Breytingatillögur afturkallaðar af höfundi Hálfdáni Sigurjónssyni og ný sett í staðinn.


MC flokkur


MC/ (Muscle Car) – Flokkur.


Flokkslýsing:
Flokkur fyrir fjöldaframleidda bíla  með 4, 6 og 8 strokka vélar án forþjöppu og/eða N2O, með öllum löglegum götubúnaði virkum.
Ræst skal á jöfnu “full tree”. Öll keppnistæki skulu geta ekið amk 10km þolakstur fyrir hverja keppni(ákvarðast af keppnisstjóra hverju sinni). Þeir keppendur sem ekki ná að ljúka þessu falla úr keppni.
Öll ökutæki skulu hafa gilda skoðun samkvæmt reglum um gerð  og búnað ökutækja á Íslandi og standast íslensk umferðarlög/reglur.

Vél:
Verður að vera fjöldaframleidd V8 bílvél og verður að hafa verið fáanleg í viðkomandi bíl og viðkomandi árgerð.
Skipta má frá 6 strokka yfir í átta strokka, og frá “big block” yfir í “small block” eða öfugt.
Slagrúmtak véla má ekki vera meira en eðlileg slitútborun (það er 0,060 yfir original stærð á strokk).
Blokk:
Vélarblokkir úr áli bannaðar nema að þær hafi verið fáanlegar frá verksmiðju í viðkomandi ökutæki.

Hedd:
Allar tegundir og gerðir hedda leyfðar sem passa á viðkomandi vélarblokk.

Ventlar
Allar leyfðar.

Rockerarmar
Allar gerðir “rockerarma” eru leyfðar.

Ventlagormar
Frjálst val er um ventlagorma, læsingar(retaners), og splitti.

Ventlalok
Frjáls val er á ventlalokum.
Eina krafan um ventlalok er að þau þétti og séu lekafrí.

Kambás:
Allar tegundir og gerðir af kambásum eru leyfðar.

Undirliftur:
Allar þær tegundir af undirliftum.

Tímagír:
Allar tegundir tímagíra leyfðar.


Sveifarás:
Allar tegundir og gerðir sveifarása leyfðar.

Stimpilstangir:
Allar gerðir af stimpilstöngum eru leyfðar.
Ál stangir eru þó bannaðar

Stimplar:
Allar gerðir simpla leyfðar.

Stimpilhringir:
Allar tegundir stimpilhringja leyfðar.
 


Olíudæla:
Nota má hvaða olíudælu sem er.
Utanáliggjandi olíudælur leyfðar, verða að vera drifnar af sveifarás.
“Dry sump” olíudælur og kerfi bönnuð.
Nota má hvaða olíu “pick up” sem er þar á meðal sveiflu “pick up”

Olíukerfi:
“Dry sump” olíukerfi bönnuð. Að öðru leyti má nota hvaða olíu kerfi sem er frá hvaða framleiðanda sem er.
Olíugöng í vélarblokkum og heddum má grafa út, pólera eða vinna á annan hátt. Nota má hindranir í olíugöng til að stýra olíuflæði frá heddum að sveifarás osf. Festa má net fyrir göt og op þar sem hætta er á að brotnir vélarhlutir gætu komist niður að sveifarás.
Allar breytingar á olíukerfi til að auka endingu véla eru leyfðar.


ELDSNEYTISKERFI

Soggrein
Soggrein miðast við einn blöndung.
Beinar Innspýtingar eru bannaðar, nema að þær hafi verið fáanlegar á þeirri vél þeirrar árgerðar sem viðkomandi ökutæki er, og verður innspýtingin þá að vera orginal (OEM).
Ef bílar hafa komið original með fleiri en einum blöndung á þeirri véla tegund sem notuð er skal leyft að nota samskonar búnað sem þarf þá að vera frá sama framleiðanda og viðkomandi vél/bíll og hafa verið fáanlegur á viðkomandi vél. EF fjölblöndunga sogrein er ekki til frá framleiðanda undir “OEM” númeri er heimilt að nota sambærilegan búnað frá öðrum framleiðendum svo framarlega sem hann lítur eins út og er viðurkennd endurframleiðsla á upprunalega hlutnum.
Engin soggrein má vera svo há að hún passi ekki undir óbreytta vélarhlíf ökutækis, og ekki má heldur hækka blöndunga svo mikið að þeir komist ekki undir óbreytta vélarhlíf.
Forþjöppur bannaðar.
Nitro gas N2O bannað

