Kvartmílan => Almennt Spjall => Topic started by: einarak on July 18, 2008, 11:18:43
-
Tekið af visir.is http://visir.is/article/20080718/LIFID01/610147851&SearchID=73324140577632
Þeir vilja greinilega að við reisum á götunni með þessari gjaldlagningu, mér skilst að þetta séu 15.000kr fyrir hvert skipti
Vék úr sæti fyrir dverginn Frank Höybye Christensen til að jafna út stærðarhlutföll.
„Einn stórleikari tekur við af öðrum," segir Jón Páll Leifsson, rekstrarstjóri tryggingafélagsins Elísabetar. Til þessa hefur Jón Páll leikið í auglýsingu fyrir fyrirtækið þar sem Austin Mini er lagt við hliðina á löngum jeppa, til marks um muninn á verði trygginga Elísabetar og annarra tryggingafélaga. Nú er farin í gang ný herferð undir yfirskriftinni Nútímaleg og betri Elísabet og hefur gamla Mini-inum verið skipt út fyrir nýjan sem er þó stærri í sniðum.
„Til þess að jafna út stærðarmun bílanna ákvað ég að ráða til mín þennan knáa dverg sem fór í mín föt í bókstaflegri merkingu," segir Jón Páll og á þar við hinn smágerða Frank Höybye Christensen.
Fyrri útgáfan og sú nýja eru báðar sýndar í nýju auglýsingunni. Sú fyrri er þó spiluð hratt. „Ég held að þetta sé eina auglýsingin í sjónvarpi í dag sem er spiluð hratt," segir Jón Páll. Hann segir auglýsingaherferðina ætlaða til þess að kynna tvær breytingar á tryggingafélaginu.
„Við erum hætt að tryggja kraftmikla smábíla en einnig erum við búin að taka upp sérstakt gjald sem fólk þarf að greiða, ætli það að keyra á kvartmílubrautum eða öðru slíku. Í hvoru tveggja er mikið um tjón og með þessum aðgerðum miðum við að því að geta lækkað iðgjaldið hjá hinum viðskiptavinunum," segir Jón Páll Leifsson, rekstrarstjóri og stórleikari.
-shs
-Er þetta umsögn sem KK æltar að sætta sig við?
-
þekki ekki sðgu brautarinnar vel , eru ekki bara 2 óhöpp á öllum þessum árum
Valur Vífills og EVA I heimsækja Hraunið 1982 og þegar 2 bilar voru í leyfisleysi flugu frama brautin á baka leiðinni
-
tjón hjá herra Vall V kemur tryggingum ekkert við bara einka tjón og hitt var tjón þegar krakkar stálust inn á braut sem var lokuð
-
en í dag með viðauka og kaskó :?:
-
ég get td ekki fengið tryggingu á minn bíl nema brunatrygg :evil: en ég er trygður :D
-
Ég lenti í þessum manni í fyrra.. Þá ætlaði hann að rukka 50 þús per skipti fyrir viðaukann..
Hann sagðist ætla að leggja þá ákvörðun fyrir stjórn á mánudeginum eftir þessa helgi sem þetta gerðist eftir nokkurra klukkutíma rifrildi við meðal annars mig á föstudeginum. Eftir það heyrðist ekkert frá honum, þessi bull pæling hans semsagt skítfelld af stjórn fyrirtækisins. Hann hefur fengið þetta í gegn með lægri upphæð núna en að tala um að Elísabet hafi þurft að borga út svo mikið af tjónum á kvartmílubrautinni er náttúrulega lýgi. Ég er svona 99,99% viss um að það hafi aldrei gerst í sögu fyritækisins svo ég skil ekki alveg hvað maðurinn er að bulla..
Það væri gaman að sjá útreikninga hans á tapi fyrirtækisins vegna viðaukanna vs tapið ef allir sem tengjast mótorsporti á íslandi hætti að tryggja hjá þeim :lol:
En þá er það allavega nokkuð hreint. Elísabet vill frekar spyrnur á götum borgarinar en á lokuðum svæðum. Gott að hafa svona hluti á hreinu.
-
Mér finnst að stjórn KK ætti að fara fram á formlega afsökunarbeiðni og leiðréttingu á þessum ummælum.
