðir, hvort að búið sé að grunna á bert stál sem hugsanlega er búið að slípa niður, hvort að búið sé að setja fylligrunn á þá staði sem þarf, hvort að það hafi verið endað á að slípa með nógu fínum pappír, hvort að allur efniskostnaður sé innifalinn, og þar með talið pappír, plast, málningartape, ofl. og auðvitað að lokum hvaða efni þú notar, og hvort að þú sért með trukkalakk/acryllakk, eða base+glæru, og í öllum þessum tilvikum skiptir máli hvaða framleiðanda þú velur og hvar þú kaupir hlutinn.