Blöndungur:
Nota má hvaða blöndung(a) sem er.

Bensíndæla:
Aðeins ein bensíndæla er leyfð og verður hún að vera drifin áfram af bílvélinni, eða með
rafmagni.
 Nota má bensindælur sem dæla meiri þrýsting og/eða magni.
Nota má dælur frá hvaða framleiðanda sem er.
Sveifarásknúnar bensíndælur (innspýtinga dælur) bannaðar. Nema að þær hafi verið til staðar upprunalega frá framleiðanda.


Bensínleiðslur:
Bensín leiðslur skulu ekki vera sverari en 1/2”.
Ef skipt er um bensín lagnir verða nýju lagnirnar að vera úr samskonar efni og þær gömlu.
Mælt er með að bensín leiðslur séu varðar þar sem þær fara framhjá skiptingu kasthjóli/converter, viftuspaða og damper.
Sjá aðalreglur 1:5

Bensínsýur:
Frjást er að nota eins margar bensínsýur og hver vill eða enga. Stærð, lögun og tegund skiftir ekki máli.

Bensíntankur:
Bensíntankur verður að vera original eða eins og original.
Ef ökutæki er komið niður fyrir 11,99sek og/eða 120mph má nota “eldsneytissellu”

Lofthreinsari:
Lofthreinsari er aukahlutur og ráða menn hvort hann er notaður eða ekki.



Eldsneiti:
Aðeins bensín sem hægt er að kaupa af dælu á bensínstöð leyft.
Öll almenn bensínbætiefni leyfð.


KVEIKIKERFI:

Kveikja:
Hámark má nota eina kveikju, og skal hún vera annað hvort rafeinda eða platínu.
Magnetu kveikjur skulu vera tengdar við sviss (straumlás) ökutækis.
“Crank trygger” er bannað.
Útslátt og önnur hjápartæki má nota, þó ekki seinkara, biðbox eða önnur tæki sem hjálpa við brautarstart.
GM HEI kveikjur eru leyfðar enda teljast þær til rafeinda kveikju.
Ekki má breyta staðsettningu á kveikju frá original.

Háspennukefli:
Hvaða háspennukefli sem er má nota.

Þræðir:
Allir kertaþræðir orginal eða eftirframleiddir (aftermarked) eru leyfðir.

Kerti:
Allar tegundir kerta (gneistatappa)leyfðar.


ÚTBLÁSTURSKERFI

Flækjur:
Pústflækjur má setja í staðinn fyrir greinar.  
Sverleiki á rörum er frjáls, og einnig sverleiki á safnara. Safnari (collector) má ekki vera lengri en 60cm.

Púströr:
Púströr skulu ná út fyrir yfirbyggingu bíls svo að hægt verði að fá á þau skoðun.
Sverleiki röra má ekki fara yfir 2,5”.
H/X-pípa er leyfð.
Hámark tvöfalt kerfi

Hljóðkútar:
Allar tegundir hljóðkúta leyfðar.

GÍRKASSI

Gírkassi
Nota má hvaða beinskiptan fólksbílakassa sem er.
“Clutsh less” gírkassar bannaðir.

Skiftir:
Nota hvaða skiftir sem er.

Kúplingshús:
Sprengihelt kúplingshús samkvæmt staðli æskilegt, og skylda sé bíll kominn ni[ur í 11.99sek/120mph.
Ef notað er standard hús er æskilegt að gólf sé styrkt.
Sjá aðalreglur: 2:3, 2:5, 2:6, 2:10.

