Kvartmílan > Keppnishald / Úrslit og Reglur

Kvartmíla 101-Ábendingar og reglur á Kvartmílubrautinni.

(1/2) > >>

1965 Chevy II:
Nokkrar ábendingar til þeirra sem vilja keppa/æfa sig á Kvartmílubrautinni.

1. Áður en þú ferð í pittinn þá stoppar þú við í félagsheimilinu og fyllir út þá pappíra sem þarf að fylla út til að keyra/keppa,ef þú greiddir keppnis/æfingagjöld í heimabanka (sem við mælum með) þá þarf að koma með kvittun.

2.Ef þú ert byrjandi og ert ekki með eitthvað á hreinu,spurðu þá einhvern,við vorum ekki fæddir þarna og vitum hvernig það er að vera nýr.

3.Mættu stundsvíslega á keppnisstað og farðu eftir ábendingum starfsmanna,það má enginn fara á brautina fyrr en hann hefur fengið sitt tæki merkt af brautarstarfsmanni.

4.Allir keppendur eiga að vera við sín tæki í pittinum á meðan keppni stendur.

5.Keppendum er raðað upp í pittinum og eru svo kallaðir upp á braut,keppendur stilla sér svo upp við burnoutið (vatnspollinn) og bíða eftir merki brautarstjóra um að koma í vatnið,hann tékkar svo á hvort þið eruð með beltin spennt,hjálminn á hausnum og rúður lokaðar, sem er skylda,það er mælt með að keyra í gegnum vatnið og bleyta dekkin en ekki taka burnout í pollinum þar sem vatn slettist í hjólskálarnar og lekur svo á dekkin og brautina.Það á ekki að leggja eða standa fyrir aftan bíla sem eru að taka burnout,ef steinar eða aðrir aðskotahlutir fara undir dekkin þá eru þeir eins og byssukúlur þegar þeir koma undan dekkjunum.Bílar á radial dekkjum eiga að keyra framhjá vatninu ef það er möguleiki og taka stutt rolling burnout til að hreinsa dekkin,það á ekki að standa kyrr á radial dekkjum og kveikja í þeim þar sem menn hreinlega grafa sig ofan í malbikið og það gagnast radial dekkjum ekkert að kynda þau svona.
Bifhjólamenn eru beðnir um að taka sín burnout á smá hreifingu líka, til að forðast að holur myndist,til hliðar við þar sem bílarnir taka sín burnout.

6.Þá er að keyra inn í "stage" ljósin,ef gult ljós blikkar öðru hvoru megin á trénu þá er stjórnstöð ekki tilbúin með ljósin og menn bíða þar til það slokknar og keyra svo í stage ljósið,menn keyra í fremri geislann og efra ljósið kviknar og svo aðeins lengra þar til neðra ljósið kviknar líka þá ertu tilbúin til spyrnu. Keyrið rólega í geislann til að forðast að þurfa að vera að bakka.
Það er talin kurteisi (sumstaðar regla) að bíða með að kveikja neðra stage ljósið þar til hinn ökumaðurinn hefur kveikt sitt efra ljós "pre stage" og við mælum eindregið með því að menn virði það.
Því næst eru þið ræstir af stað og á sportsman tree kvikna gulu ljósin eitt af öðru og þegar síðasta gula kviknar er hægt að fara að láta vaða og viðbragðstíminn verður að öllum líkindum lélegur fyrst
.500 er fullkominn tími.Á pro tree kvikna öllu gulu í einu og um leið og það gerist þá bara af stað.
Ef rauð ljós loga á trénu er bannað að aka brautina,ef ökutæki eru búin að stilla sér upp þá eiga þeir að bakka út úr geislanum og drepa á vélunum.


7.Það er með öllu bannað að fara yfir á hina akreinina fyrr en það er komið að því að fara á tilbaka brautina.Ef ökutækið lætur illa að stjórn þá slærðu bara af,það verða fleirri ferðir,ef eitthvað gerist,högg og læti eða þú telur að eitthvað hafi brotnað eða gefið sig þá beygðu strax útá öxlina og stoppaðu til að forðast að dreyfa olíu eða öðru um alla braut.


8.Ef þú ert í vinstri akrein og tilbaka brautin er hægra megin eins og á okkar braut þá á hægri akreinin forgang og það ber að virða ALLTAF líka þó þú sért töluvert á undan í vinstri akrein.

9.Það er 10kmh hámarkshraði í pittinum og þar ber að fara varlega,þar eru áhorfendur og börn að skoða sig um meðal annars.

10.Hver keppandi er ábyrgur fyrir tjóni sem tækið kann að verða fyrir í spyrnu á brautinni, jafnvel þó annað tækið verði stjórnlaust og fari yfir á rangann vegarhelming, 50/50 reglan.

SPRSNK:
BIG LIKE!

Kristján Stefánsson:
Frábært að fá þetta inn á spjallið  \:D/

SPRSNK:
Mætti ekki hafa fræðslukvöld í klúbbhúsinu á veturna?  :roll:

Það er margt sem við nýgræðingarnir gætum lært af hinum gömlu og reyndu  ..... ef þeir vilja miðla af sinni visku!

Einar K. Möller:
Góður pistill Frikk.... virkilega góður  =D>

Navigation

[0] Message Index

[#] Next page