-
Mér finnst að stjórn KK ætti að fara fram á formlega afsökunarbeiðni og leiðréttingu á þessum ummælum.
nákvmælega og það var helst það sem ég var að benda á, þessi orð frá manni í svona stöðu hafa gríðarleg áhrif á ímynd klúbbsins og alls motorsports yfir höfuð fyrir augum hins almenna borgara. KK á ekki að leifa svona pappakössum að moka yfir sig í beinni útsendingu. KK VERÐUR að svara þessu!
-
menn med svona yfirlýsingar sem vita ekkert i sinn koll nema græða :mrgreen:
svara þessu KK =D>
-
Er ekki málið það að tryggingarfélögin eru að sjá að bílar sem kaupa viðauka eru frekar að lenda í tjónum en aðrir ? Hefur ekkert með KK að gera, heldur eru menn með viðaukan að tjóna í almennri umferð.
-
Er ekki málið það að tryggingarfélögin eru að sjá að bílar sem kaupa viðauka eru frekar að lenda í tjónum en aðrir ? Hefur ekkert með KK að gera, heldur eru menn með viðaukan að tjóna í almennri umferð.
en fréttin er bara þannig orðuð að það er eins og það sé mikið um tjón á brautinni
-
Æsifréttamennska og vitlaust haft eftir sindrómið gæti nú líka komið til greina.
-
Er ekki málið það að tryggingarfélögin eru að sjá að bílar sem kaupa viðauka eru frekar að lenda í tjónum en aðrir ? Hefur ekkert með KK að gera, heldur eru menn með viðaukan að tjóna í almennri umferð.
Svo er annað mál. Þeir sem eru að fá viðauka hjá Elísabetu til að keyra, eru líklega flestir 17-20 og það er verið að bera þann hóp saman við allllla hina sem tryggja hjá þeim óháð aldri. Út frá því er nú ekkert skrítið að hlutfall tjóna hjá þeim aðilum sé hærra. Afi hefur ekki sótt um viðauka hjá Elísabetu sem dæmi en ef hann væri nógu vitlaust til að tryggja hjá Elísabetu væri hann í hópi tjónlausra viðskiptavina sem ekki hefur sótt um viðauka. Veit ekki hvort ég er að koma þessu rétt frá mér en já.. Kjánalegt að bera saman ökumenn sem eru nýkomnir með próf við alla hina óháð aldri. Það er væntanlega samanburðurinn sem hann vísar í..
Bara kjánalegt en það er þeirra mál.
Svo nú er um að gera fyrir alla sem tryggja hjá þeim að skipta um tryggingarfélag. Þá þarf reyndar að bíða þar til þetta tímabil er búið og það gætu verið 11 mánuðir t.d. fyrir marga svo það er til önnur leið.
Selja konunni, mömmu eða einhverjum bílinn og kaupa aftur 5 mín seinna.. Kostar 2.500 að hafa eigandaskipti minnir mig.. Svo þetta bras 2 x 2.500 kall og ferð í umferðarstofu er ódýrara en einn viðauki og örugglega hægt að fá betri og ódýrari tryggingar annarsstaðar hvort eð er :lol:
Það er það sem ég myndi gera allavega :)
-
Að tryggja bílinn minn + kaskó var um 9þúsund og 900 krónur á mánuði hjá Elísabet.
um 3500 krónu lægra á mánuði hjá VÍS.
Elísabet er skítacompany.
-
Er ekki almennt ökutæki ótryggt á kvartmílubrautinni, telst þetta ekki "utanvegar"? Sendi mail á elísabetu, gaman að sjá hvort þeir standi við þessi orð, spurði bara hvort þetta væri virkilega það sem þeir meintu.
-
Á live2cruize er svar frá elísabetu til live2cruize og þar stingur mest finnst mér fullyrðing um að bótaskylda tryggingafélaga sé nánast engin á t.d kvartmílubrautinni.Þrátt fyrir þetta vilja þeir rukka 15þús fyrir viðaukann.En verst finnst mér að við séum í hættu að fá ekki bætur hljótist tjón af.
Hér eru svörin:
Sökum umræðu um tryggingafélagið Elísabetu og breytingar sem það er að gera varðandi kraftmikla smábíla ákvað ég að leyfa rekstrarstjóra Elísabetar, Jóni Páli Leifssyni, að svara spurningum til Live2Cruize meðlima. Hér er viðtalið við Jón Pál.
