Kvartmílan > Almennt Spjall

### GULLALDARÁRIN###

(1/4) > >>

eva racing:
Hæ.

   Það kom upp umræða hér á vefnum, (vildi ekki pósta þessu þar, spjallþráðastuldur.)  Hvað varð um "gullaldarárin"  ??  
      Þessi Gullár voru náttúrlega tíminn þegar og strax eftir reglubreitingarnar  SE MC GT O.sv.frv Og þarna voru ferskir flokkar þar sem menn komu og töldu sig vera "keppendur".   En þar kom að nokkrir skáru sig útúr Smári, E. Birgis. , Rúdolf, Halldór (subaru) etc.  Og "hinir" týndu smám saman tölunni.  

     Er þetta þá þeim að kenna (að taka sportið alvarlega)  Nei að sjálfsögðu ekki.  Þetta er bara þróun, sem verður í flokkum þar sem reglur eru mjög opnar, og þeir sem vilja fórna sér (í jákvæðri merkingu) og keppa af alvöru "drepa" hina.   Eru þeir þá aumingjar. ???   Tja.. hvað skal segja.   Neeeeiii þeir eru kannski meira fórnarlömb of opinna reglna, og hafa kannski ekki bolmagn, tæknilega,fjárhagslega, aðstöðulega, verkkunnáttulega, reglulega, (rosa mörg "-lega", mar.)   Og gefast upp,  Eiga ekki séns, eða .....

     Þetta gerist lika í Mekka, (USA) þar eru og voru flokkar mjög opnir, T.d  5.O flokkar þar sem byrjuðu 487 keppendur í fyrstu keppnunum og "metið" var 10.80.  Svo komu einhverjir með turbo og metið datt í 8.70 (Kannski með pústi og 10,5" slikkum) keppendafjöldinn var kominn í 82.          En hraðinn meiri og sjóið betra, æðislegt...   Nokkrum keppnum þar á eftir voru komnir PRO smíðaðir bílar, sem samt voru innan reglna, Metið varð 7,45. Og keppendur orðnir 9.     Þessar upplýsingar eru nú stolnar og endursagðar úr einhverju MUSTANG blaði,(já,maður les allann fjandann) Og þar var grein um kappa sem var að smíða bíl fyrir svona 5,0 flokk og þegar bílinn var tilbúinn var flokkurinn "dáinn".   Bíllinn var flottur samt ..

      Svona fer fyrir okkur svolítið líka,  og er þá lausnin hvað.... Nýjir svona "heads up" opnir flokkar, ? eða keyra hina (með 2-3 keppendum)
    Það er náttúrlega mikið einfaldara að kenna "nýju" stjórninni um allt saman og fara í fýlu,  Hrumpf. tala ekki við ykkur meir, þið eruð hófdýr (ekki hestar)

     Nú, í hinum stóra heimi er verið að reyna að "takmarka" bíla í þessum SE MC geira og koma þá td, óbreyttur undirvagn að aftan, og hið sívinsæla 10.5" slikkar púst etc en jafnvel í 5.0 (302-305 Cid) vélastærðum er erfitt að halda mönnum í "keppni"  

    Nei, Því miður hef ég enga lausn heldur,  Ef einhverja lausn á að vinna væri kannski ráðlegast að Keppendur í viðkomandi flokki ræddu saman, kæmu með tillögur, Kannski hér á netinu (ef það væri hægt an ess að fá allskonar "vildégværikeppandi" og eða besservisserum og plííís ekki Sódomu bílar)  
      Það er alltaf erfitt að mæla með takmörkunum. ef það er á "páveri" þá kemur: Hva, þorirðu ekki hratt (höfðað til karlmennskunnar) og ef það er dekk/veggripsaukar þá kemur: Hva, má maður ekki nota "PAVERIÐ"???      Er einhver niðurstaða úr öllum þessm orðum hjá mér.??      Nei...... Kannski ekki niðurstaða......   Meira svona hugleiðingar um hverju er um að kenna að Gullaldarárin,  runnu sitt skeið, af eðlilegum orsökum,  

                 Þetta er ekki neinum að kenna.

   Evolution, dear Watson, evolution.    

