Sælir félagar, þá er fyrsta keppni búin og það er ekki laust við að við í stjórninni höfum orðið fyrir svolitlum vonbrigðum með þáttökuna. Það er nú orðið helvíti hart þegar starfsmenn eru orðnir fleiri en keppendur. Engu að síður höfðu þeir sem mættu gaman af enda mjög skemmtilegt að keyra og kepppa í kvartmílu. Lætur nærri að nærri helmingur keppenda hafi verið nýjir menn og ber að fagna því og bjóða þá velkomna.
Hér koma úrslitin:
14,90 flokkur
1. sæti Ingvar Jóhannsson á Dodge Neon ´95 2,0 L
2. sæti Gunnlaugur V. Sigurðsson á Chevrolet Camaro ´70 383 c.i.
3. sæti Þórir Már Jónsson á SAAB 9000 CD ´92 2,3 L
SC flokkur mótorhjóla að 1000cc
1. sæti Davíð S. Ólafsson á Suzuki GSXR 1000
2. sæti Ólafur Þór Arason á Kawasaki ZX10R
Ekki reyndist unnt að keyra fleiri flokka vegna bilana, Stígur og Smári misstu fyrsta gírinn þannig að þeir vildu ekki hætta á að sprengja skiftinguna og hættu því við að keyra eftir tímatökur.
Aðrar fréttir eru þær að Leifur Rósinbergs fór á 9,697 sek. á 136,75 mílum á Ford Pinto með 383 Chevy og er það flottur árangur hjá Leifi í fyrstu keppninni með þennan bíl. Bíllinn er virkilega flottur og vel útbúinn og gaman að sjá kallinn keyra.
Ómar Nordal mætti ferskur með Camaroinn en hann virtist eitthvað laus að aftan því og grip dekkjanna við brautina ekki sem skildi með öll kúbikin í húddinu og fór hann á 11,052 sem er samt svaka gott.
Þakkir til starfsmanna og þeirra sem létu svo lítið að láta sjá sig.
Kveðja frá stjórninni, Nóni