Jón Páll skrifar:
Fyrst af öllu vil ég að það komi fram að ég er mjög þakklátur fyrir að fá tækifæri til að taka þátt í þessari umræðu og fá að útskýra hvað býr að baki þessum aðgerðum. Þetta finnst mér mjög virðingarvert hjá live2cruize.com.
Góðar og málefnalegar spurningar hjá þér Viktor!!!
1) Kraftmiklir smábílar? Hvað flokkast undir það?
Svar:
Skilgreining okkar á kraftmiklum bílum byggist á þyngd bíls og hestöflum. Þegar hestöfl deilt með þyngd er meira en 0,15 telst hann vera kraftmikill bíll í okkar skilningi.
Dæmi 1: 275hö/1575kg = 0,175.
Dæmi 2: 164hö/1388kg = 0,118.
Dæmi 2 myndi komast í gegn, en ekki dæmi 1.
Þetta hlutfall 0,15 er það sem við byrjum á að notast við og munum við endurskoða það í ljósi reynslunnar. Þetta er sannarlega tilraunaverkefni þar sem þetta hefur ekki verið reynt áður.
2) Nú hafið þið sagt að kraftmiklir smábílar lendi í fleiri tjónum en aðrir bílar. Hvað berið þið fyrir ykkur í þeim efnum?
Svar:
Við byggjum þessa aðgerð á upplýsingum úr tjónshlutföllum ólíkra bíltegunda. Tjónshlutfall er iðgjöld v.s. greidd tjón (þ.e. upphæðin sem borguð er fyrir trygginguna í samanburði við þau tjón sem greiða þarf). Það koma fram greinilegur munur á tjónshlutfalli eftir tegundum bíla, og ekki bara aðaltegund heldur ekki síst “undirtegund”.
Sumar tegundir voru með allt að 260% tjónshlutfall. Það þýðir að fyrir hvern 1000 greiddan í iðgjöld þarf að greiða 2600 kr í tjón að meðaltali. Það er dálítið erfitt að reka nokkra starfsemi á slíkum hlutföllum.
Hér verður að hafa eitt i huga að allir bílar, á sömu tryggingu, greiða sama iðgjald hjá Elísabetu.
Því var tvennt í stöðunni: a) að hækka iðgjöldin á alla bíla, (líka þá sem eru með tjónshlutfall undir 100%) eða b) að sleppa því að tryggja þá bíla sem valda því að hækka þurfi iðgjaldið.
Við erum að prófa að fara leið b og sjá hverju það skilar.
Það eina sem við höfum til að ákvarða verð er tölfræðin og hún getur verið ansi köld á köflum og er ekki hagstæð kraftmiklu bílunum í þessu samhengi.
Ertu með einhverjar tölur yfir það að tryggingatjón á
kvartmílubrautinni og samskonar brautum séu að hækka kostnað ykkar?
Svar:
Við skoðuðum ekki sérstaklega kvartmílubrautina því það er veitt sama leyfið til að æfa og keppa á kraftmílubraut, brautinni í Kapelluhrauni, götuspyrnu, drift, burn-out og öllum skipulögðum keppnum þar sem keppt er á eigin bíl. Athugið líka að þetta á ekki við þegar keppt er á sérútbúnum kvartmílubílum eða rallý-bílum, þetta á bara við um þegar fólk fer á sínum venjulega fólksbíl á bláum númerum.
Þegar skoðuð voru tjón þeirra sem höfðu fengið umrædd leyfi kom í ljós að þeir sem fengu þessi leyfi voru a.m.k. 3,5 sinnum líklegri til að valda tjóni en þeir sem ekki fóru á þessar brautir.
Erlendar rannsóknir sem byggja á mun fleiri dæmum en við höfum, sýna líka fram á greinilegan mun í tjónatíðni á milli þeirra sem fara á þessar brautir og þeirra sem ekki gera það. Það undarlega er að í þeim rannsóknum er meira að segja leiðbeinandi með ökumanninum en ekki bara tímataka, þannig að áhrifin af þess háttar brautarakstri ættu í raun að vera tillækkunar tjónatíðni en eru samt til hækkunar.
Eru þeir bílar sem eru nú þegar skráðir hjá Elísabetu ennþá velkomnir hjá henni?
