Show Posts

This section allows you to view all posts made by this member. Note that you can only see posts made in areas you currently have access to.


Topics - 1966 Charger

Pages: 1 2 [3] 4 5 6
41
Almennt Spjall / Skreppur Seiðkarl spáir.....
« on: December 19, 2007, 12:36:36 »
Eins og alþjóð veit hefur Skreppur spáð mjög nákvæmlega fyrir örlögum kvartmílunnar ár eftir ár.  Spána byggir hann á að lesa í olíupolla sem myndast undir uxakerrunni hans (sem er reyndar vélarlaus).  Hér er spáin fyrir 2008:

Mynd af Jesú Kristi birtist á vatnskassahosu Camarobifreiðar þar sem hún stendur með opið húdd niðri á Stígsplani.  Hosan er samstundir rifin úr og sett á Ebay. Líflegt uppboð.  Fyrir ágóðan kaupir eigandinn Lenco kassa, sítt pils og blússu í stíl og lakkrísreimar fyrir afganginn.

Áhorfendur á kvartmílukeppni telja sig hafa tapað öllum raunveruleikatengslum þegar Aggi, Hrafnkell, Ari, Jón Geir, Eddi K., Auðunn, Jón Trausti, Jói Sæm, Valur og Fribbi skrá sig til sömu keppninnar OG MÆTA.

Tímatökukofi kvartmíluklúbbsins fýkur af undirstöðunum og út á Reykjanesbraut. Þar sem félagarnir stumra yfir honum í vegkantinum kemur þar að Svissneskur mannvinur, fulglaskoðunarmaður og milljarðamæringur sem er stop-over farþegi á Íslandi.  Honum lýst svo vel á kofann til fuglaskoðunar að hann kaupir hann á staðnum og flytur hann út.  Stjórnin kaupir tjaldvagn fyrir aurana og riggar hann upp á staurana.

Ákveðinn Oldsmobile verður ekki til sölu í janúar og febrúar.  Til sölu í mars en ekki til sölu í maí og júní.  Verður svo til sölu í júlí og fram yfir verslunarmannahelgi.  Verður ekki til sölu í september, október og nóvember.  Verður svo auglýstur í desember.......en selst ekki.

Jóhannes í Bónus fær áhuga á kvartmílu og borgar fyrir lagningu kvartmílubrautar fyrir norðan með rassvasaklinki gegn því að brautin heiti Bónusbrautin og vinstri akreinin Jóastígur, sú hægri Jónströð og bremsukaflinn Jónínusvað.
 
Fornleifar finnast undir Kvartmílubrautinni miðri.  Menntamálaráðherra bannar notkun þess hluta brautarinnar sem grafinn verður upp.  Kvartmíluliðið bjargar málum með því að keppa í 1/16 mílu.
 
Stóra Slikkatrúboðið verður fyrir áfalli þegar gamall fjögurra dyra Fury ölvagn á Maxima 60 forn-dekkjum og slant-sixara slær Íslandsmetið í SE flokki með sex manns innanborðs. Þjóðminjasafnið kaupir flekann og varðveitir sem dæmi um Icelandic ingenuity.
 
Einar Möller kvænist dóttur John Force.  "Þetta er bara sparimerkjagifting" segir Möllerinn.  Tengdapabba ekki skemmt og hótar að fá U.S. Home Office í lið mér sér að gera rectal, með gömlu felgujárni, á Möllernum þegar hann fer næst westur í hreppa aðsækja góss í Oldsinn.
 
Nýja SBC CNC inntakið fær viðurnefnið Krómhausinn og sömuleiðis sá sem keypti það á 9000 bökks.
 
 Áhorfandi á kvartmílukeppni læsist inni á kamrinum á keppni.  Dvelur þar í fjórar vikur vegna þess að einni keppni verður frestað vegna rigningar. Var 120 kíló þegar hann fór inn en 73 þegar hann losnaði út.  Konan hans hæstánægð.  Í framhaldinu fer KK út í að reka megrunarspa á kamrinum fyrir karla.  Það reynist svo vinsælt að fyrir ágóðan var hægt að breikka og lengja brautina í allar áttir.