  Kannski eru þessir sekúnduflokkar ekki svó slæmir eftir allt.  Þeir sem eru góðir að "Keyra" koma og hafa gaman af þessu. 'A sínum götubíl.   Þeir sem eru með meira páver geta sýnt það nokkrar ferðir og bætt sig á milli keppna.  O.sv.frv.    

En að það sé flokkur "heads up" með :gerðu það sem þú vilt/notaðu það sem þú vilt. einhverstaðar í reglunum,,,, Sorrý, gengur ekki lengi --- verður 1-2 sem dóminera og hinir heima.....    

   Með von um einhver viðbrögð......

gstuning:
Gæti verið að þetta fari alltaf í hringi,, vinsælt í tíma, óvinsælt í tíma,

Það sem er að gerast er betri þekking á tjúningum á þessum minni bílum sem eru allstaðar og auðveldar að versla og eiga heldur en eldri bíla,
og það er merkilegt hvað það ætlar að vera erfitt í fæðingu en það hefst á endanum.
En turbo saab-inn sýnir að það er allt að hefjast,

Annað líka í sambandi við þessa minni bíla og kappasktur á þeim er að flestir eigendur eru í skóla og geta ekki verslað hina og þessa hluti í þá til að gera þá hraðarri, hérna heima þá virðast allir eldast uppúr þessum bílum yfir í annaðhvort stærri dýrarri bíla eða fjölskyldubíla, erlendis þá skiptir módel, týpa eða árgerð minna máli. Hérna heima þá má ekki vera Honda áhugamaður eftir 22ára aldur, því að maður ætti að vaxa uppúr því, sem er fáránlegt og mér finnst sorglegt, mér t,d finnst flottara þegar einhver heldur sig við sína tegund í stað þess að kaupa eitthvað annað því að nú sé kominn tími til að þroskast og hætta leika á littlu bílunum,

Það sem myndi gera sem mestann mun á bílaeign og viðhaldi/tjúningum er innflutnings tollar og reglugerðir, það er andskoti súrt að vera skoða bæklinga erlendis og eilíft þurfa að gera x2 til að fá verð fyrir sig. Hverjir í keflavík þekkja ekki einhvern á vellinum sem er til í að taka á móti pörtum og þessháttar og svo er þessu smyglað inn, eða þegar fólk er að ljúga á tollskýrslum til að lækka lokaverð á hlutum.
Ég væri svo til í að bjóða þá hluti sem ég er með á minna, við leggjum t,d eins lítið á og hægt er til þess eins að fólk kaupi frekar eitthvað sem það langar í eða kaupir eitthvað drasl locally.

$1000 í USA
flutningu til íslands : $100 (mjög lítill hlutur augljóslega)
CIF verð : $1100
með 7,5% toll vegna þess að þetta er frá USA : $1182,5
svo með  15% vörugjaldi : $1359
svo 24,5% VSK : $1693 + nokkir fjólubláir fyrir tollskýrslugerð og vona.
>>>>>>>%70 dýrara hérna heima <<<<<<<

Ég skil ekki hversvegna það er 15% vörugjald á varahlutum t,d
það eru engir varahlutir framleiddir hérna heima sem þarf að vernda,

dekk eru það og það er bara %10 tollur á þeim + klink í gúmmígjald og eyðslugjald.

Væri ekki fínt að geta stoppað í stillingu eða bílanaust og keypt hluti á %50 sem þeir kosta núna???? Myndi létta okkur öllum lífið

eva racing:
Hæ.

    Ég hefði átt að byrja á því þessa klausu mína hér að ofan á að lýsa minni skoðun á velheppnaðri kvartmílukeppni.      Síðasta keppni var gott dæmi um góða keppni því enganvegin var vitað um hvernig hver ferð færi. Enginn var með Yfirburði og spennan því gífurleg (og ég varð ær.????? ekki skil ég hvað sauðfé er að gera í sönglagatextum)

    Ekki skaðar að hafa flotta bíla og góð stört hjá td. öllum keppendum í OF bæði viðbrögð og 60 ft.

