Það var einmitt '79 módelið sem upphaflega kveikti áhugan hjá mér fyrir Monte Carlo. Þann bíl átti Jósef Gunnlaugsson og eftir að hafa ekið honum í nokkur ár hófst uppgerð, en eins og með svo margar slíkar þá lenti hann í veseni með húsnæði undir bílinn og seldi hann árið 1997.
Aðspurður um kaupandann var svarað, "það var einhver strákur í Hafnarfyrði" og þar með var það útrætt.
Seinna heyrði ég að sá bíll hefði verið málaður vínrauður og gott ef ekki handmálaður.
Sá í Mývatnssveitinni er samkvæmt mínum heimildum bíll sem Þorgils Jóhannesson Byggingaverktaki á Svalbarðsströnd fær nýjan. Um árgerðina er ég ekki viss þar sem ég hef aldrei séð bílinn þó ég búi nú ekki allfjarri.
Þessi bíll var að mig mynnir hvítur og með stólum og stokk og beinskiptur. Þetta þótti fallegur bíll á sínum tíma.
Bíllinn er seldur í Mývatnssveit og fer þar í einhverja yfirhalningu. í Eyjafjörðinn liggur svo leiðin í sprautun, en þar stóð hann fyrir utan hjá sprautaranum mjög lengi áður en eitthvað var gert. Enn á bílinn fór lakk fyrir rest og í sveitina fór hann en ekki hefur hann ratað á götuna aftur, nú sjálfsagt einum 15 árum seinna+-
Það er greynilegt að ekki eru neinir staflar af Monte Carlo til á landinu og þess vegna væri gaman af því að heyra eitthvað meira af þessum í pappakassanum
Þakka þeim sem hlýddu, góðar stundir
