Þakka ykkur góðar kveðjur og óskir racebræður!
Má til með að segja ykkur að þeir dembdu á mig þessu óhræsis flotta bikar B.A. félagarnir. Ég þurfti að skrúfa hann í sundur til að koma honum suður með flugvélinni. Það var þó ekki allt: Október skrallið var haldið í iðnaðar- og skemmtihúsahverfi Akureyrar. Ég rogaðist þaðan seint um nótt, eftir að hafa fengið gædaðan túr um Forddjásnin í höfuðstöðvum Olafsson Brothers Racing. Bikarhlunkinn hafði ég í svörtum ruslapoka á bakinu. Löggan ók fram úr mér á illa lýstri Kaldbaksgötunni en tók snarlega 180 gráðu beygju um leið og heilastöðvarnar í þeim höfðu numið að miðaldra kall í leðurjakka með svartan ruslapoka á bakinu í iðnaðarhverfi um miðja nótt væri ekki að tína þar flöskur. Þetta var í fyrsta skiptið sem menn í Econoline með fallegum bláum ljósum veitir mér athygli...................þegar ég er gangandi.
