Nú sýnist mér sumir hafa tekið 180 gráðu beygju (sem er bannað í kvartmílu).

    Í öllum geirum kappaksturs (IHRA, NHRA, NMCA, NASCAR, F.A.S.T o.s. frv.) er er ein höfuðhugsunin á bakvið flokkareglur að jafna keppni, gera hana meira spennandi og laða að keppendur, áhorfendur eða kostendur.  

     Í ofangreindum MC reglum er ástæða til að ætla að keppendum fækki enn frekar en verið hefur vegna þess að þróunin í flokknum undanfarin ár er í þá átt að bílar undir 11.99 verða normið.  Þeir munu hætta sem ætla ekki setja veltigrind, fimm punkta belti og keppnisstóla í bíla sína til að elta þá betri í þessum flokki undir 11.99.  Ofangreindar MC reglur leyfa drag radial dekk en hönnun þeirra er í það örri þróun að gæðabilið á milli þeirra og slikkanna minnkar stöðugt.  SE og MS (verði hann notaður) eru ágætir valkostir fyrir keppendur MC bíla sem komnir eru undir 12. sek.

Sumir sem vilja ekki sjá veltigrind/keppnisstóla/5 punkta belti pakkann væru þó til í að keppa í heads up flokki.  Það væri því skynsamlegt að KK ætti á lager reglur fyrir street entry plain radial tires only heads-up flokk, þegar MC flokkurinn (í þeirri mynd sem hann er hér að ofan) hefur runnið sitt skeið.  

Sumir þeir keppendur sem núna eru komnir í sub. 10 sek e.t. voru í byrjun keppnisferils síns sinni að dóla á 14, 15 eða 16 sek. á sínum tryllitækjum.  Slíkar ferðir kveiktu áhugann á að fara hraðar og hraðar og nýliðun varð meðal keppenda.  Með ofangreindum reglum eru líkurnar á nýliðun í MC litlar því að það er lítill hvati, eða ánægja, fyrir þann sem er á 14-16 sek. tæki að stilla upp á jöfnu við sub. 12 sekúntna bíla.

Reynið ekki að halda því fram að tryllitækjaeigendur vilji ekki koma og keppa af því að vegurinn að brautinni er slæmur eða að þeir vilja bara bóna.  Á DVD diski sem KK gaf út um vel heppnaðan Tryllitækjadag má sjá marga eigendur venjulegra tryllitækja spyrna  hver við annan.  Það hlýtur að vera verkefni KK að reyna að laða þetta fólk, sem sýndi þarna smá áhuga, til keppni.  En þeir koma örugglega ekki ef að keppinautar þeirra verða allir á sub 12 sek. bílum.
Og komið ekki með þetta bull að drag radial dekk séu götudekk og lögleg á götu hér.  DOT merking dugar ekki hér og framleiðendur þeirra hafa aldrei haldið fram að þau séu venjuleg götudekk.

Ragnar

PS:  Hvaða reglur gilda í MC ef að ofangreindar reglur verða EKKI samþykktar?

Takk fyrir þetta Hálfdán.

Það er rétt hjá þér:  Þetta er sá fyrri sem ég minnist á.

Ragnar

Hinsvegar er Dodge Viper bannaður skv. tilllögunni.  Ég veit að skýringin á þessu er ekki Vinaleiðin eins og hjá Þjófkirkjunni og held ekki að NASCAR-ísk aðferðafræði sé ástæðan fyrir því að V-10 mótorinn er bannaður skv. tillögu Háldfánar.  En Viper eða Corvette V-8 eða V-10 gildir einu:  Núgildandi árgerðarreglur eru viðunandi.

Ragnar
 

Sælir félagar.

Sæll Harry.

Já samkvæmt þessu myndi hún komast inn.

Þakka þér skjót og mikil svör Moli.

Það er ekki oft sem maður leyfir sér að dásama annað en MOPAR opinberlega, en ég geri hér undantekningu.  Palli vitnar sannleikanum samkvæmt hér að ofan.  Ég á Crystal Blue 93 T-bird sem (fyrir utan hin klassísku heddpakkingavandræði) er alveg sultufínn bíll. Eyðir lítið meira en reiðhjól og er þar að auki býsna fallega hannaður. Ég er búinn að skipta um eina heddpakkingu á honum og skipti á hinni standa fyrir dyrum.  Mesta viðgerð sem ég hef lent á minni hunds- og kattartíð var hinsvegar að skipta um efri hurðarlömina bílstjórameginn á honum. Ég þurfti að rífa hálfa innréttinguna og mælaborð úr honum og svo fékk ég hjálp ljósmóður með ákaflega nettar hendur til að koma toppi fyrir innan frá á innstu afkima hurðarlamafestinganna.
Fordmenn geta haft samband við mig ef þeir vilja fá ljósmóður með reynslu af T-bird viðgerðum til að taka á móti afkomendum sínum.  Miðað við frjálsræði mannanafnanefndar geta þeir svo skýrt kóðin t.d. Kristján Kúgar eða Tryggvi Tíbörd (svo framarlega sem stafsetning eiginnafnsins er íslensk og hægt er að fallbeygja).