   Þannig að mín skoðun á GÓÐRI keppni er að það sé KEPPNI, þe. spennandi sé að sjá hvor hafi betur úr hverri ferð.   Menn ofurstressaðir á ljósunum  og adrenalínið í botni. (hjá keppendum og áhorfendum í framhaldi af því)  

   Auðvitað er gaman að sjá keppnisbíla í lágum tímum,  en ef 1-2 eru 10. sek og 4-5 á 12. sek í sama flokki dettur niður spennan.     Ef með sanngjörnum hætti er hægt að jafna þennan mun eitthvað,  til að gera keppnina meira spennandi þá er það gott mál.        Og svo þetta með góða tíma vs "fun car"      Mér persónulega finnst meira gaman að sjá bílana hjá Leif, Benna, og Einari fara á 9 sek heldur en draggann hans Ingós í 7 sek.    EF hinsvegar Leifur er með 2 sek forskot á Ingó þá fer málið að lagast og verður spennandi að sjá hvort Ingó nær Leif.......
   Ef þeir færu af stað á jöfnu...........þá myndi prjónið og hið flotta start hjá Leif fara fyrir vísindin því Ingó væri að kveðja hann á startinu..

   Þetta er mín skoðun á spennandi keppni.
      AÐ sjálfsögðu þegar komið er í bíla einsog safnið hans Þórðar, Þá breitist þetta aðeins aftur og gaman er að horfa á þá bíla jafnvel eina og staka því aflið, hávaðinn og lætin eru þvílík...

  Því má svo sem bæta við að ég á sjálfur svona "dull" dragga sem hefur ekki páverið og lætin hjá Þórði eða Agga.   Sigh..........Þannig að þegar minn tími kemur .................... Verður hann ekkert spes...
   En svona er lífið......      Maður verður að taka því með sama jafnaðargeði og Stígur (sem ætti að vera fyrirmynd margra, og gleðst yfir SÍNUM bætingum burt séð frá hvað aðrir eru að gera.) Og keppa að því að bæta SIG (þe mig.)

Nóni:
Já það er erfitt að viðurkenna það að Valur hafi rétt fyrir sér en sennilega er það svo að hluta til í þessu tilfelli, allavega sé ég ekki í fljótu bragði annað en að þetta með þá sem nenna, tíma, geta, vilja og þar fram eftir götunum sé alveg rétt. Þetta verður allt að fara saman, sumir vilja keyra gömlu flokkana óbreytta og ég var þar á meðal en við tókum þessa ákvörðun í stjórninni og þar við situr. Við tókum líka þann pól í hæðina og ákváðum að ef fram kæmu ákveðin mótmæli frá keppendum (minnst 4) í einhverjum af gömlu flokkunum og kröfur um að þeir væru keyrðir, þá yrðu þeir keyrðir, það þarf bara að skrá sig í þá. Einmitt það sem Valur sagði áður, menn þurfa að tala saman en ekki röfla hver í sínu horni því að þannig kemst engin hreyfing á hlutina. Það hafa nú til dæmis engir bílar komið og skráð sig í keppni í GT flokk sem var þó mestur áhugi fyrir í vetur þegar kannaður var hugur væntanlegra keppenda til flokka, ég sagði enginn en það er víst ekki rétt því að hann Ingó formaður ætlaði að keppa í síðustu keppni á vettunni sinni og Haukur Sveins skráði sig á Neon í fyrstu keppni. Það er sekúnda milli þessara bíla, Haukur á 12,7 og Ingó á 11,6 og ef við hefðum kannski fengið tvo camaro eða mustanga af nýrri kynslóðum til að fylla flokkinn hefðu þeir væntanlega verið í 14 sek. Hefði þetta verið skemmtilegra en sekúnduflokkar? Ég bara spyr.
Kannski hefðum við fengið bíla í MC flokk og þá hefðu þeir verið frá 11 sek. eins og Ómar Nordal fór í fyrra og upp í 16 sekúndna bíla, kannski 4-5 bíla.
Hvað eru menn að segja þegar menn tala um gullaldarárin? Keppendur eða almennir félagsmenn ósáttir við störf þeirra stjórna sem hafa verið við föld síðustu 4 ár? Hafa þeir hinir sömu menn boðið sig fram til setu í stjórn félagsins? Eru menn ósáttir við lagningu tilbakabrautar? Það að geta keyrt til baka niður í pitt án þess að eyðileggja bílinn sinn í leiðinni? Þegar ég keppti fyrst 2002 var bakabrautin margfalt verri en vegurinn að brautinni.
Eru menn ósáttir við búið er að steypa pittinn og hægt er að leggjast undir bílinn án þess að fá sand og möl inn á innstu staði?
Kannski eru menn ósáttir við að búið er að jafna um alla hólana sem hægt var að keyra upp á og velta niður af?
Eru menn kannski ósáttir við að búið er að kaupa nýjan tímatökubúnað og hægt er að sjá 60 fet, 1/8, og allt það?
Að mínu mati hafa stjórnir síðustu ára lyft grettistaki þarna suðurfrá, ég get því miður ekki eignað mér heiðurinn af þessu þar sem ég er nýkominn inn í stjórnina. Það var einmitt á þeim aðalfundi sem mér var eiginlega ofboðið þar sem menn óskuðu eftir að komast út úr stjórninni en enginn vildi taka við stjórnartuamunum, ég gat auðvitað ekki bísnast yfir öðrum og ekki farið sjálfur fram þannig að mín samviska sagði mér að ég yrði ritari klúbbsins vildu menn fá mig inn. Gott og vel, ég er þarna núna og þetta er bara eitthvað sem maður tekur sér fyrir hendur en það er ekki laust við að maður verði svolítið skúffaður þegar ekki fleiri sjá sér fært að mæta til keppni og næstum enginn til að vinna fyrir klúbbinn, nema að sjálfsögðu Einar K. Möller.
Þarna komum við að punkti þar sem Valur spyr hvort að hinir séu aular sem hætta að koma þegar einhverjum gengur vel, ég segi já, þeir koma ekki einu sinni til að hjálpa eða gera eitthvað gagn.
Svo er það auðvitað hinn klassíski sófareiser sem talar um að koma í keppni næsta sumar en ekkert gerist.
Ég er sjálfur ekkert mikið fyrir afsakanir þannig að ég reyni ekkert mikið að afsaka mig, ég er heldur ekkert mikið fyrir langar ræður en þegar ég þarf að tjá mig þá bara þarf ég að tjá mig. Takk fyrir það.



