Kryddaðar sögur eru góðar.  Hér er ein upp úr grein í ævagömlu riti sem KK gaf út um umræddan Shelby.  Viðkvæmum lesendum er bent á að textinn er tekinn orðréttur upp úr ritinu:

Beðinn um að segja góða sögu af sér og bílnum svarar Arthur Bogason orðrétt:

"Ég skal segja þér það drengur minn að það er stórt og rammgert járnhlið fyrir síldarplaninu frammi á Krossanesi.  Og þetta hlið tel ég mig eiga.  Eitt kvöldið fórum við frameftir til að spóla á planinu.  Settum við fyrst olíu fyrir dekkin og spóluðum í henni.  Þegar olíuna þraut gripum við til þess bragðs að setja grút fyrir dekkin og spóla í honum.  Tókst það svo vel að allt planið huldist bókstaflega í reyk og held ég að við ættum að flytja grút út til Bandaríkjanna svo að kanarnir geti spólað í honum.  Spólið gekk svo vel að ég eyddi upp nýjum dekkjum í tveimur grillum.  Tveimur dögum síðar ætluðum við að fara og endurtaka leikinn en þá var heill vinnuflokkur mættur á staðinn með rafsuðutransara og voru þeir að smíða hliðið.  Fengum við hjá þeim óblíðar kveðjur svo við flýttum okkur í burtu.  Eftir það er ekki hægt að komast inn á planið til að spóla."

Einar Einarsson?

Þessi Kammi átti eitt sinn spólmetið í Gilinu á Akureyri.  Frá Hótel KEA upp að Sjöfn og þaðan til vinstri fram hjá Kirkjunni og upp í brekkuna þar sem Rósenborg stóð eitt sinn.  Menn voru svo kátir með þetta að þeir máluðu förin til að þeir sem vildu slá metið hefðu einhver viðmið.  Gilið var sem segull fyrir spól.  Menn læddust vestur Hafnarstrætið og til móts við Bókval var fjölin stigin og spólað út úr beygjunni og upp Gilið.  Væru menn á mótorhjóli þá prjónuðu þeir þarna upp.  Einn var að prjóna þarna með farþega sem rispaði á sér rassgatið þegar hjólið hóf sig til himna.  Einhverjir vilja halda því fram að hjólið hafi jafnvel verið að fara NIÐUR Gilið þegar þetta gerðist.  Þetta voru skuldlausir menn.

Því miður er búið að eyðileggja þennan rúnt með steingeldum blómakerjaskúlptúr og hellulagningarhörmungum til þess að rauðþrútnar rauðvínsötrandi mannlífspælingapíkur geti setið andartak á bekkjum götunnar á sumardögum.

Sælir Bílaklúbbsfélagar

Þegar þetta fína brautarsvæði verður loksins orðið að veruleika þá vil ég að skoðað verði að nefna tiltekna brautarkafla eftir félögum okkar sem eru látnir til þess að heiðra minningu þeirra.  Það er nú því miður svo að frá því Bílaklúbburinn var stofnaður hafa átta menn sem voru einhverntíma virkir félagar hans látist.  Þetta er svipleg staðreynd í ljósi þess að Bílaklúbburinn hefur alltaf verið frekar fámennt félag og félagarnir engin gamalmenni.  Til upplýsingar eru hér mennirnir sem við er átt:

-Sigurbjörn Gunnþórsson.  Sibbi átti t.d. Cobra Jet-ið um tíma og var með mikla bíladellu.  
-Valdimar Pálsson.  Gúggi var mikill mótorhjólamaður á sínum yngri árum.  Gerði upp Citroen árg 1947 frá grunni (A-7000).
-Steinþór Sigurjónsson. Eigandi athyglisverðra bíla eins og Hvíta hvalsins (Ford Capri) og Chevrolet Impala '65 sem hann gerði upp.
-Konráð O. Jóhannsson.  Konni er einn litríkasti bílaáhugamaður sem Ísland hefur alið.  Um skeið formaður Bílaklúbbsins.
-Ólafur B. Guðmundsson.  Lengi í stjórn Bílaklúbbsins með mikinn (forn)bílaáhuga sem synir hans hafa sem betur fer erft ríkulega.
-Magnús E. Finnsson.  Maggi var m.a. gjaldkeri klúbbsins um skeið.  Áhugamaður um evrópska bíla; sérstaklega sportbíla.
-Bjarni Ásgeirsson.  Alltaf til í að vinna fyrir klúbbinn.
-Heiðar Jóhannsson.  Það þarf ekkert að kynna Heidda fyrir ykkur. En hans er t.d. síðast getið í Mbl. bls. 20. fös. 2. feb. s.l.

