Keppnisdagatal KK fyrir árið 2017 hefur verið samþykkt af báðum sérsamböndunum - AKÍS og MSÍ.
Kvartmíluklúbburinn heldur keppnir í átta keppnisgreinum á árinu 2017.
Keppnir verða haldnar í kvartmílu, áttungsmílu, sandspyrnu, götuspyrnu, drifti, tímaati, þrautaakstri og kappakstri eða samtals 19 keppnisdaga.
Í kvartmílu verða haldin þrjú íslandsmót, í götuspyrnu verður haldið eitt íslandsmót og í sandspyrnu verða haldin tvö íslandsmót.
King of the Street verður haldið með sama sniði og s.l. sumar en þar verður keppt í fjórum greinum, kvartmílu, áttungsmílu, tímaati og þrautaakstri. Um er að ræða einstök bikarmót í hverri grein með stigameistara yfir heildina.
Tímaats keppnin í KOTS er jafnframt hluti af keppni til íslandsmeistara en alls verða fjórar keppnir til íslandsmeistara í þeirri grein.
Þá verða tvær keppnir til íslandsmeistara í drifti og til reynslu verður eitt bikarmót í kappakstri haldið.
Á afmælishátíð klúbbsins verður haldin tækjasýning og keyrðar sýningarferðir í sem flestum keppnisgreinum á akstursíþróttasvæði klúbbsins.
Fyrsta keppni ársins verður 29. apríl 2017 en þá verður haldið íslandsmóti í sandspyrnu.