Svar:
Þessar breytingar miðast við nýjar tryggingaumsóknir, við munum ekki segja upp tryggingum þeirra bíla sem nú þegar eru í viðskiptum hjá okkur jafnvel þó hlutfall þyngdar og hestafla fari yfir 0,15.
Hvað með bíla sem eru sérbreyttir og eru í raun kraftmeiri en þegar þeir stigu út úr verksmiðjunni?
Svar:
Eins og er þá getum við ekki fylgst með því hvort búið sé að eiga við bílana ef sú breyting er ekki skráningaskyld hjá Umferðastofu. Þær upplýsingar sem við styðjumst við eru þær upplýsingar sem fást í ökutækjaskrá Umferðastofu.
Eruð þið í raun að reyna að bola út þeim viðskiptavinum sem eru að stunda þessar brautir með þessum gjöldum á tryggingaviðauka?
Svar:
Við allar breytingar sem gerðar eru á vöru ( eða verði, aðgengi eða þjónustu) verða til þess að varan hentar núverandi og framtíðarviðskiptavinum misvel og munu aldrei falla að þörfum allra. Við bolum engum úr viðskiptum. Með þessari verðlagningu (lægra iðgjald en rukkað fyrir þátttöku í keppni eða æfingum) erum við þó að höfða sterkar til þeirra sem ekki fara á brautirnar eða í keppnirnar en þeirra sem fara á þær. Sem rekstrarstjóri Elísabetar hef ég mjög góðan skilning á því að fólk leitar þangað sem það fær hagstæðustu kjörin.
Hverju svarar þú þegar fólk segir að þið séuð í raun að ýta undir kappakstur á götum Íslands frekar en inn á lokuðum svæðum?
Svar:
Þetta er mjög góður punktur, kjarni málsins. Ég hef heyrt þau rök að fólk fái útrás fyrir hraðakstursþörfina á brautunum keyri því betur þegar það kemur aftur út í umferðina. Og ég vil bæta því við að bótaskyld tjón á brautinni sjálfri eru nánast engin.
Það eru sterk tengsl milli hraðaksturs og þess að valda mörgum og alvarlegum tjónum.
Og get ekki lesið það út frá upplýsingum um tíðni tjóna þeirra sem fara á þessar brautir samanborið við hina sem ekki fara á þær, að brautirnar séu að gera þá að betri ökumönnum og að valda færri tjónum. Þau gögn sem ég hef og erlendar rannsóknir benda jafnvel til þess að hraðinn á keppnisbrautunum smitist út í umferðina, en sé ekki að minnka hraðann í umferðinni.
Mun TM taka í sama streng og Elísabet og hætta að tryggja kraftmikla bíla?
Svar:
Ég get því miður ekki svarað fyrir TM.
Hvert á að leita ef fólk hefur fleiri spurningar varðandi Elísabetu?
Svar:
Senda á jonpall@elisabet.is.
Ég vona að þetta varpi ljósi á okkar afstöðu í þessu máli.
Takk fyrir að leyfa okkar rökum að vera með í umræðunni.
-
(http://www.zwatla.com/emo/emo/pancartes/009.gif)
-
"Þegar skoðuð voru tjón þeirra sem höfðu fengið umrædd leyfi kom í ljós að þeir sem fengu þessi leyfi voru a.m.k. 3,5 sinnum líklegri til að valda tjóni en þeir sem ekki fóru á þessar brautir"
Hvað sagði ég ekki ....
-
Það er mjög sorglegt að heyra að svo sé.
Eina sem að mar setur doldið spurningarmerki við er hversu stórt úrtak þetta sé hjá þeim, sem sagt hversu margir það séu sem að fengu tryggingarviðauka.
Engu að síður þá er fréttatilkynningin alveg út í hött og hljómar á allt annann hátt en útskýringarnar sem að l2c fengu
-
Og ég vil bæta því við að bótaskyld tjón á brautinni sjálfri eru nánast engin.
ÞESSI FULLYRÐINER EKKI Á RÖKUM REIST :!:
Samkvæmt dómum og tryggingalögum ert þú slysatryggður á tryggðu ökutæki :!: :!: ég get ekki betur séð en að maðurinn hafi takmarkað kynnt sér þau lög sem um þessi mál gilda né dóma :shock:
Svo í þokkabót þá hefur fallið dómur þess efnis að TM var bótaskylt þrátt fyrir að viðauki hafi ekki verið fyrir hendi þegar slys varð í mororcross keppni.