Þekktur Íslenskur kvartmílumaður verður forríkur þegar hann býr til umhverfisvænt trakkbæt sem samanstendur af hráka úr gömlum Framsóknarkonum, LÍA fundargerðum og brotnum loforðum stjórnmálamanna um betri aðstöðu fyrir kvartmíluíþróttina.

 KK setur upp internet hot spot á brautinni. Blettinn einokar glaðbeittur keðjureykjandi bakaradrengur á Chevymerktum Blazerjakka.

42
Til sölu tvær 400 MOPAR blokkir. Verð: 40.000 pr. blokk eða 60.000 fyrir þær báðar.

Blokk 1:  400 blokk sem er útboruð .035" sem gefur borvíddina 4.375" sem er rétta kombóið fyrir 451 stroker mótor ef notaður er sveifarás úr 440.  Það sem fylgir blokkinni eru höfuðlegubakkar með nýjum ARP stöddum og hún er með nýlegum knastáslegum og frosttöppum. Búið er að víkka olíugang út frá pick up.  Blokkin er núna í bíl (hægt að heyra dótið ganga) en verður laus í janúar.

Blokk 2:  Venjuleg 400 blokk með original sveifarás, stimplum og stimpilstöngum, knastás, tímakeðju + hlíf, balancer, flexplötu, vatnsdælu olíupönnu + pick up og heddum.  Tilvalinn fyrir þá sem vilja hanna stroker mótor sjálfir frá grunni.

Ragnar PM eða 482-3199 á milli 19-22 á kvöldin

43
Alls konar röfl / Úppss......
« on: November 16, 2007, 14:01:25 »
Voru þeir að reyna handbremsubeygju á nýja járnfuglinum?
Móðir allra bömmera fyrir gaurinn.

http://www.mbl.is/mm/frettir/frett.html?nid=1303288

44
Keppnishald / Úrslit og Reglur / Umræðan um reglubreytingar
« on: October 22, 2007, 13:23:40 »
Jæja þá er umræðan árlega um reglubreytingar komin af stað.  Ég er að spá í hvort hægt væri að gera einhverskonar viðmið sem gerir okkur færari um að meta hvort breytingartillaga sé til góðs FYRIR KVARTMÍLUÍÞRÓTTINA  (en ekki einstaka bílategundir/keppendur).  Ég tel að keppnishaldarar verði að byggja tæknireglur á ákveðnum grunnviðmiðumsem auka vöxt íþróttarinnar  Ef að keppnishaldarinn setur fram skýrar forsendur fyrir reglum/reglubreytingum þá dregur það líka úr regluþrasinu árlega.  Hér er mín hugmynd um slík viðmið.  Ég tel semsagt að reglur/breytingartillögur sem auka líkurnar á að eitt eða fleiri eftirfarandi atriði verða að veruleika séu til góðs fyrir íþróttina:

a)   jafna keppni innan flokks
b)   auka líkurnar á að fleiri keppendur mæti í flokk
c)   gera keppnishaldara/keppendum auðveldara að fylgjast með að reglum sé framfylgt.


Varðandi a-lið þá leitast öll mótorsportsambönd við að jafna keppni vegna þess að það tryggir meiri spennu sem fjölgar bæði keppendum og áhorfendum og eykur líkur á fjölmiðlaumræðu.  Varðandi b-lið þá fjölgar keppendum ef að keppnin er jöfn en líka þarf að taka hér tillit til kostnaðar sem reglubreyting hefur í för með sér fyrir keppendur.  Varðandi c-lið þá er það svo að margar tæknireglurnar hérlendis snúast um það sem er inni í mótor, skiptingu eða hásingu.  Við verðum hinsvegar að gera okkur grein fyrir að eins og staðan er í dag er fullkomnlega óraunhæft að keppnishaldarar rífi vélar eða annað ef að grunur leikur á um að keppnistæki sé ólöglegt. Því ætti að reyna að fækka svona "innvols" reglum. Þær reglur sem líklega geta jafnað keppni mest eru dekkjareglurnar.

Það er væri nú fínt ef einhverjir segðu hvað þeim finnst um þetta og bættu við þetta ef þeim sýnist svo.

Err

45
Almennt Spjall / Sannleikurinn um NHRA
« on: October 17, 2007, 23:11:45 »
Hann Einsi B benti mér á þessa fínu grein:
http://www.dragracingonline.com/analysis/ix_9-nhra-1.html

Hún er góð vegna þess að þetta eru engin halelújaskrif um NHRA fyrirtækið.  

