Sælir félagar.
Það var tími til kominn að einhver svaraði “Caprice 78” og mikið er ég sammála BB429.
Mér hefur alltaf fundist að ef maður hefur ekki vit á hlutunum eigi maður ekki að vera að gefa á þá “comment”.
Sérstaklega ef það getur orsakað það að eitthvað bili eða eyðileggist hjá öðrum.
Það að gefa rangar upplýsingar hvort sem að það er gert viljandi eða ekki, á ekki að eiga sér stað.
Til dæmis hefur “cruise control” alltaf verið kallað hraðastillir upp á Íslensku.
Alla vega þá þurfti ég að afgreiða varahluti í “hraðastilla það er cruise control” þegar ég var að vinna hjá bílaumboði í kringum 1980.
Hvað varðar þessa spurningu hans Sigga k um 3,8 v6 Ford, þá er er svarið hjá “Caprice 78” þannig að maður sér að hann er með höfuðið lengst niður í fötunni.
“Caprice 78” öðru nafni Valdimar Kr K.
Hættu þessu bulli og reyndu að læra eitthvað áður en þú ferð að ráðleggja öðrum og áður en eitthvað tjón verður af.
Hvað varðar þig Siggi K þá get ég sagt þér að 3,8V6 Ford vélin er með veikleika í heddum og það getur alveg eins verið að það séu sprungur í heddunum sem er það sem gerist (ég hrindi á verkstæði í USA til að fá þetta á hreint).
Þetta kom fyrir á Thunderbird sem ég átti og var með svona vél.
Eina leiðin til að fá þetta á hreint er að rífa heddin af og láta þrýstimæla þau, það er hægt hjá Kistufelli og öðrum vélaverkstæðum.
Hvað varðar að eitthvað rekist uppí þegar verið er að stökkva yfir hraðahindranir þá er það öruggt og þess vegna, HÆTTU ÞVÍ.
Það er enginn bíll gerður fyrir svoleiðis hvort sem að hann er með farþega eða ekki, ef þú heldur þessum leik áfram þá eyðileggur þú bílinn.