-
ég fer fram á að maðurinn segjir af sér sökum þess að hann er óhæfur í starfi og ber upp lygar á heiðalegt íþróttafélag sem á að styðja en ekki fjárkúga.
-
ég fer fram á að maðurinn segjir af sér sökum þess að hann er óhæfur í starfi og ber upp lygar á heiðalegt íþróttafélag sem á að styðja en ekki fjárkúga.
Það var rétt, og hann notar nafn kvartmíluklúbbsins til að réttlæta ruglið í sjálfum sér. En stjórn kk virðist sama svo mér er skítsama líka
-
Sælir félagar. :)
Já þessi maður fer mikinn í þessum greinum og viðtölum.
Málið er hinns vegar það að hann vitnar aftur og aftur í "rannsóknir" og "tölur", en virðist ekki geta birt neitt slíkt. :!:
Það væri mjög merkilegt að sjá þessar svo kölluðu "rannsónir" og "tölur" sem að hann vitnar í, þannig að maður geti séð þessar "staðreyndir" svart á hvítu. :!:
Nú ef ekki er hægt að fá að sjá þetta þá hljóta allir að mega draga sínar eigin ályktanir út frá því. :idea:
Ég held að við getum ekki annað en sagt að viðkomandi tryggingafélag hafi að mér skilst verið með lægri iðgjöld en önnur, en ef þeir vilja ekki tryggja bíla sem að eru í mótorsporti þá ættu þeir bara að segja það en ekki að vera að kenna einhverju öðru um.
Það er svo hinns vegar allt annað mál að það ætti enginn að þurfa að nota tryggingaviðauka á Kvartmílubrautinni.
Það keppa allir á eigin ábyrgð á brautinni, sem að þýðir að ef um óhapp er að ræða þá ber hver sitt tjón.
Keppnis/æfingahaldari kaupir tryggingu gagnvart þriðja aðila sem eru: áhorfendur, stafsmenn og aðstoðarmenn samkvæmt settri reglugerð.
Ökumenn eru hinns vegar tryggðir af Tryggingastofnun Ríkisins, sem og allir landsmenn, þannig að mér þætti gaman að sjá rökin fyrir tryggingaviðaukanum.
Kanski rétt að benda á að það er nýfallinn dómur um þessa viðauka eins og Edda talar um hér á öðrum stað í þessum þræði, og það er einmitt TM sem er móðurfélag Elísabetar sem að er þar dæmt til að greiða bætur, þrátt fyrir vöntun á viðaukanum í því tilviki.
Er það hinns vegar ekki rétt hjá mér að þetta sé aðeins úrskurður héraðsdóms ?
Ef svo er þá á málið eftir að fara fyrir Hæstarétt og þar getur allt gerst. :!:
-
Af gefinni reynslu minni þa mun ég ALDREY aftur tryggja hjá TM eða Elísabetu.
Þeir virðast standa í þeirri meinigu að það séu ALLIR að svindla og gera eitthvað af sér þegar óhöpp verða.
S.S menn eru alltaf að reyna að skemma þegar kemur að því að þeir þurfi að borga og þar af leiðandi reyna þeir að skerða bætur ef þeir mögulega geta það. ÞEtta er GERSAMLEGA óþolandi sérstaklega því að maður er ekki beint að borga lítið í tryggingar.
-
Og ég vil bæta því við að bótaskyld tjón á brautinni sjálfri eru nánast engin.
Ekki það að ég vilji taka hanns málstað en er maðurinn ekki að tala um að það hafa ekki orðið mikið af slysum á brautinni.
Ég get ekki betur séð enn að allir skylji þetta sem að maðurinn vilji meina að þau þurfi ekki að bæta þau slys sem verða.
-
Ég er nú að sjá þetta í fyrsta skipti þar sem ég hef ekki verið í netsambandi.
Það sýður á mér að lesa þessi skrif.
Ég get ekki séð að það þjóni mínum hagsmunum að vera tryggður hjá þessu tryggingarfélagi lengur.
-
allir að hópast til og segja upp tryggingum hjá þeim