Mottó vetrarins er: Vinna í tryllitækinu í vetur og koma því í notkun á Kvartmílubrautinni næsta sumar
Eldur kviknaði í glæsilegri Pontiac bifreið í Hveragerði í gærkvöldi. Eigandinn hafði keypt bílinn notaðan en samkvæmt lögreglu var bíllinn bilaður þegar eigandinn keypti hann. Eigandinn hafði gert hann upp og mun hafa ætlað að prufukeyra hann í gærkvöldi. Ekki er ljóst hvað gerðist svo en eldur kviknaði mjög snögglega undir vélarhlíf bílsins. Lögreglan á Selfossi var fyrir tilviljun stödd rétt hjá þar sem kviknaði í bílnum. Þeir komu á vettvang og reyndu að slökkva eldinn með slökkvitæki en það tókst ekki. Kalla varð því út slökkviliðið sem tókst að slökkva eldinn á innan við tíu mínútum. Bíllinn er þó stórskemmdur - hugsanlega gjörónýtur. Það er því ljóst að eigandinn situr eftir með sárt ennið.
