Í vetur ætlum við í Íslenska Mustang Klúbbnum að reyna eitthvað nýtt.
Á fyrsta fundi vetrar er það Sjóvá og Forvarnarhúsið sem taka á móti okkur og verður sá fundur haldinn í Forvarnarhúsinu, miðvikudaginn 28. október og hefst kl 19:30.
Einar Guðmundsson flytur okkur erindi, Sjóva heldur smá kynningu og býður okkur upp á kaffi.
Þeir bjóða okkur síðan að nota salarkynni sín til að sitja og spjalla.
Heilt hús, tileinkað forvörnum
Forvarnahúsið er fræðslumiðstöð þar sem gestir fá meðvitund um þau lífsgæði sem felast í forvörnum á ýmsum sviðum. Í Forvarnahúsinu getur fólk prófað hvernig er að lenda í árekstri á 7 kílómetra hraða og hvernig það er að vera inni í bíl sem veltur. Upplifa kraftinn sem losnar úr læðingi við árekstur í árekstrarvog og finna hve auðveldlega áfengi hefur áhrif á sjónina með ölvunargleraugum. Í Forvarnahúsinu er margvíslegur búnaður sem tengist forvörnum á heimilum og í fyrirtækjum. Meðal annars er uppsett öruggt heimili, í samstarfi við IKEA, þar sem gestir geta komið og skoðað hvernig best er að haga öryggismálum á heimilinu.
Staðsetning
Forvarnarhúsið er staðsett í Kringlunni 1, þar sem áður var prentsmiðja Morgunblaðsins. Inngangurinn í Forvarnahúsið snýr að Kringlunni, en Háskólinn í Reykjavík deilir húsnæði með Forvarnahúsinu.
Hér er kjörið tækifæri til að koma með unglinginn sem er að stíga sín fyrstu skref í umferðinni, allir velkomnir!
Íslenski Mustang Klúbburinn.
