Keppnisgjöld og tryggingar

[Dodge]

Skilmálarnir fyrir akís trygginguna voru í einhverri frétt á akis.is í vor, en eingöngu á dönsku, ég bað þá að redda þessu á einhverju skiljanlegu tungumáli en held það hafi ekkert gerst í því frekar en öðru, og þótti bara óeðlileg krafa.

Þessi trygging er vissulega ekki dýr fyrir þá sem eru á óskráðum tækjum, en fyrir þá sem eru á skráðum bílum og með tryggingaviðauka og því með slysatryggingu ökumanns í gildi þá er þetta of mikið.

Þeir segja að þetta sé valkvæð trygging og bætist því ofan á aðrar tryggingar til útgreiðslu, en með skilmálana á dönsku veit ég ekkert um það.

Svo er maður enn að skoppa milli tryggingafélaga á hverju ári að berjast fyrir því að fa drusluna tryggða með viðauka..

[Harry þór]

Ég hefði haldið að þessi AKIS trygging væri bara fyrir óskráð tæki. Er það málið að menn skrá sig ekki í keppni útaf allskyns skráningarveseni ?

Mér sýnist ca 7 vera skráða? 

mbk harry þór tryggður og skráður

[Elmar Þór]

Hvernig var þetta áður, segjum okkur úr AKÍS.

[Dodge]

Þessi mál eru klárlega að draga úr þáttöku að einhverju leiti, þar vegur þyngst tryggingaviðaukinn, nú er hann t.d. víðast hvar ekki í boði á fornbílatryggingu sem getur þýtt hækkun úr 18.000 í 125.000 ef þig langar að keira eina keppni, og þá færðu ekki fornbílatryggingu aftur á þann bíl.

Og hvað gerist, 8cyl std á bíladögum með 7 keppendum í stað 23 í fyrra.

[1965 Chevy II]

Ég hefði haldið að þessi AKIS trygging væri bara fyrir óskráð tæki. Er það málið að menn skrá sig ekki í keppni útaf allskyns skráningarveseni ?

Mér sýnist ca 7 vera skráða? 

mbk harry þór tryggður og skráður

Ég sendi póst á þá með fyrirspurn um þetta, ég er með tryggingu og í henni stendur eins og umsamið er " Gildir einnig í spyrnukeppni" , sé því enga ástæðu til að borga AKIS 4000kr í viðbót fyrir ekkert.

[1965 Chevy II]

Spurt :
Ég er á skráðu ökutæki með tryggingu og í skilmálum er umsamið " Gildir einnig í spyrnukeppni " hvers vegna þarf að kaupa tryggingu hjá AKIS uppá 4000kr í viðbót ?

Svar : Þetta er slysa- og dánartrygging keppanda.

Sendi aftur póst:Takk fyrir svarið, nú er slysatrygging innifalin í minni tryggingu. Hvar finnur maður skilmálana fyrir þessa tryggingu á Íslensku?

Svar: Bætur úr þessari tryggingu leggjast ofan á þær aðrar tryggingar sem þú kannt af hafa. Því miður eru skilmálarnir ekki til á íslensku, en hér eru þeir:
http://www.akis.is/slysa-og-danartrygging-keppenda/

Mér finnst undarlegt að það sé hægt að neyða fólk til að taka tryggingar sem það er jafnvel nú þegar með !

Ég kann varla orð í dönsku en mér sýnist kostnaður per einstakling vera 179 DKK eða 2.879 ISK.

.....flestir taka líklega íslensku leiðina á þetta og take it up the old pipehole...

[SPRSNK]

Það hefur staðið til að breyta umferðarlögum á Íslandi.
Ein breyting sem þar er fyrirhuguð er að akstursíþróttasvæði eins og klúbbsins í Kapelluhrauni verði skilgreind sérstaklega sem akstursíþróttasvæði og fái annan sess en nú er gagnvart t.d. vátryggingum.
Þá er líklegt að allar almennar vátryggingar falli niður þegar inn á svæðið er komið og þá muni þurfa að vátryggja keppnistæki og keppendur sérstaklega, hvort sem að þau eru skráð og á númerum eða séu óskráð.

Nú hafa þessar breytingar verið í undirbúningi í yfir 10 ár og hvorki gengur né rekur að koma þeim í gegnum nálarauga ráðuneyta og/eða Alþingis.
En þegar að því kemur þurfum við að vera búin undir breytt fyrirkomulag hvort sem að það verður í gegnum AKÍS/MSÍ eða hver fyrir sig.
Það að ná að tengjast þessu danska tryggingafélagi getur nýst í framtíðinni ef/þegar að breytingar verða á umferðalögum.

En ég get verið sammála því að þessi vátrygging nýtist óskráðum ökutækjum betur en skráðum ökutækjum í dag.
Það ber þó að hafa í huga að sum íslensku tryggingafélögin hafa undanskilið slysatryggingu ökumanns við útgáfu vátryggingaviðauka!!

[1965 Chevy II]

Já þetta er búið að taka ótrúlegan tíma, en í mínu tilfelli er slysatrygging ökumans gild í keppni.