Kúpling:
Nota má hvaða kúplingu og kasthjól sem er.
Fjöldiska kúplingar eru þó bannaðar.
Æskilegt er að kúpling og kasthjól sé samkvæmt staðli. : 2:3, 2:5, 2:6, 2:10, skylda ef ökutæki er komið niður fyrir 11,99sek/120mph
Sjá aðalreglur: 2:3, 2:5, 2:6, 2:10.

Sjálfskipting:
Nota má hvaða sjálfskiptingu sem er.
Nota má “trans pack” eða “manual” ventlabox í sjálfskiptingar.
“Trans brake” er bannað.
 Að öðru leiti eru allar breytingar á sjálfskiptingu leyfðar.
Sjá aðalreglur: 2:3, 2:5, 2:6, 2:10.

Converter:
Nota má hvaða “Converter” (vökvatengsl) sem er.
Sjá aðalreglur: 2:3, 2:5, 2:6, 2:10.

Hlífar:
Æskilegt er að hafa bæði kashjólshlíf og skiptingahlíf samkvæmt staðli, eða löglega mottu utan um skiptingu í keppni.
Skylda ef ökutæki er komið niður í 10,99sek/125mph
Sjá aðalreglur: 2:3, 2:5, 2:6, 2:10.


DRIFRÁS:

Drifskaft:
Æskilegt er að Baula sé utan um drifskaft á öllum bílum í þessum flokki, og skal hún staðsett samkvæmt leiðbeiningum framleiðanda og reglum KK.
Baula utan um drifskaft er skylda í öllum bílum sem fara hraðar en 12,99sek eða 100mílur.
Sjá aðalreglur: 2:4.

Hásing&Drif:
Frjálst val er á hásingum sem þýðir að setja má eina tegund af hásingu undir aðra tegund af bíl.
Hásing skal þó aldrei vera lengri eða styttri en sú sem var orginal undir bílnum.
Nota má hvaða drifhlutfall sem er. Læst drif leyfð. Þó er bannað að nota spólulæsingar, soðin eða steypt mismunadrif eru bönnuð.
Æskilegt er að notaðir séu sterkari öxlar og sterkari boltar fyrir felgur.



BÚKKAR & FJÖÐRUN:

Nota má hvaða fjörðunarkerfi sem er.
Staðsettningar punktar fjöðrunarkerfis verða að vera þeir sömu og var frá verksmiðju  
Ekki má færa fjaðrafestingar eða breyta þeim á nokkurn hátt.
Breyta má stífleika fjaðra, gorma, vindustanga osf, bæta má blöðum í blaðfjaðrir eða fjarlægja eftir þörfum. einnig má míkja eða stífa gorma/vindustangir eftir þörfum.

Búkkar:
Allir venjulegir spyrnubúkkar leyfðir.
Ekki má klippa úr yfirbyggingu til að koma búkkum fyrir.
Sjá aðalreglur: 3:5.

Demparar:
Einn virkur dempari verður að vera á hvert fjaðrandi hjól.
Að öðruleiti er hlutfall dempar frjálst og notkunn gasdempara er leyfð.
Ekki má bora dempara eða tappa af þeim vökva eða gasi.












YFIRBYGGING:

Yfirbyggingu má ekki breyta á nokkurn hátt frá upprunalegri smíði frá verksmiðju.
Allar léttingar og plast verða að vera með upprunalegt útlit.
Nota má plast húdd svo framarlega að það sé ekki með neinum öðrum opnunum en þeim sem voru til orginal á viðkomandi árgerð, gerð og tegund. Ef um opnun (scoop) er að ræða á vélarhlíf hvort sem hún er þar original eða hefur verið sett á má hún ekki vera að neinu leyti öðruvísi en original hægt var að fá á viðkomandi tegund, gerð og árgerð.
Nota má áfastar opnanir(scoop) á vélarhlíf ef þær eru samkvæmt því sem hér fór á undan.
Innribretti og hjólskálar verða að vera upprunalegar eða eins og upprunalegar og þá úr sömu efnum eins og upprunalega. Allar breytingar á hjólskálum og innribrettum bannaðar.


