Hann er flottur liturinn á Cudunni.  Verst að sjá hana ekki á götunni í sumar.  Til hamingju með verkið bræður.

sr

Þessi bíll P-1968 var á skoðunardeginum hjá Fornbílaklúbbnum.  Ég held að þetta sé Roadrunner B3 að lit með svörtum vinyltopp.  Merkingar á húddi segja 383.  Þekki ekki meira til bílsins.

Ekki spurning að setja á hann vinyl.  Spurning með þennan svarta eða rauða.  Getur þú ekki látið photoshoppa mynd með réttum rauðum lit þannig að hægt væri að bera þetta saman við þann svarta.

Mér sýnist á öllu að þetta sé skemmtilegt verkefni sem eigi eftir að lukkast vel.  Þú ert komin yfir þessa tímafreku ryðbætingarvinnu og nú byrjar skemmtilegi hlutinn þegar þú sérð allt smella saman.  Hvort að þetta sé orginal SS bíll eða ekki er í mínum huga ekki aðalmálið.  Þú getur vel klónað þennan bíl í SS og gert hann að jafngóðum bíl ef þú vilt, en allt kostar þetta tíma og peninga og gerist ekki á einni nóttu.  

Það verða alltaf einhverjar úrtöluraddir sama hvað maður gerir í bílauppgerð. Gerðu þetta bara vel og eins og þú ert sáttur við.  Settu endilega fleiri myndir inn á vefinn og leyfðu okkur að fylgast með hvernig verkinu miðar.  Vonandi sjáum við þig á götunni í sumar.

Varðandi fyrirspurnina frá Dart68 um litinn og samanburðinn við bílinn sem hann vísaði í þá eru nokkrir þættir sem geta skýrt mismuninn á myndunum.  Birtuskilyrðin á myndunum geta haft áhrif á hve dökkur liturinn virkar, aldurinn á lakkinu sömuleiðis og hve mikil áhrif sólarljósið hefur haft á upplitun hans.  Þess fyrir utan getur að sjálfsögðu verið einhver mismunur á lakki milli lakkframleiðenda þó að litirnir séu gefnir upp þeir sömu.  Annars voru bláu Challenger litirnir fyrir 70 módelið 3, þe. B3 (ljósblár), B5 (milliblár) og B7 (dökkblár).

Uppgerðin á Arizona Challengernum sem kom til landsins í mars loksins að taka á sig mynd.  Bíllinn kominn á númer og maður loksins farinn að keyra.  Sumarið að vísu búið en það kemur víst sumar eftir þetta sumar.

http://www.cardomain.com/id/challenger70

Ekkert hefur verið átt við vél og skiptingu enn sem komið er.  Vélin er # matching 318 lítið ekin og í góðu standi.  Gaman væri að fá skoðanir ykkar á því hvað væri skynsamlegt að gera í þessum málum.  Þetta er svona mál sem allir hafa skoðanir á og sitt sýnist hverjum.  Planið er koma bílnum í gott stand (sem er að takast), keyra hann t.d. eitt sumar og fá þannig betri skoðun á því hvað væri viturlegast að gera í vélarmálum, bæði með tilliti til afls og aksturseiginleika.

Arizonabíllinn var keyptur á netinu.  Hann er og verður blár (litur B5) með hvítum vinyltopp.  Þetta er # matching G bíll og er með upphaflegu 318 vélina sem er lítið ekinn.  Hvort að einhver önnur vél verður sett í hann er ekki ákveðið, en margir hafa komið með ýmsar hugmynd um hvaða vél ég eigi að setja í hann.

Mæli hiklaust með bílum frá Arizona svæðinu, almennt virðast þeir lítið eða ekkert ryðgaðir þannig að maður sleppur við þessa tímafreku ryðbætingarvinnu.  Það er hinsvegar nokkuð langt að sækja bílana m.t.t. þess að koma bílum í flutning til Íslands, en það er ekki óyfirstíganlegt og er a.m.k. ódýrara en að standa í ryðbætingum.