Hraðasekt

[Jón Þór Bjarnason]

Jæja þar kom að því fyrsta hraðasektin mín.   
Ég varð fyrir því óhappi að lenda fyrir hraðaeftirlitsmyndavél 26. des 2007 í Hvalfjarðarsveit.
Það sem ég er að spá er það að ég er fyrst að fá tilkynningu um þetta núna í dag rúmu ári seinna.
Það sem ég er að spá er hver eru tímamörk á að senda svona sektir ef það eru þá einhver mörk, má senda þetta hvenar sem er. 
Ég gengst alveg við því að vera þarna og á þessum tíma þannig það er ekki vandamálið.
Mér finnst það bara mjög asnalegt af hálfu Lögreglustjórans á Snæfellsnesi að senda út tilkynningu svona seint.

Það fyndna við þessa hraðamyndavél á þessum stað er að sögur segja að þarna hafi traktor verið myndaður á eitthvað í kringum 200 km hraða.
Það sem sást ekki á myndinni var mótorhjólið sem tók fram úr traktornum.
Því miður þá get ég ekki notað sömu afsökun þar sem þetta var í desember. 

[fannarp]

biddu um að fá að sjá myndina, fékk svona fellt niður því myndin var óskýr

[Jón Þór Bjarnason]

Held að það sé nær ómögulegt þar sem þeir hafa númerið á bílnum. Annað hvort þá gengst ég við að hafa verið ökumaður bílsins eða bendi á ef einhver annar var að keyra.
Ég er ekkert að reyna að sleppa undan þessu. Það sem mér finnst fáránlega asnalegt er tíminn frá brot var framið og þangað til sektin berst.

[Serious]

Þú hlítur að hafa verið á bjöllunni mér sýnist á upptalningu á bílunum hjá þér að hún sé eini bíllin sem nær ólöglegum hraða hehehehehehehe

[Heddportun]

tu att ekki ad turfa ad borga sektina,held af tad se 3 manada rammi sem teir hafa til ad tilkynna ter etta

[jeepson]

Vertu bara harður við þá. þá er ekkert víst að þeir geri neitt í þessu. svo geturu altaf sagt að þú hafir bara lánað einhverjum bílinn og þú munir nú ekkert hver það er enda svo langt síðan. og margir hafa fengið bílinn þinn lánaðan

[Ravenwing]

Þeir hafa rúmlega 18 mánaða ramma til að tilkynna mönnum svona því miður...ef svo væri ekki þá væri ég kannski með prófið í dag en ekki að labba fram í júní 

[PHH]

81. gr. [Sök fyrnist á þeim tíma, er hér segir:
   1. Á 2 árum, þegar ekki liggur þyngri refsing við broti en 1 árs fangelsi eða refsing sú, sem til er unnið, fer ekki fram úr sektum.

[PHH]

Held að það sé nær ómögulegt þar sem þeir hafa númerið á bílnum. Annað hvort þá gengst ég við að hafa verið ökumaður bílsins eða bendi á ef einhver annar var að keyra.

Þetta er ekki alveg rétt, það er ekki hægt að þvinga fram svona játningu ef ekki sést hver ekur(þó að þeir reyni...).

sbr. lög um meðferð sakamála 88/2008

118. gr.(var 51.gr. í gömlu lögunum) Vitni er rétt að skorast undan því að svara spurningu ef ætla má að í svari þess geti falist játning eða bending um að það hafi framið refsiverðan verknað eða atriði sem valdi því siðferðislegum hnekki eða tilfinnanlegu fjárhagstjóni.

[Valli Djöfull]

Ég er líka nokkuð viss um að þeir megi ekki nota það sem sést í gegnum bílrúðuna.  Eitthvað persónufrelsiblabla..  Ef það er rétt, mættir þú halda á stækkaðri útgáfu af ökuskírteininu þínu við framrúðuna og þeir mættu samt ekki nota það 

En hvað veit ég, flest sem maður "heyrir" svona hér og þar reynist svo alrangt

Bubbi vann svona mál, þegar tekin var mynd af honum og sett í blöðin, þar sem hann var að tala í síma og keyra..  Persónuvernd eða frelsi hafði betur..

[bjoggi87]

en ég held að það sé þannig að þú myndir segja að þú hafir lánað bílinn en ekki munað hver var að keyra þá er það undir eigandanum komið að borga sektina félagi minn lenti í þessu fyrir nokkrum árum og þá reyndi hann þetta en það virkaði ekki annaðhvort myndi hann finna þann sem var að keyra eða hann borgaði sektina... en vil samt ekki fullyrða að þetta sé svona nuna því þetta gerðist fyrir sirka 10 árum eða svo

[Sterling#15]

Þetta finnst mér langur tími.  Eg var tekinn á sömu myndavél og fékk sektina viku seinna.  Eitthvað hafa þeir gleymt sér þarna á snæfellsensinu.  Eg mundi hringja í þá og kvarta svolítið.

[Jón Þór Bjarnason]

Þetta finnst mér langur tími.  Eg var tekinn á sömu myndavél og fékk sektina viku seinna.  Eitthvað hafa þeir gleymt sér þarna á snæfellsensinu.  Eg mundi hringja í þá og kvarta svolítið.

Ég kvartaði í þeim kurteisislega (ég kann það líka) og eina skýringin sem ég fékk var borgaðu þetta bara.
Þar sem ég er ógeðslega ríkur (á nokkra banka) þá gerði ég það bara.