Þarna kemur fram það sem allir vita (og við mættum taka til okkar í íslensku mótorsporti) að ef racerarnir sjálfir væru sjálfráðir með öryggisreglur þá eru þær alls ekki settar á oddinn.  Þetta vissi Valli Garðarss stofnandi NHRA manna best.

Ögrandi er sú hugmynd greinarhöfundar að ráða bara klárasta og mesta svindlarann meðal racera til að verða einráður um öryggisreglurnar.

ERR

46
Varahlutir Til Sölu / GM 7,5" hásing
« on: October 13, 2007, 23:01:55 »
Til sölu Richmond"installation kit" fyrir drif í 10 bolta GM hásingu, 7,5" árgerð 1982-98 (sjá mynd).  Fæst á 5000 kall sem er lægra verð en í Summit sjoppunni  (6000 kall þar fyrir utan flutning og vörugjöld). Partanúmerið á kittinu er 83-1044-1

Ragnar 861-8672

47
John Force airlifted to Dallas Hospital after top-end accident with Bernstein

--------------------------------------------------------------------------------
By Rob Geiger Sr., NHRA.com senior editor
9/23/2007


Drag racing's bigest star, 14-time champion John Force, was alert and conscious after suffering two broken legs and a broken arm in a nasty top-end collision with fellow straight line legend Kenny Bernstein. Force has been airlifted to Parkland Hospital in Dallas for further treatment. The two racer's Funny Cars got together just as they crossed the finish line with Bernstein drifting over into Force's lane after clipping the final timing cone. The numbers, although unofficial, showed Force crossing with a 4.863 at 315.34 mph to Bernstein's 4.904 at 312.06 mph.

Bernstein quickly made his way out of his Monster Energy Drink Dodge Charger R/T and was shown walking around and talking to medical and safety personnel on the large television screens at the racetrack, which brought a huge cheer from the crowd. But the mood quickly turned quiet as everyone waited for word on Force's condition. Minutes later, track announcers reported that Force was talking to EMTs but would be transported by LifeFlight Helicopter for further evaluation. Team spokesman Dave Densmore reported Force's injuries to the media. NHRA.com will provide more information on this breaking story as it becomes available..

Team spokesman Dave Densmore reported Force's injuries to the media. "He was asking to talk to Laurie, his wife, and Ashley and Robert Hight, so that was a good sign," Densmore said. "He is in a lot of pain, obviously. They can't take passengers on the helicopter so the family is off to the hospital in a car



-----

48
Leit að bílum og eigendum þeirra. / Á bílasölunni...
« on: September 22, 2007, 00:23:26 »
Jæja Camarofræðingar.  Hvað vitið þið um þennan?
Myndin er frá '77-'78.

50
Almennt Spjall / Listin að bulla.....
« on: July 26, 2007, 20:50:17 »
Það hefur nokkuð borið við undanfarið að maður hefur fundið fyrir fordómum í garð þeirra sem hafa áhuga á bílum og bifreiðaíþróttum.  Sjálfskipaðir vitringar af báðum kynjum virðast eiga greiðan aðgang að fjölmiðlum með allskyns bull m.a. um persónueinkenni þeirra sem eru með bíladellu.  Eitt kostulegasta bullið í þessu sambandi er að þeir sem eiga stóra/flotta/kraftmikla bíla séu jafnframt með lítið undir sér.  Það þarf ekki að taka það fram að engar mælingar hafa sýnt fram á þetta en samt er þessi fullyrðing notuð t.d. í nýlegri ástralskri auglýsingu gegn glæfraakstri.

Í Mogganum í dag var grein sem heitir "Hin heilaga sjálfrennireið" þar sem höfundur á vegum Moggans er að tala um Tarantino myndina sem núna er sýnd í Háskólabíó.  Höfundur segir m.a.:  "Flottur bíll er ekki lengur leiðin til þess að ná sér í stelpu, hann er takmark í sjálfu sér, eina leið Bandaríkjamanna með lítið undir sér til að öðlast karlmennskuna sína á ný."

