Við fórum nokkrir vinirnir úr Kvartmíluklúbbnum og gerðum okkur glaðan dag á Sauðárkróki nýliðinn laugardaginn.
Við feðgar ræstum eldsnemma og keyrðum Norður um morguninn og heim aftur að kvöldi, lentum í beljandi rigningu báðar leiðir með bílinn á opnum vagninum. Aðrir voru betur búnir og gistu jafnvel tvær nætur, tónleika og bæjarhátíð virtist vera á Króknum og nóg um að vera fyrir menningarvita.
Í blíðskaparveðri og góðu færi kepptum við svo í Kaffi Króks Sandspyrnunni sem Bílaklúbbur Skagafjarðar
www.bks.is hélt í samstarfi við Bílaklúbb Akureyrar
www.ba.is.
Verulega flott keppni og stóðu þeir félagar sig afburða vel í framkvæmdinni. Brautarstæðið er með afbrigðum gott af náttúrunnar hendi, skjólgott fyrir vindi og eggslétt í þokkabót, með nægan bremsukafla og gott afdrep til hliðar við brautina til að sækja keppnistæki.
Þarna voru 27 tæki skráð til keppni, götuhjól, dragghjól, krosshjól, sleðar, götubílar á DOT, jeppar og gamli góði Opni Flokkurinn sem ræsti á jöfnu sem við höfum heyrt sé svo vinsælt.
Ég náði skælbrosandi sex ferðum, tveimur á 32jet og restinni á 36jet í foggernum, keyrði best 3.67 og komst með bílinn heilan upp á vagn að lokinni keppni. Það er helvíti vel af sér vikið held ég með gamla blokk og sveifarás úr leigubíl.
Grétar sýndi það og sannaði enn eina ferðina að hann er maðurinn með völdin, fór með sigur í Opna Flokknum og tók svo Allt Flokk Bíla og rúllaði honum upp líka.
Ég læt fylgja nokkur vídjó sem lærlingurinn tók...
https://www.youtube.com/watch?v=2mPhXONo3J0]https://www.youtube.com/watch?v=2mPhXONo3J0
https://www.youtube.com/watch?v=aZZXSNkeo-M]https://www.youtube.com/watch?v=aZZXSNkeo-M
https://www.youtube.com/watch?v=Z2ADAe9EJJo]https://www.youtube.com/watch?v=Z2ADAe9EJJo
https://www.youtube.com/watch?v=Ht-hO1SHuhc]https://www.youtube.com/watch?v=Ht-hO1SHuhc
https://www.youtube.com/watch?v=qUIw675zy8Y]https://www.youtube.com/watch?v=qUIw675zy8Y
