Félagsskírteini í Kvartmíluklúbbnum verða gefin út í samvinnu við Borgun sem sendir þau til félagsmanna í pósti.
Á félagsskírteini kemur fram nafn, kennitala, gildistími og ljósmynd en á því er greiðslurönd sem virkar einungis í greiðsluposum hjá Kvartmíluklúbbnum.
Þrenns konar félagsaðild stendur til boða í Kvartmíluklúbbnum; almenn, gull og platínu.
- Hvítt félagsskírteini staðfestir félagsaðild og fylgir því inneign að fjárhæð kr. 7.500 sem er hægt að nota til greiðslu aðgangseyris að viðburðum hjá klúbbnum.
- Gult félagsskírteini staðfestir GULL félagsaðild og fylgir því inneign að fjárhæð kr. 25.000 sem er hægt að nota til greiðslu æfingagjalds og aðgangseyris að viðburðum hjá klúbbnum.
- Svart félagsskírteini staðfestir PLATÍNU og unglinga félagsaðild og fylgir því inneign að fjárhæð kr. 200.000 sem nægir til greiðslu fyrir allar æfingar og aðgangseyri að öllum viðburðum hjá klúbbnum.
Til að nýta inneign á félagsskírteini sem greiðslueyri hjá klúbbnum þarf ávallt að hafa það meðferðis.
Til að njóta fríðinda hjá samstarfsaðilum nægir að sýna gilt félagsskírteini.