Varðandi 1971 Superbee bílana tvo:

1.  Superbee-inn á Akureyri var upphaflega gulur með svörtu þaki. Þetta er Scat Pack útgáfa með 383 Magnum High Performance (300 gross hö @ 4800 sn og 340 lbs.ft. tork @ 3200 sn) sem var standardvél fyrir Ofurmýin árið 1971. Framleiddur í Lynch Road, Michigan. Innfluttur af Ívari leturgrafara Björnssyni.  Var í Keflavík (Ö-287) og í Hafnarfirði (' 76-' 80) eign Gunnars Sveinssonar.  Svo eignaðist Kjartan Kjartansson bílinn (R-72954) og Kalli sprautar hann  rauðan.  Lúlli Bárðar (sem á núna hitt  ´71 Ofurmýið) keypti af Kjartani c.a. '82-'83 og selur Sigga Superbee tækið um 1986.  Siggi er með hann í lannnggggtímaupptekt.

2.  Blái Superbee-inn er merkilegt tæki vegna útbúnaðar og örugglega með fimm merkilegustu Mopar tryllitækjum sem skolað hefur á Íslenskar fjörur.  Original með 440  vél (385  gross hö @ 4700 sn. og 490 lbs.-ft. tork @ 3200 sn). Six Pack inntaki (Scat Pack útgáfa), 4-ra gíra með Dana 60 og virku loftinnitaki á húddi. Daníel flugvirki keypti djásnið vélar- og húddlausan (sennilega í Oklahoma) og flytur til landsins 1981.  Stóð í eitt ár í Tollportinu og síðan uppi í Breiðholti.  Óli á Kjalarnesinu eignast bílinn og selur svo Lúlla hann.  Núna er bílinn í miður góðu ástandi suður með strönd.

Ég var að lesa á vefsíðu einni umræðu um hver væri skilgreiningin á götubíl. Rifrildi um þetta eru algeng og alltaf án minnsta samkomulags.  Þessvegna á umræða um þetta svo vel heima á þessum vef.  Niðurstöðu umræðunnar sem ég vitna til ásamt mínum viðbótum má taka saman í eftirfarandi þrjú atriði:

-Götubíll er bíll sem hefur fengið fulla aðalskoðun, er tryggður til að aka í almennri umferð með öllum götubúnaði virkum, eingöngu á bensíni sem hægt er að kaupa af dælu á bensínstöð.

-Götubíll er bíll sem hægt er að aka vandræðalaust 100 km vegalengd á a.m.k. 100 km hraða án þess að stöðva til að taka eldsneyti eða til að kæla eða til að gera við.

-Götubíll er bíll sem fólk ókunnugt bílnum getur ekið án fyrirvara og án þess að kenna þurfi þeim á hvernig á að aka bílum.

Ergo hér er hin eina sanna skilgreining á götubíl: Götubíll er bíll sem amma getur farið ein á til Þingvalla (Mývatn fyrir ykkur in The Great Big North), keypt þar bensín af dælu og filterslausan Camel og brennt svo heim og eldað oní mann læri með brúnni, rauðkáli, sultu og kartöflum og lýst því yfir hvílíkur dásemdar lystitúr ferðin hafi nú verið.

Einhver ósammála (þá á ég ekki við sultuna og rauðkálið)?

Myndina sem birt er hér að ofan af GT 37 bílnum tók ég á Akureyri 1977 eða 1978.  Þá átti frændi minn þennan bíl.  Hann var svona "kall með hatt" týpan; einn af þeim sem vann á Akureyrarflugvelli á þessum tíma og var með snert af bíladellu.  Þetta var á sama tíma og Örn brautryðjandi vann þar líka og átti "Akureyrarkorvettuna" svokölluðu.  Örn flutti inn margt fínt tryllitækið og var sérstakur smekkmaður á bíla (lesist: flutti inn eina tvo Charger vagna, 72 drapplitaður 318 m. svörtum topp og 73 árg. blár m. hvítum topp og 400 vél sem var nýlega auglýstur til sölu á þessum vef).  Hvað GT 37 bílinn varðar þá bara hvarf hann einn daginn, mig minnir að hann hafi verið beinskiptur.

Ragnar

Til allra sem eru með streitueinkenni vegna indexmála, MC dekkjamála, flugvalla út á landi mála, tommumála og lítilla drykkjarmála: Slökum nú á (yfir þessu 10 mín. myndbandi) og strengjum þess nýjársheit að slökkva svo á fótanuddtækinu og fara að æfa holeshot viðbrögðin fyrir sumarið:


http://news.bbc.co.uk/sol/ukfs_sport/hi/av/nb_wm_fs.stm?news=1&bbram=1&bbwm=1&nbram=1&nbwm=1&nol_storyid=4709956


Hrós eiga skilið allir sem kepptu á síðastliðnu ári og sérstaklega þau sem settu upp keppnirnar til að gera þetta allt mögulegt.

Nýárskveðja

Ragnar

Stebbi!

Þú ert smekkmaður!  
Til lukku með tækið.


Ragnar

Fyrst ferðu á námskeið í lestri og lesskilningi.  Síðan lestu þennan þráð:

http://www.kvartmila.is/spjall/viewtopic.php?t=17617

Ef þú skilur hann ekki þá ættirðu ekki að vera að hnoðast með 318 heldur fá þér  bara svona:

Strákar

Hann var að spyrja um 318 maðurinn. Það væri líka auðvelt að segja bara: Fáðu þér bara stroker kallinn minn,    en....spurningin hans snérist ekki um það.