Sælir Spjallverjar vildi bara skella inn fréttatilkynningu sem fer frá okkur á morgun:

Fréttatilkynning
Stjórn byggðastofnunar ákvað á fundi sínum 27 apríl síðastliðin að lána allt að 200 milljónum til uppbyggingar á fyrsta áfanga Iceland Motopark svæðisins í Reykjanesbæ.
Um er að ræða langtímafjármögnun á þessum fyrsta áfanga verkefnisins og gert er ráð fyrir að svæðið verði fullbyggt í lok ársins samtals um 7 hektarar.
Í þessum fyrsta áfanga motoparksins verður meðal annars byggð Go-kart braut á heimsmælikvarða ásamt þjónustubyggingu sem hýsir m.a. kennslustofur, aðstöðu fyrir ökukennara, veitingasölu ofl.  Hönnun brautarinnar hefur nú þegar hlotið samþykki CIK-FIA, alþjóðasambands akstursíþrótta.
Ökugerði með tilheyrandi brautum til þjálfunar aksturs við mismunandi aðstæður í samræmi við reglugerð sem tekur gildi frá og með 1. janúar 2008 og kveður á um að allir sem taka ökupróf verði að hafa hlotið viðhlýtandi kennslu í ökugerði..
Að sögn Vilhjálms Vilhjálmssonar framkvæmdarstjóra Iceland motopark er þetta mikilvægur áfangi í langtímafjármögnun þessa hluta svæðisins og kemur til með að hafa mjög jákvæð áhrif á heildarverkefnið, einnig er þetta mikil viðurkenning á verkefninu og hvernig það hefur verið unnið. Byggðastofnun hefur með þessu skrefi skapað grunn að sköpun umtalsverða starfa í Reykjanesbæ, en gert er ráð fyrir að innan Iceland motopark verði allt að 300 ný störf þegar heildar uppbyggingu svæðisins er lokið.

Kv,
Vilhjálmur Þór Vilhjálmsson

Jæja,

Fyrir þann sem ætlaði að fagna þegar hann myndi sjá jarðýtur þá getur sá hinn sami tekið smá forskot á sæluna.

I dag var byrjað að taka fyrstu prufuholur og þær voru einmitt teknar í fyrirhugaðri kvartmílubraut. Á næstu dögum verður svo gerðar yfir 60 holur á svæðinu.

Formleg skóflustunga og upphaf verklegra framkvæmda verður þó ekki fyrr en 30. september kl 15:00. Allir velkomnir.

Ég vil endilega benda öllum sem hafa áhuga á að koma með hugmyndir eða athugasemdir að senda e-mail á vilhjalmur@icelandmotopark.com við höfum sérstaklega leitast við að gera sem flestum kleift að koma að verkefninu þannig að tekið sé tillit til séríslenskra aðstæðna.

Það er rétt að benda á að allar framkvæmdir og hönnun verkefnisins er gerð með það að leiðarljósi að brautin standist allar alþjóðlegar kröfur.

Og eins og ávallt þá óskum við eftir sem bestu samstarfi við KK og félaga þess.

Kær kveðja,

Vilhjálmur Þór Vilhjálmsson