Kvartmílan > Spyrnuspjall

Starfsmaðurinn sem ráðinn var til akstursíþróttanefndar ÍSÍ er......

<< < (3/3)

PalliP:
Skemmtilega orðað hjá mönnum.
Ég er ekki alltaf sammála Ólafi en hann er samt maðurinn sem leggur sitt af mörkum, ég hef unnið með honum í umsögnum og fleiru tengdu rallycrossi og alltaf gengið vel.

Það má deila endalaust um hvort hann sé heppilegur starfskraftur þarna sökum fortíðarinnar, en ég hef trú á honum í þessu þar sem ég hef unnið með honum.

Gleymið því heldur ekki að það eru fulltrúar úr mótorsportinu sem ráða hann og ákveða kaup og kjör, það er ekki eins og hann ráði sig sjálfur.

Ef að á að karpa eins og er gert hér að ofan verður alltaf kergja í mótorsporti og ekki unnið í því að heilindum.  Menn ættu frekar að leggjast á eitt, það er enginn sem hefur bölvað honum og óskað honum í burtu komið með annan mann sem vinnur að sportinu í staðinn.  Það er ekki sjálfgefið að það komi maður í mannsstað.

Gangið á Guðs vegum herrar mínir og eigið góðar stundir.
Páll Pálsson

429Cobra:
Sælir félagar.

Komdu sæll Páll.

Það að Ólafur sé ráðinn starfsmaður hjá "Akstursíþróttanefnd ÍSÍ/LÍA", er hrein móðgun við þá sem gerðu heiðursmannasamkomulagið hér um árið.
Þar var því lofað að það yrði byrjað á "núll punkti" sem sagt þeir gömlu sem staðið hefðu í öllu þeim deilum sem voru á þeim tíma færu út og nýir kæmu í staðin.
Ég get ekki séð að þetta hafi verið efnt með þessari ráðningu eða þá því einfaldlega að Ólafur sé í þessari "Akstursíþróttanefnd" yfir höfuð.
Það virðast allir aðrir eiga að efna sín loforð nema Ólafur, eða svo sýnist manni.

Það sem ég sé að þessari ráðningu er það að nöfn annara umsækjenda hafa ekki verið birt, en ráðningarferli í launuð störf hjá ÍSÍ á að vera opið þar sem ÍSÍ er að taka við almannafé.
Að sjálfsögðu geta umsækjendur óskað nafnleyndar og á þá að taka það fram þegar tilkynnt er hverjir sóttu um starfið.

Í öðru lagi er það langt frá því að teljast eðlilegt að umækjandi um starf eigi líka sæti í því ráði (nefnd) sem fjallar um og síðan tekur ákvörðun um hver úr hópi umsækjenda sé valinn.
Þetta kallast hagsmunaárekstur!

Í þriðja lagi er það mjög skrítið að þegar stafsmaður hefur verið ráðinn og þarf að semja um kaup og kjör, þá sé hann sjálfur í þeim hópi sem ákveður launakjörin fyrir sjálfann sig.

Þessi ráðning er í mínum augum í það minnsta vafasöm og gengur gegn öllu því sem í dag kallast "gagnsæi" og var mikið talað um eftir hrun og var mikið rætt um í "ransóknarskýrslu Alþingis", þar sem rætt var um hvernig meðal annars mál þyrftu að vera uppi á borðinu.

Meðan Ólafur situr bæði í "Akstursíþróttanefndinni" og er einnig starfsmaður nefndarinnar þá hlítur maður fara að endurskoða hug sinn um hvort þessi nefnd sé í raun og veru það sem samið var um á sínum tíma.

Ég ætla ekki að fara að rekja hæfni Ólafs hér, en hvað varðar mál KK er það kapítuli út af fyrir sig.

Enn og aftur þá eru það vinnubrögðin við þessa ráðningu sem mér finnast persónulega ekki ná nokkuri átt .

Kv.
Hálfdán.
(ATH hér er ég einungis að viðra mína eigin skoðanir).

PalliP:
Ég er svo sem sammála þér í flestu þarna, það að ráða nefndarmann er kanski ekki það rétta, gæti litað alskyns mál sem unnið er að .  Ráðningarferilinn þekki ég ekki en mér var sagt að Óli hafi vikið af fundi meðan aðrir nefndarmenn sömdu um hans kaup og kjör. 
Vonum að þetta verði í lagi og að menn geti unnið í sátt.
kv.
Páll Pálsson

ÁmK Racing:
Ég held að á meðan Ólafur Guðmundsson er að skipta sér af þessu þá á aldrei eftir að ríkja sátt.Þetta er bara illa innréttaður kjáni sem ætti ekki með nokkru móti að vera að skipta sér af þessu.Auðvitað væri gaman að það gætu allir verið vinir en það á alltaf eftir að ríkja tortryggni á meðan það er ekki búið að skifta öllum út.Þetta er bara mín skoðun ég hef unnið með þessum gaur þó nokkuð oft í gegnum tíðina og aldrei neytt nema vesen.

Navigation

[0] Message Index

[*] Previous page