Við heyrðum á vöfflufundinum umræður um gamalt þrætuepli, að það standi til að skoða að taka upp brautarreglur fyrir æfingar, aðrar og vægari heldur en reglur NHRA sem við höfum alltaf miðað okkur við.
Ég held að það séu stór mistök að gera það, hver ætlar að bera ábyrgð á því ef það verður slys á ökumanni í tæki sem uppfyllir ekki þær kröfur sem við höfum notað hingað til, ef ökumaður veldur tjóni á mótherja sem er ekki með allan öryggisbúnað sem krafist er hver ætlar að bera ábyrgð á því.
135mph eru 135mph sama hvort það er æfing eða keppni, stendur kannski til að gefa yngri bílum afslátt af öryggisreglum ? Hver ætlar að ákveða hvaða bílar fá afslátt og hverjir ekki, mér finnst þetta stórt skref afturabak ef það á að fara gera þetta og mæli með því að við höldum okkur við reglur NHRA eins og við höfum gert hingað til því nýrri bílar fara líka í klessu þó þeir séu öruggari en þeir gömlu og engin tvö slys eru eins.
Ef rétt reynist eins og kom fram að erlendis fái menn að keyra án þess að uppfylla öryggiskröfur fyrir þann tíma og hraða sem tækið fer þá er það þeirra mál, við þurfum ekki að gera sömu mistök.
Setjum öryggið í fyrsta sæti og látum jafnt yfir alla ganga.
https://www.youtube.com/watch?v=LSjhRLjfjcs