Bestu kveðjur, Nóni vel blásinn.

fordfjarkinn:
HÆ HÆ reglulegir þrasarar.
Aum er nú birjunin á þessu kvartmílu summri.
Hvar eru allar græjurnar.Er Valur að ía að því að það séu allir í fýlu út af tragsjón leysi og reglum.

T.D. Trakkið á brautini er svo lélegt að MINN BÍLL spólar alltaf HUH. Alveg sama þó að Leyfur prjóni af stað HUH. þá er þetta samt handónítt start fyrir MINN BÍL það hlítur einhvað að þessu malbiki HUH. Það er sko ekkert að MÍNUM BÍL HUH.

Reglurnar hennta MÍNUM BÍL ekki nógu vel .Það þarf að breita þeim eftir MÍNUM BÍL.

Ég trúi því ekki að menn hagi sér svona eins og smábörn í sandkassa.
Ef þetta eru réttu ástæðurnar þa er komin tími til að heimsækja sálfræðing.


Reglur og óreglur.
Nú ætla ég aðeins að minast á óskappnað sem kallast OF (ofurbílaflokkur) bara nafnið vekur upp hrilling. Þetta eru vitlausustu mótorsport reglur á bigðu bóli. Þessar svokölluðu reglur eru algerlega reglulausar. ÞAÐ VERÐA AÐ VERA ALVÖRU REGLUR ekki bara kúbik/kíló búið spil, auðvelt enn heimst. Það nennir bara engin að fylgast með að það sé farið eftir einhverjum reglum,þesvegna er best að hafa regluleisu þá þarf ekki að fylgjast með því að einhver sé að svindla. Ég seigi hendiði OF í öskutunnuna og takið upp Competition flokkinn frá NHRA sem er búin að þróast í +- 30 ár í Ameríkuni, æ Já það er nú sjálfsagt ekki hægt það eru nú allir vitlausir þar og hafa ekkert vit á þessu frekar öðru í sambandi við bílasport.

Var svona að telja saman í huganum hvað það væru mörg góð tæki í landinu, Það komu svona ca 30 til 40 stk hum hhað mættu margir til leiks í síðustu keppni ,kannski 4 hvar voru hinir.

Kv. TEDDI tommustokkur (Tækjalaus).

Navigation

[0] Message Index

[#] Next page