Þar sem ég er orðinn þreyttur á þessu bulli skrifaði ég höfundi greinarinnar eftirfarandi bréf sem hann svaraði og viðurkenndi að hann gæti ekki rökstutt þetta.  Ég mæli með því að við sem höfum áhuga á bílum bregðumst við þegar við verðum vör við svona fordóma og rakalausar fullyrðingar með því að biðja höfunda slíks efnis um að rökstyðja mál sitt.

Err

PS:  Væri eitthvað til í svona bulli hvernig er þá staðan hjá rútu- og flutningabílstjórum? :)  Og kranabílstjórarnir maður, það er þá sennilega ekkert undir þeim.

                                                                                                                                             
                    To: <asgeirhi@mbl.is>                                                                                                  
Subject:     Hin heilaga sjálfrennireið                                                              
                    Sent by: irores@centrum .is                                                                                                                      
                   26.07.2007  12:34                                                                                                                    
Ásgeir

Ég las þessa grein þína (Mbl. 26.07.07 bls. 40). Þar stendur meðal annars:
"Flottur bíll er ekki lengur leiðin til þess að ná sér í stelpu, hann er
takmark í sjálfu sér, eina leið Bandaríkjamanna með lítið undir sér til að
öðlast karlmennskuna sína á ný."

Ertu með þessari fullyrðingu að opinbera fordóma þína og fáfræði eða
lúrirðu á vísindalegum niðurstöðum sem sýna að þeir sem eiga "flotta" bíla
séu með lítil typpi og þar af leiðandi skorti þá eitthvað sem heitir í
þínum skrifum "karlmennska" ?

Ragnar S. Ragnarsson

 

----- Original Message -----
From: "Ásgeir H Ingólfsson" <asgeirhi@mbl.is>
To: "Ragnar og Inga" <irores@centrum.is>
Sent: Thursday, July 26, 2007 4:06 PM
Subject: Re: Hin heilaga sjálfrennireið

Sæll Ragnar,

Nei, ég lúri ekki á slíkum vísindalegum niðurstöðum - en tilvitnunin sem þú
vísar til kemur hins vegar beint á eftir umfjöllun um bíómyndina Death
Proof og þetta er fyrst og fremst útlegging á þeirri heimssýn sem sú mynd
birtir, samanber næsta dálk á undan.

Pistillinn hefur yfirskriftina "Af listum" og ég er aðallega að fjalla um
afskaplega misvísindi og mótsagnakenndar tilfinningar okkar til bíla sem
birtast bæði í kvikmyndum, auglýsingum og fréttum. Hins vegar eru þetta
alls ekki vísindalegar niðurstöður og án þess að hafa rannsakað það þá held ég að hvorki flottur bíll, ljótur bíll né enginn bíll sé nein trygging
fyrir karlmennsku eða skorti á karlmennsku - karlmennska er mun flóknara fyrirbæri en svo.

kveðja,

Ásgeir H Ingólfsson

51
Keppnishald / Úrslit og Reglur / Afsakanir:
« on: July 16, 2007, 17:48:27 »
Það hefur ekki farið fram hjá neinum að það eru allt of fáir keppendur á mílunni í sumar.  Vonandi verða fleiri með þann 28. júlí.  En hérna er listi yfir afsakanir sem þeir sem eiga bíla í góðu standi geta notað ef þeir mæta ekki næst:


10.  Ég bar Mjallarbón á allan bílinn í einu og á í basli með að ná því af.
9.  Eru þetta ekki tómir lausingjar og spilagosar sem eru í þessari kvartmílu?  Mamma bannaði mér að umgangast svoleiðis lið.
8.  Ég er búinn að hugsa svo mikið um að keppa að það fæst ekki lengur nógu stór hjálmur á hausinn á mér.
7.  Það verður örugglega rigning, þannig að það borgar sig ekki að skrá sig.
6.  Ég er á móti því að jólatré séu notuð til annars en leiða ömmu í kringum það á aðfangadagskvöld.
5.  Ég þori ekki því að þá verð ég brennimerktur hraðafíkill af vinnufélögunum
4.  Ég keppi ekki vegna þess að Ragnheiður forvarnarfulltrúi segir að það sé glæpur að keyra hratt.
3.  Ég er 19 sekúntna maður á 13 sekúntna bíl
2.  Iss, þarf þess ekki ég mundi steikja ykkur alla (5 sekúntna maður á 25 sekúntna bíl)

og topp afsökunin er.........
Ég ætla ekki að vera með vegna þess að það er svo fáir að keppa.

