Kannast þú við þennan? 442

[frikkiT]

Þessi er staðsettur á Kjalarnesi, í Grundarhverfi nánar tiltekið. Ég rak augun fyrst í hann rétt áðan svo að ég brá mér út og bankaði uppá en enginn svaraði, þannig ég smellti af nokkrum myndum.
Ég fæ ekki betur séð en að þetta sé Oldsmobile 442 árgerð 1968, og ég hef ekki hugmynd um ástand, sögu eða framtíð bílsins, svo ég spyr ykkur kæru bílverjar, þekkið þið eitthvað til hans?

[frikkiT]

tvær til viðbótar...

[Gummitz_]

það var rauður olds 442 68 einmitt að mig minnir auglístur í dv fyrir einhverjum 2-3 árum, minnir að það hafi fylgt ný eða nýleg innréting með honum, sá bíll var að mig minnir fyrir austan

[Gizmo]

Þessi bíll var uppi í Vökuporti fyrir nokkrum dögum.

Var hirtur við Kartöflugeymsluna í Ártúnsbrekku.

[Anton Ólafsson]

Þessi bíll stóð í mörg ár fyrir austan, rétt hjá Egilsstöðum, þessi mynd er tekin fyrir (tja, ætli það séu ekki að verða 10ár). Þetta er fyrir austan.

[Þórður Ó Traustason]

Félagi minn var að spá í þennan bíl þegar hann var í Vöku. Komst að því að feðgar keyptu gripinn og er hann á leið í hús innan skamms. Þeir fengu víst að geyma hann þarna í nokkra daga því þeir búa ekki bænum. Bíllinn er ekki til sölu því guttinn á að fá bílinn þegar hann fær bílprófið.

[Gizmo]

Veit einhver hve lengi þessi bíll hefur staðið samtals, hvenær upprunalega vélin var tekin úr honum og hvort það sé hún sem átti að setja aftur í hann ?

Hér er svo ein mynd af innréttingunni í honum.

[Gizmo]

Ég er að velta því fyrir mér hvort þetta sé bíllinn sem 455 vélin mín kom úr, hún á að vera úr '68 442 bíl skv númerum, og varla hafa þeir verið margir hérna.  Mig minnir að ég hafi heyrt að hún hafi verið versluð í Þorlákshöfn um 1985-86.  Veit einhver meira um hana ?

PS, veit einhver um pústgreinar á svona 455 vél ?  Þær líta svona út ef einhver lumar á einhverju óþekktu í dótageymslunni.