Ragnar

Þakka þér Hálfdán að benda á að American Racer er eins og Framsóknarflokkurinn; gerður úr striga.

Það er um að gera að ræða MC tillögur Hálfdánar vegna þess að upplýst umræða ætti að koma þeim sem greiða atkvæði til góða.

Í fyrsta bréfi þessa þráðar segir Nóni um tillögur Háldánar:  “græna letrið táknar það sem bætt hefur verið við.”  Þegar maður ber svo saman núgildandi reglur (sbr. póst Frikka) við tillögur Hálfdánar þá sýnist mér við fljótlega talningu að 31 grein þeirra hefur verið breytt, fjórar eru nýjar (t.d. verið að sundurliða betur það sem áður var í einni grein) og 12 eru óbreyttar.  Viðbætur, umbætur og útfellingar eru semsagt miklu fleiri en þær grænletruðu.  Spurningin er hvort ætlunin sé að hafa eina atkvæðagreiðslu um þessar tillögur þar sem allar breytingarnar eru lagðar fyrir á einu bretti eða verða greidd atkvæði c.a. 35 sinnum (þ.e.a.s.) einu sinni um hverja tillögu?  Þetta skiptir máli vegna þess að ef að greidd verða atkvæði 35 sinnum og fundarmenn eru ekki vel með á nótunum eða eru að mynda sér skoðun “á staðnum” þá er mögulegt að niðurstaðan verði skringilegar reglur.  Einfaldast væri að sameina atkvæðagreiðslu um líkar tillögur (t.d. allar um ventlakerfið) í eina.

Til upplýsingar fyrir þau sem ætla að greiða atkvæði þá eru þetta helstu breytingartillögur Hálfdánar:

a)    Flokkurinn er ekki lengur takmarkaður við bíla af 1933-1985 árgerð sem framleiddir voru í N-Ameríku. Skv tillögunni er hann fyrir fjöldaframl. 4,6 og 8 strokka bíla (Viper er sem er V-10 er semsagt útlægur úr MC, enda dæmi um Mopar sem gæti dóminerað svona flokk    ).  
b)   Útborun véla má ekki fara yfir 0.060” pr. strokk (núna má auka rúmtak um 100 c.i. pr. vél frá upprunarlegri stærð) .
c)   Engar takmarkanir eru lengur á vinnslu hedda (eru þó nokkrar í núgildandi reglum).
d)   Allar tegundir hljóðkúta leyfðar (núna eru opnir og sérsmíðaðir kútar bannaðir).  
e)   Nota má hvaða converter sem er (núna er lágmarksstærð á c. 10”)
f)   Stillanlegir demparar verða nú leyfðir (núna eru keppnisdemparar og demparar ekki ætlaðir til götuaksturs bannaðir)
g)    Bílar verða að vera með fullri innréttingu (en þar sem “full” innrétting er ekki skilgreind þá sýnist mér að skipta megi níðþungum hurðaspjöldum út fyrir álspjöld). Núna verða keppinstækin að vera með upprunalegri innréttingu eða eins og upprunalega innréttingu.
h)   Dekkjareglan skýrist og tekur af allan vafa um að ekki má nota drag radial og þvílíka hjólbarða.

Persónulega er ég fylgjandi f og h.  Ég být í það súra ef tillögur c,d,e og g verða samþykktar þótt ég sé þeim ekki sammála. En mér lýst illa á ef a og b liðir verða samþykkir.

Ragnar

PS:  Enn og aftur lýsi ég eftir þeim keppendum sem mundu mæta í MC ef að tillögur Hálfdánar ganga eftir. Verði þær allar að veruleika munu margir bílar sem undanfarin ár hafa keppt í MC verða ólöglegir þar.  Þá þarf nýja bíla til að fylla í skörðin og það væri best fyrir þingheim að vita um þá áður en farið er í langar handauppréttingar á aðalfundinum.

Sælir vinir!

Hálfdán ég átti við þessi dekk:
http://www.americanraceronline.com/racing-tires/passenger.html
Ég er með svona dekk undir Chargernum núna og þau eru álíka langt frá því að vera gerilsneydd radialdekk eins og Framsóknarflokkurinn er vinstri flokkur.

Nóni: Mun stjórnin leggja til reglugreinabreytingar í MC og ef svo er verða þær kynntar á vefsíðu KK?

