Jú ég kann nokkrar góðar sögur og ein er um æsilegan kappaskstur á Skeiðavegi á þessum tveim Nóvum x1438 og x2111 sem sjást saman á einni myndinni.
Pétur átti x1438 og er frá Ólafsvöllum á Skeiðum og þar sem sturtan var biluð heima hjá honum sumarið 1981 var alltaf farið í sundlaugina í Brautaholti í bað. Alltaf var gefið hressilega í á Nóvunni og spólað á malbikinu þannig að söng í. Eitt skiftið á góðri siglingu kemur Jói á Sólheimum á Nóvunni sinni x 2111 og rennir upp að hliðinni og æstist leikurinn og þurfti ekki mikla hvatningu í kappaksturinn. 100....120....140...160...180....185 km/kl þá skifti Jói upp í 3 gír og hafði það framúr. Mikið vorum við orðin hrædd í x1438 enda nötraði allt og skalf og ökumaðurinn mjög æstur.
Pétur keppti nokkrum sinnum á brautinni og hann var ekkert að taka til í bílnum fyrir keppni. Eitt skiftið voru nokkrir mélpokar í skottinu sem hann hafði keyft handa kúnum og gleymt að taka úr skottinu.
Það fór rosalega í taugarnar á Pétri þegar hundarnir migu á fínu krómfelgurnar og allt ryðgaði undan hlandinu. Mamma hans ræktaði íslenska hunda og alger hundaplága á hlaðinu.
Eitt skiftið var verið að mála þökin á íbúðarhúsinu og fjósinu og þar sem Pétur var mikið fyrir músík þá vildi hann hlusta á músík meðan verið var að mála og stillti bílnum upp fyrir framan hús og setti allt á botn svo það glumdi um allt Ólafsvallarhverfið. Daginn eftir varð okkur litið á bílinn og leit hann út eins og krakki með hlaupabólu. Allur í rauðum doppum sem höfðu úðast af þakinu og yfir bílinn. Rosalegt klúður enda bíllinn flott sprautaður og mjög fallegur á þessum tíma. það var mikið hlegið að þessu samt. X 1438 var 68 módel.
Esther Guðjónsdóttir Sólheimum, fyrrverandi vinnukona á Ólafsvöllum.