Ragnar

52
Keppnishald / Úrslit og Reglur / Takiði krumlurnar af........
« on: July 04, 2007, 11:28:24 »
Jæja tryllitækjaeigendur!

Ég skora á ykkur að mæta á næstu kvartmílukeppni.  Takið nú grómteknar krumlurnar af bóndósinni, konunni, fjarstýringunni og fjölskyldudjásnunum og slettið tíkalli í tækið uppi á braut.

Og ef þið verðið ekki eins og nýhreinsaðir hundar á eftir nokkrar bunur þá skal undirritaður greiða fyrir ykkur keppnisgjaldið.

Miðað við þátttökuna í MC síðast þá eru verulegar líkur á að allir keppendurnir í þessum flokki nái verðlaunasæti :)

Ragnar

53
Keppnishald / Úrslit og Reglur / Færa girðinguna
« on: March 28, 2007, 16:07:19 »
Mig langar að leggja til að vírnetsgirðingin, á þeim kafla þar sem hún liggur meðfram startinu, verði færð fyrir fyrstu keppni.  Það er allt of stutt bil á milli áhorfenda og bíla á þessum kafla.  Ég hef nefnt þetta við nokkra í bransanum og allir eru sammála þessu, en það vantar aksjónina.
Átökin í upptökunni geta leitt til brotinna öxla (sem geta orsakað að bílarnir breyta skyndilega um stefnu út af brautinni) eða að það brotnar/springur eitthvað og þeytist af gífurlegu afli og hraða út frá keppnistækjunum. Ég hef séð hvorttveggja gerast (Ford sem keyrði nærri niður jólatréð og draglið sem kom fljúgandi á öðru hundraðinu undan bíl) á keppnum erlendis og tel ástæðulaust að auka líkurnar á að fólk slasist hér heima ef svo fer, með því að hafa girðinguna þar sem hún er núna.  Þar fyrir utan hefur mannfjöldasöfnunin við girðinguna gert það að verkum að þeir sem vilja kúra uppi í áhorfendabrekkunni sjá bara rassgöt. Ég skal koma í bæinn og hjálpa til að færa vírinn ef skynsemin fær að ráða.  Svo fagna ég því, ef satt er, að leggja eigi fé í að lengja bremsukaflann í sumar.

Ragnar

54
Til sölu 451c.i. Mopar BB stroker motor.  Á best e.t. 12.10 @111 mílum í 1830 kg bíl (c.a. 550 hö).  Hæglega 11 sekúntna mótor í léttara boddíi.
Nánari lýsing:

-400 blokk boruð .030"
-Muscle Motors 451 stroker kit (sveifarás, stimplar,stangir og hringir):
-440 stálsveifarás
-Ross hertir stimplar
-Cat H-beam stangir
-Childs & Albert file to fit hringir
-Fluidampr
-Höfuðlegubakkastöddar
-Edelbrock álhedd
-10,69:1 þjappa
-Knastás: Competition Cams, .585" lyft og 255 gráður @ .050" inn og út.
-Competition Cams beinar undirlyftur
-Competiton Cams undirlyftustangir
-Competition Cams tvöföld tímakeðja
-Crane Ductile Iron rockerarmar
-Isky ventlagormar, 135 pund í sæti
-Isky ventlalæsingar og ríteinerar
-Edelbrock TM6 soggrein
-Dýpkuð olíupanna
-Lengdur olíupickup
-Hooker flækjur 1 7/8" primaries (árgerð 1979; lélegar)


Mótornum  fylgja: Ónotað Hastings Total Seal hringjasett, ónotað stangar- og höfuðlegusett og ónotuð Holley Comp Blue bensíndæla.
Mótornum fylgir ekki kveikjukerfi, blöndungur, olíudæla og olíuslettipanna

Verð: Tilboð

Ragnar, 482-3199 (á kvöldin)

55
Leit að bílum og eigendum þeirra. / Dodge GTS
« on: February 08, 2007, 13:00:46 »
Á Olds þræðinum sem byrjaði hér er komin umræða um þessa fínu GTS bíla sem komu hingað um 1970.  Þetta eru nú það merkilegir vagnar að það er fullt tilefni að starta bara sérþræði um þá:

