ANTON SKRIFAÐI 21 Febrúar:
Innlegg: 02-21-2007 21:42 Efni innleggs: Ö-481-Rauður
--------------------------------------------------------------------------------
Þessi er væntanlega látinn
Þetta er sennilega BP-446
26.04.1984 Eignarhaldsfélagið Jöfur hf Pósthólf 8275
16.08.1982 Pétur Randver Bryde Vættaborgir 140
16.03.1981 Stefán Jónasson Gauksás 63
14.01.1981 Karl Valdimar Brandsson Birkihlíð 2b
12.09.1979 Jón Viðar Guðjónsson Fjarðarás 12
28.12.1978 Óli Þorleifur Óskarsson Grænamörk 10
31.05.1978 Sigurd Oliver Staples Eyjar
14.12.1976 Hallgrímur Sigurðsson Vatnsnesvegur 22
Hann bar allavega þetta númmer
11.07.1984 Y11952 Gamlar plötur
24.03.1981 G7092 Gamlar plötur
12.09.1979 X2562 Gamlar plötur
28.12.1978 R62899 Gamlar plötur
31.05.1978 N772 Gamlar plötur
14.12.1976 Ö481 Gamlar plötur
Hann er svo afskráður 18.01.1991
Vin #9F020201596 greinilega eitthvað vitlaust skráður þar sem vélarstafinn vantar.
_________________
Anton og félagar, þetta er einn merkilegasti Mustang sem hingað kom. Ég kannaðist svo vel við hann á þessum myndum. Þetta er enginn annar bíll en 428 Super CJ bíllinn sem Björn Emilsson flutti til landsins, sennilega haustið 1970. Ég efast um að nokkur svona græja hafi fengið meðferð neitt í námunda við það sem þessi fékk.
Bjössi sagði mér að bíllinn hafi verið illa farinn þegar hann eignaðist hann enda losaði hann sig við hann eftir stutta eigu. Ég kom að sögu hans haustið 1973. Þá var hann auglýstur til sölu. Ég skoðaði hann í flugskýli niðri á Reykjavíkurflugvelli. Þá var hann þar uppi á búkkum og var þá búið að endursmíða framhjólastellin undir honum eða lappa eitthvað uppá. Tveir flugvirkjar unnu það verk. Eigandinn gangsetti hann fyrir mig og malaði Cobra Jet 428 vélin fínt. Ég vildi skipta á honum og mínum sægræna 69 M1 sem búið er að gera skil hér að ofan. Ekkert varð nú af því ... sem betur fer enda var þessi CJ bíll búinn að fá að kenna svoleiðis á því að ég hefði ekki getað haldið honum á götu til lengdar. Eitt dæmið um það er að sá sem átti hann 71-2 ók honum vestur í Staðarsveit á Snæfellsnesi mörgum sinnum bæði vetur og sumar. Hann fór þessa 160-70 km leið á c.a. 75 -90 mínútum .... á malarvegum. Hann flaug út í móa á þessum akstri, sennilega oftar en einu sinni ....
Það voru strákar í Kópavoginum sem lögðu kannski mest til þess að hann átti aldrei séns á að verða endurreistur, en það var 1974, sennilega um vorið, eftir að búið var að keyra hann á ljósastaur á Hverfisgötunni með framhjólin í spíkat, gersamlega í split. Þeir keyptu hann og tjösluðu honum saman og seldu 428 vélina og C-6 kassann upp úr honum, en slökuðu í staðinn ofan í hann 351 Cleveland 2V úr ´71 Cougar sem þeir höfðu rétt á undan keypt skemmdan í sölu varnarliðseigna. CJ vélin og skiptingin eru enn til.
Áfram var haldið að djöflast á þvi sem eftir var af þessu flaki. Ég sat í honum og gat fengið hann keyptan ... sennilega í maí 1982. Pétur Bryde var þá eigandinn. Þá hafði græjan verið máluð í bláum lit af Subaru ....kóbalt blár. Vel hefði mátt bjarga honum þá, en ég sat þá uppi með annan viðlíka bíl sem var minn banabiti í þessari dellu í mörg ár á eftir. Bílnum var svo hent, því miður og fór þar með löng saga sem ekki verður hægt að endurskapa. Það stemmir að Eignarhaldsfélagið Jöfur
hafi tekið hann uppí einhver skipti, en hann stóð svo þar á planinu lengi á eftir, til sölu held ég.
VIN númerið er þá 9F02Q201596. Fimmti stafur er semsagt - Q - sem merkir 428Cobra Jet non-ram air. Hvort þetta er CJ eða SCJ mun ekki komast á hreint nema eigandi vélarinnar sýni hana pönnulausa eða amk framan á hana, en sé þetta SCJ vél, þá er lítið kastlóð steypt utan á hulsuna sem kemur aftan við víbringsklossann. Ég er hins vegar ekki sáttur við sjötta stafinn, hann á að vera 5, en ekki 2, vegna þess að allir C-6 bílar voru auðkenndir með 5 sem sjötta staf. Shelby GT-500 bíllinn var þannig, en það er vel hugsanlegt að þessi bíll hafi komið frá verksmiðju með 4-speed og þá getur þessi stafur (2) átt við. I guess we´ll never know. Fyrir því eru ákveðnar líkur, vegna þess að þeir sem pöntuðu 428 bíla með 3,90 eða 4.30 drifhlutfalli fengu þá SCJ vélina fyrir framan eykið og Ford hefði mælt með close ratio toploader kassa ...enda pantaði enginn nýjan bíl með svona drifhlutfalli nema í einum tilgangi.... þannig varð líka Super CJ vélin til.
Það er sorgarsaga, en svona enduðu allt of margir þessara bíla.....
