Hann er ennþá til.

Ég keypti hann í Apríl 1999 og á hann enn. Af tryggingaástæðum skráðum við hann fyrst á föður minn og svo okkur tvo sameiginlega.

Þegar ég fékk hann var hann á víra felgum ekki þessum sem eru á myndinni. Þær voru haugryðgaðar svo ég var fljótur að koma honum á orginal stál felgur, með réttum koppum, snobbhringum og á dekk í réttri stærð 185/65R15 eða 165R15.

Bílinn tók ég svo sandblés og hófst handa við að að lappa upp á hann. Hann þurfti, og þarf enn heilmikla hjálp vegna ryðvandamála og að laga fyrri viðgerðir.

Fyrir neðan eru nokkrar myndir frá því að ég fékk hann. Rest er á http://amazon.hakansson.us.

Ég sankaði að mér endalausum pörtum og á helling af þeim sem bíða . Eins og er þá er R25 í biðstöðu þar sem að ég er 4000km frá honum og hef verið í þónokkur ár. Heimsótti hann samt fyrir mánuði og hann er í sama ásigkomulagi og ég skildi við hann í. Ég hef verið að gæla við að taka hann yfir til mín. Það er ekkert fjárhagslegt vit í því, en það er gott að klára það sem maður byrjar á.

Ég er með 4 dyra '64 Sport úti sem var keyrður innan við 70.000km þegar ég fékk hann. Er að klára að setja í þann bíl loftkælingu og M41 gírkassa í stað M40 núna í vikunni. Sá rýkur áfram.