Góðar stundir

Ragnar

Í tilefni þess að verið er að skoða MC reglurnar og að á öðrum þræði er óskað eftir að drag radials verði leyfð í MC því að annað sé gamaldags:

Ef rökin eru að götuslikkar séu svona æðisleg tækninýjung og að það sé bara gamaldags að vera á plein radíölum þá fylgir að það sé sjálfsagt að taka upp aðra tækni í MC, s.s. nítr-oj eða hvað það nú heitir þetta stöff sem gerir sumt fólk svo mikilvægt í framan.  Það mætti reyndar sveigja MC meira að F.A.S.T. flokkunum westurheimsku í því skini að reyna að fá einhverja af þeim aragrúa tryllitækja sem fluttir hafa verið inn til að koma og keppa.  Ég el nefnilega þá veiku von í brjósti að einn góðan veðurdag muni Krúserarnir og hliðstæðingar þeirra leggja frá sér Prins Pólóið og mæta upp á braut til að keppa, en skil það vel að þeir græja sér ekki drag radíala til þess a.m.k. í fyrstu umferð.  Mín skoðun er að það verði að vera til easy entry götubílaflokkur fyrir amerísk tryllitæki. Það væri ef til vill lausn að skipta MC upp í MC Drag radial og MC Plein radial ef það kynni að laða að nýja MC keppendur?

Og ef einhverjar götuslikkagrúppíurnar eru ekki búnar að fatta músikina í þessu:  Slikkar eiga að sjálfsögðu heima undir bílum sem eru með mikið tork og fyrir þá sem vilja útrýma óvissubreytum í bílnum sínum og akstri þá eru slikkar ágætir.  Stöðugra launch í hvert sinn þýðir að menn svitna minna í rassskorunni.   En öðrum keppendum finnst það skemmtilegra/erfiðara/meira ögrandi/gefa meiri óvissu/jafna meira keppni að setja upp þokkalega kraftmikinn bíl á venjulegum radialdekkjum eins og ætti að vera í MC.  Það má kannski búa til líkingu um stangveiðimenn sem velja alltaf stærsta hlussuspóninn í töskunni til að egna fyrir laxinn (einfalt að kasta draslinu út, maður dregur langt og halar svo hugsunarlítið inn) og stangveiðimenn sem stunda flóknar fluguveiðar (sem eru ögrandi, erfiðari og þarfnast miklu meiri pælinga).  Þetta snýst semsagt um hverslags sýn/heimspeki maður hefur varðandi svona kappakstur.  

Hvað það varðar að radialar skemmi traction fyrir slikkum, þá ætti að vera einfalt að færa radialflokka aftur fyrir slikkagerið í keppni.  En reynið ekki að halda því fram að slikkar/götuslikkar geri keppandann eitthvað merkilegra en þann sem rennur um á gerilsneyddum radial.  

Slikkar eru Viagra kvartmílukallsins; án þeirra rýs lítið að framan hjá sumum.

Ragnar

PS:  Aðalfundur KK verður að afgreiða dekkjareglunar í MC á mjög skýran og afdráttarlausan hátt, jafnvel með lista yfir hvaða dekk eru lögleg/ólögleg í þessum annars ágæta flokki, á komandi keppnistímabili.

Nei ég hef ekkert tekið saman um 68  hardtop bílana en þeir voru þó mun færri (kannski fjórir? aðrir vita það betur en ég).  Það var hægt að fá hardtop Dart í fjórum útfærslum 1968:
Dart.- Bara 170 og 225 c.i. sexur í boði í þá.
Dart 270.- Vélar: slant six 170 c.i og 273 @ 190 hö.
Dart GT -(lúxus útgáfa af 270 týpunni með sömu vélum)
Dart GTS- með standard vélina sem 340 @ 275 hö. en 383 @ 300 hö. var option.  Svoleiðis bíll er til hér.
GTS bílarnir voru með styrktri fjöðrun, redline dekkjum og bumblebee rönd.

Ég er með upplýsingar um feril margra 69 GTS-anna þannig að ef einhver sem málið er skylt sendir mér VIN númerið þá skal ég senda til baka það sem ég hef.

Mér dettur í hug ein saga af þessum GTS-um.  Það var fagran sunnudagsmorgunn sirka 1980 að á planinu við Essonesti á Akureyri stóð yfirgefinn GTS, með kaðalspotta framan úr sér og planið undir vélinn löðrandi í olíu.  Sagan segir að norðlenskir drengir höfðu keypt bílinn þessa helgi og haldið heim á laugardegi eftir að búið var að lesta bílinn (af víni).  Þetta var áður en  klæðning var komin á þjóðveg 1 þannig að ekki var mikið hægt að prófa hinn nýkeypta farkost og þó..........brýrnar voru steyptar.  Það var semsagt stoppað við hverja einustu brú, liðinu hleypt út í misjöfnu ástandi og svo var bara tekið burnout yfir á meðan hirðin blandaði. Þetta hafa verið svona upp undir 20 burnout og skammt norðan Akureyrar tók 340 vélin sér hlé frá störfum.

Ahhh

Tundurduflaþjónustan!!!