Það komu 12 GTS 1969 árgerð hingað til lands allir með 340 vél.  Það sem er hvað merkilegast við þá er að VIN númerin á þeim voru í röð frá 98177297-98177308.  Engin önnur auðkenni voru á VIN númerunum eins og venja var að setja á VIN plöturnar frá Chrysler verksmiðjunum í U.S.A.  Það er vel hugsanlegt að þessir bílar hafi verið fluttir hálfsamsettir frá USA til Evrópu þar sem samsetning var kláruð.  Það sam aðgreindi þessa GTS bíla frá bræðrum þeirra sem runnu beint út úr Hamtramck, Detroit voru hliðarljósin sem voru bæði appelsínugul (á fram- og afturbretti) á bílunum sem komu hingað en þau voru rauð og gul á Detroit bílunum.  Flautan var í stefnuljósarofunum á þessum 12 bílum en í stýrinu á Detroit GTS-unum.  Að auki var einföld klukka í mælaborðinu á GTS unum sem komu hingað en slíkt var ekki að finna í Detroit GTS-unum.  Loks er glerið í þeim merkt fyrirtæki í Hollandi.  Bílarnir voru upphalflega í grænum, hvítum og gráum litum.  Ég er ekki viss um að neinn hafi original verið rauður.  Innflutningi þessara fallegu og spræku vagna ber að þakka ötulu Chryslerumboði sem þá var starfandi undir merkinu Vökull.  Það umboð steytti m.a. hnefann gegn ægivaldi þeirra örfáu skipafélaga sem einokuðu (og hafa enn afl í skjóli fákeppni til að skrifa flutningsreikninga með gaffli) flutninga á bílum hingað til lands þegar Vökull leigði í nokkur skipti sérstök bílaflutningaskip sem komu með Mopar vagnanna heim á kajann á lægra verði.  Sölutölur á Mopar voru háar hérlendis þegar umboðið stóð í blóma enda ekkert betra en Mopar í glímunni við íslenska vegi.

Ragnar

56
Bílarnir og Græjurnar / Hvað er götubíll?
« on: January 28, 2007, 00:46:32 »
Ég var að lesa á vefsíðu einni umræðu um hver væri skilgreiningin á götubíl. Rifrildi um þetta eru algeng og alltaf án minnsta samkomulags.  Þessvegna á umræða um þetta svo vel heima á þessum vef.  Niðurstöðu umræðunnar sem ég vitna til ásamt mínum viðbótum má taka saman í eftirfarandi þrjú atriði:

-Götubíll er bíll sem hefur fengið fulla aðalskoðun, er tryggður til að aka í almennri umferð með öllum götubúnaði virkum, eingöngu á bensíni sem hægt er að kaupa af dælu á bensínstöð.

-Götubíll er bíll sem hægt er að aka vandræðalaust 100 km vegalengd á a.m.k. 100 km hraða án þess að stöðva til að taka eldsneyti eða til að kæla eða til að gera við.

-Götubíll er bíll sem fólk ókunnugt bílnum getur ekið án fyrirvara og án þess að kenna þurfi þeim á hvernig á að aka bílum.

Ergo hér er hin eina sanna skilgreining á götubíl: Götubíll er bíll sem amma getur farið ein á til Þingvalla (Mývatn fyrir ykkur in The Great Big North), keypt þar bensín af dælu og filterslausan Camel og brennt svo heim og eldað oní mann læri með brúnni, rauðkáli, sultu og kartöflum og lýst því yfir hvílíkur dásemdar lystitúr ferðin hafi nú verið.

Einhver ósammála (þá á ég ekki við sultuna og rauðkálið)?

57
Hlekkir / "Kvartmíla" fyrir trésmiði og eigendur langra fram
« on: January 04, 2007, 14:07:53 »
Þetta hlýtur að vera framtíðin :)
http://www.youtube.com/watch?v=Gyg9U1YaVk8


HS (fyrir Hjólsög) flokkurinn.  Keppt í tveimur undirflokkum HSR (rafmagn) og HSE (fyrir eldsneyti).

Ruddalegt trakk á græjunum.
Áhorfendur fá sér bjór-a og veðja mánaðarlaununum á sögina "sína."