Innrétting:
Allir bílar verða að vera með fullri innréttingu
Gólfteppi verður að vera á öllu gólfi bíls eða eins og kom frá framleiðanda.
Skifta má út framstólum fyrir keppnisstóla sem þó þurfa að vera í original staðsettningu.
Taka má burt stokk milli framsæta eða hluta hans til að koma fyrir skifti.
Aftursæti má fjarlægja til að koma fyrir veltiboga. Ganga verður snyrtilega frá opinu sem myndast þegar hlutar innréttingar eru fjarlægðir.
Staðlaðir keppnisstólar eru skylda í öllum bílum sem fara niður fyrir 11,99sek og/eða 120mílna (200km) hraða.
Allir keppnisstólar skulu festir samkvæmt leiðbeiningum framleiðanda.

Belti:
Allir bílar verða að vera með amk þriggj punkta öryggisbelti.
Þeir bíla sem fara niður fyrir 11,99sek og/eða 120mílur skulu hafa 5 punkta keppnisbelti.


Veltigrind/búr:

Veltigrind er skylda í öllum bílum sem fara 11,99sek og/eða 120mílum (200km) eða betur. Veltibúr er skylda þegar bíll er kominn í 9,99sek og/eða 140mílur (225km) eða undir. Sjá aðalreglur 4:9 og 4:10.

Grind:
Allar breytingar á grind eru bannaðar. Þó er leyfilegt að styrkja grindur.

Stýri:
Bannað er að skifta frá orginalstýrisvél(snigill og sektor) og setja í staðinn tannstöng eða öfugt. Leyft er að skifta frá “power stýri yfir í “manual” og öfugt. Minnsta særð á stýrishjóli er 13” (34cm).



DEKK & FELGUR:

Felgur:
Allar gerðir af felgum leyfðar. Felgur mega ekki vera minni en 13” og ekki stærri en 16”. Nema að það hafi verið original fáanlegt á viðkomandi bíl árgerð og gerð.
Hafa má hvaða breidd af felgum sem er. Þó mega þær ekki ná út fyrir yfirbyggingu.

Dekk:
Allir hjólbarðar verða Radial og hafa “DOT” eða sambærilega merkingu.
Öll “Bias Ply” dekk bönnuð.
Öll Drag race only, drag only, drag slics, og svo framvegis bönnuð.
Hámarks hæð hjólbarða má ekki vera meiri en 28”.
Öll dekk þar sem merkingar framleiðanda hafa verið fjarlægðar bönnuð.
Ofangreint gildir líka um framdekk.
Eftirfarandi “Radial” dekk eru BÖNNUÐ í þessum flokki:
BFGoodrich g-Force T/A Drag Radial Tires,  allar stærðir/gerðir.
Mickey Thompson ET Street Radial Tires,  allar stærðir/gerðir.
Hoosier D.O.T. Drag Radial Tires,  allar stærðir/gerðir.
Nitto NT555R “Extreme Drag”,  allar stærðir/gerðir.
ÖKUMAÐUR:

Ökumaður verður að sitja í original staðsettu ökumannssæti og vera með staðlaðan hjám á höfði.
Allir bílar sem fara undir 12,99sek og/eða 100mílum (160km) verða að hafa sæti með háu baki eða höfuðpúða.
Allir bílar sem fara undir 11,99sek og/eða 120mílur (200km) verða að vera með viðurkennda keppnisstóla, sem festir eru samkvæmt leiðbeiningum framleiðanda.
Tregbrennandi keppnisgalli æskilegur.
Tregbrennandi keppnisgalli samkvæmt staðli: SFI/Spec 3/2-A-1 skylda í öllum bílum á tímum undir 11,99sek og/eða 120 mílum (200km).
Tregbrennandi keppnisgalli samkvæmt staðli SFI/Spec 3/2-A-5 skylda í öllum bílum sem fara neðar en 9,99sek og/eða 150mílur.


