Sælir félagar,
Ég er ekki beint að leita að bíl hér, heldur fyrrverandi eigendum, sögu og myndum af bíl sem er í minni eigu og er í einskonar uppgerð..
Bíllinn er af gerðinni Ford Econoline E-150, árgerð 1987, Með skráningarnúmerin A-8411 (man ekki föstu númerin einsog er).
Það sem ég veit er að þetta er fyrrverandi lögreglubifreið af Akureyri skilst mér, enda vakti bíllinn einhverja athygli heimamanna á Bíladögum þar á bæ seinasta sumar, þó sjúskaður hafi verið. Ég veit hver eigandinn á undan mér er, og að bíllinn er skráður sem húsbifreið sem stendur. Ökutækið gengur sem stendur ágætlega fyrir 351w vél með áfastri c-6 skiptingu, samkvæmt mæli er bifreiðin ekin um 220þús km (ekki mílur) en gaman væri að vita meira, t.d. hvort þessi tala passar, og hvort mótorinn sé upprunalegur. Lakkið á bílnum er upprunalegt og má enn sjá móta fyrir gömlu Lögreglustjörnunum á framhurðunum, ásamt bláum og svörtum merkingum í hurðarfölsum og för eftir tvö keiluljós á toppnum ásamt leitarkastaranum (sem ég á enn en tók af) og einhverjum loftnetum. Felgurnar hýsa gamla Ford merkta járn chrome koppa sem farnir eru að láta á sjá.
Gaman væri, þar sem ég er ungur og metnaðarfullur nemandi eldri kynslóðarinnar, að fá ykkar upplýsingar hér fram á sjónarsviðið, hvað er varðar sögu og fyrrverandi eigendur þessarar bifreiðar. Ásamt vonandi myndum.
Einnig væri sjálfsagt að þiggja allar upplýsingar um hvernig best væri að betrum bæta farartækið á sem hagstæðastan máta.
Og ef einhver veit hvaða Econoline Lögreglubifreið er á ferð í þessu myndbandi og hvar þetta er tekið:
http://www.youtube.com/watch?v=q5rpaJJj0YIMeð fyrirfram þökk
Kv. Raggi