Ragnar

58
Til allra sem eru með streitueinkenni vegna indexmála, MC dekkjamála, flugvalla út á landi mála, tommumála og lítilla drykkjarmála: Slökum nú á (yfir þessu 10 mín. myndbandi) og strengjum þess nýjársheit að slökkva svo á fótanuddtækinu og fara að æfa holeshot viðbrögðin fyrir sumarið:


http://news.bbc.co.uk/sol/ukfs_sport/hi/av/nb_wm_fs.stm?news=1&bbram=1&bbwm=1&nbram=1&nbwm=1&nol_storyid=4709956


Hrós eiga skilið allir sem kepptu á síðastliðnu ári og sérstaklega þau sem settu upp keppnirnar til að gera þetta allt mögulegt.

Nýárskveðja

Ragnar

59
Keppnishald / Úrslit og Reglur / Það var sandspyrna í dag.....
« on: October 14, 2006, 23:05:50 »
Ég skrapp á sandspyrnu í dag.  Hún gekk nú ansi skrykkjótt.  Ljósin síbilandi og þó brautin væri skafin reglulega og vel þá tók undirbúningurinn langan tíma.  Það var farið að rökkva þegar keppni lauk.  Það var samt helvíti fín stemming þarna, enda má segja að í kringum sandinn hafi skapast nokkurskonar "cult"   Nokkuð myndarlegur hópur var mættur og undir lokin var á svæðinu samansafn harðkjarnaliðs sem ætti að taka mynd af og setja á plakat undir titilinum:  Raunverulegt áhugafólk um íslenskt mótorsport:  Fólk sem kvartaði ekki undan síbilandi ljósum.  Fólk sem grenjaði ekki þótt bílar biluðu í brautinni.  Fólk sem fékk sér eina með öllu þótt steikti laukurinn í sjoppunni væri fokinn ofan  fjöru.  Fólk sem fékk snert af fortíðarþrá þegar það sá Agga dragga og Gunna hugvitsbrekku flagga fyrir sigurvegurum hverrar spyrnu; raunverulegt íslenskt mótorsportfólk sem horfði upp á starfsfólk keppninnar ausið drullu og sandi (sérstaklega startarinn sem á skilið friðarverðlaun Nón-bels fyrir að ganga ekki í skrokk á keppendum sem ötuðu hann mest auri).  Þetta sjóv minnti mig á fyrstu sandspyrnukeppni Bílaklúbbs Akureyrar 19sjötíuogeitthvað.  Hún var haldin við Dalvík.  Liðlanga nóttina fyrir keppnina skökuðumst við með jarðvegsþjöppu yfir brautina og sprautuðum á brautina með þverhandarþykkum brunaslöngum sem tengdar voru við dælu sem slökkvilið Dalvíkur lánaði okkur. Við töldu okkur í góðum málum, en þetta strit gerði ekkert gagn: Keppnistækin spóluðu sig hvert af öðru niður á kvið í startinu.  Í þetta skiptið festist enginn í brautinni sem er auðvitað framför og ef helvítis klukkurnar hefðu virkað þá er ég ekki í vafa um að frændi minn (Stjáni Skjól) of fleiri af hans fína kaliberi hefðu fundið sér eitthvað til að kíta um fram ánæsta bolludag.

Æðrulaust starfsfólk keppninnar hafi þökk fyrir að nenna að standa í þessu.   Það gengur bara betur næst.

60
BÍLAR til sölu. / Dodge Dakota Sport
« on: October 05, 2006, 23:49:23 »
Til sölu Dodge Dakota Sport Quad Cab
4-dyra pick up
Svartur
2000 árgerð
ekinn 65.000 mílur
Innfluttur frá Indianapolis í ágúst 2005
V-6 3,8 lítrar
5-gíra beinskiptur
Bensíneyðsla 10,3 - 12,8 pr. 100 km!
2WD

Aukabúnaður:
Styrkt fjöðrun
ABS framan
Cruise Control
Níðsterk Rhino Linings klæðning á palli, skjólborðum og gafli.
Svört Extang ábreiðsla fyrir pall
Framlengingargrind fyrir pall (t.d. til að flytja mótorhjól)
Álkassageymsla á palli
Beisli
Rafmagnsrúðuupphalarar
Fjarstýrðar læsingar
Vindhlífar
Sumar- og vetrardekk

Verð:  1.540.000

Ragnar, 861-8672 og 482-3199

Pages: 1 2 [3] 4 5 6