LETUR:

Ekki er leyft að vera með neitt letur eða merki á yfirbyggingu bíls.
Þegar talað er um letur er átt við auglýsingar.
Minni miðar eru leyfðir í hófi.
Letur þar með taldar auglýsingar má setja í rúður ökutækis þó ekki þannig að hindri útsýni og skyggi á keppnismerkingar.

Styrktaraðilar:
Styrktaraðilar eru leyfðir, þó mega auglýsinga ekki vera á öðrum stöðum en á glugggum ökutækis. (sjá að ofan)

Tillagan hefur verið dregin til baka af Hálfdáni Sigurjónssyni og ný sett í staðinn.


GF flokkur


ÚTBÚINN GÖTUBÍLAFLOKKUR


FLOKKALÝSING:
Flokkur fyrir bíla sem geta talist hæfir til götuakstursog ekið í almennri umferð, það er bílar með fulla yfirbyggingu og annað sem þarf til að aka megi þeim á götum.   Breyta má nokkrum atriðum til að bíllinn henti betur til spyrnuaksturs, þó með þeim skilyrðum að hægt sé að breyta honum aftur með lítilli fyrirhöfn og færa hann til skoðunar á viðurkennda skoðunarstöð.   Bílar í þessum flokki þurfa að vera á númerum.
Lágmarksþyngd í flokknum er 1200 kíló/2640 lbs með ökumanni á ráslínu.
Bílar skulu auðkenndir með GF/ og númeri ökumanns.



MÁL OG STAÐLAR

VÉL:  1


VÉL:
Skal vera bílvél.   Ótakmörkuð tjúning leyfð, þar með talið nítró.

ÚTBLÁSTURSKERFI:
Opnar flækjur leyfðar.   Útblæstri skal beina frá vagni, dekkjum.

ELDSNEYTI:
Allt leyft þar með talið:  bensín, alkóhól, nítró og nítrómetan.

ELDSNEYTISKERFI:
Sérframleiddir og staðlaðir eldsneytistankar (sellur) skylda í öllum bílum þar sem upprunalegir eldsneytistankar eru ekki  notaðir.   Staðlaðar bensín “sellur” eru skylda í öllum bílum sem fara niður í 9,99sek 140mílur 225km eða neðar í tíma og/eða endahraða.   Sverleiki og fjöldi eldsneytisleiðsla er frjáls en þær verða allar að vera úr viðurkenndum málmrörum eða vírofnum eldsneytisslöngum.   Sjá aðalreglur 1:5.

VÖKVAYFIRFALL:
Skylda er að hafa vökvayfirfall og söfnunarkút tengdann því við kælikerfi á öllum bílum.   Minnsta stærð á söfnunarkút er ½ lítri.

FORÞJÖPPUR:
Kefla og/eða afgas forþjöppur eru leyfðar á öllumtegundum véla og eldsneytis í öllum bílum í þessum flokki.
Sjá aðalreglur:  1:12 og 1:13.



INNGJÖF:
Inngjöf skal stjórnast eingöngu af ökumann og eru öll hjálpartæki við hana hvort sem það eru tölvur, rafmagn, vökvi, loft, osf.   Stranglega bönnuð.
Sjá aðalreglur:  1:14.



DRIFRÁS:  2


TENGSLI, KASTHJÓL, KASTHJÓLSHLÍF.
Tengsli og kasthjól samkvæmt staðli SFI Spec 1.1.  skylda nema að um upprunalega hluti  eða sambærileg frá upprunalegum framleiðanda vélar sé að ræða.   Sprengihellt kúplingshús samkvæmt staðli SFI Spec 6.1  eða 6.2 skylda í öllum bílum sem nota kúplingu.   Sjá aðalreglur 2:3, 2:5, 2:6, 2:10.

DRIFSKAFT:
Baula utan um drifskaft skylda.   Sjá aðalreglur 2:4.

AFTURÁS:
Nota má hvaða afturás sem er.   Sérsmíðaðir öxlar æskilegir og skylda ef notaðar eru spólulæsingar.   Öxulfestingar út við hjól æskilegar.

SJÁLFSKIFTING:
Frjálst val á sjálfskiftingum og vökvatengslum.

HLÍFÐARSKJÖLDUR FYRIR SJÁLFSKIFTINGAR:
Sprengihlíf á sjálfskiftingu skylda einnig má nota sprengimottu.   Sprengihlíf á “flexplötu” æskileg og skylda ef bíll er kominn niður í 9,99sek og/eða í 140mil 225km endahraða og/eða er með breyttan hvalbak.



BREMSUR OG FJÖÐRUN:



BREMSUR:
Vökvabremsur á öllum hjólum skylda.   Sjá aðalreglur 3:1.

STÝRI:
Aðeins venjuleg fjöldaframleidd stýri leyfð.   Minnasta þvermál Stýrishjóls er 13”(33,02cm).   Öll stýrishjólverða að standast skoðun hjá skoðunarstöð.

FJÖÐRUN:
Fjöðrun gerð fyrir bíla skylda.   Minnst einn virkur höggdeifir á hvert fjaðrandi hjól.   Allar breytinga á framfjöðrun leyfðar.
Skipta má út gömlum grindarbitum fyrir nýa.

SPYRNUBÚKKAR:
Allar tegundir af spyrnubúkkum leyfðar.   Sjá aðalreglur 3:5.


PRJÓNGRINDUR:
Prjóngrindur eru leyfðar en mega þó ekki vera með málmhjólum.    Sjá aðalreglur 3:6.




GRIND:   4



GRIND:
Verður að vera bílgrind og eiga við viðkomandi ökutæki.
Allar breytingar á grind leyfðar.
“Anti body swaybar” leyft,


STUÐARAR:
Skifta má yfir í plast stuðara ef þeir hafa sama útlit og upprunalegir.

HÆÐ YFIR JÖRÐU:
Minnsta hæð frá jörðu má ekki vera minni en 3”(7,62cm) frá framenda bíls að punkti 12”(30,48cm) aftan við miðlínu framhjóla.   Síðan 2”(5,08cm) það sem eftir er.   Undanskilið er pústkerfi og olíupanna.

VELTIGRIND OG BÚR:
Veltigrind er skylda í öllum bílum semfara  11,99sek og/eða 120mílum (195km) eða betur.   Veltibúr er skylda þegar bíll er kominn í 10,99sek og/eða 140mílur (225km) eða undir.   Sjá aðalreglur 4:9 og 4:10.

BIL MILLI HJÓLA:
Bili milli fram og afturhjóla skal halda upprunalegu fyrir viðkomandi bíl, frávik er leyft 2” (5,08cm).










HJÓLBARÐAR OG FELGUR:   5



HJÓLBARÐAR:
Slikkar leyfðir.   Framdekk þurfa ekki að hafa DOT stimpil.   Sé svo verða framdekk að vera sérstaklega gerð fyrir spyrnuakstur.

FELGUR:
Allar gerðir af felgum fyrir bíla leyfðar, nema teina og mótorhjólafelgur.   Minnsta felgustærð er 13” nema að bíllinn hafi komið upprunalega á minni felgum og sé með upprunalega vél.


INNRÉTTING:   6



SÆTI:
Öll sæti skulu vera vel fest.   Bílar sem fara 11,99sek og/eða 120míl (160km) eða betur verða að hafa sæti með háu baki.   Bílar sem fara 9,99 og/eða 150mil (240km) eða betur verða að vera með keppnisstól.   Æskilegt  er að allir bílar séu með keppnisstóla.   Bæði framsæti verða að vera í bílnum.
Keppnisstóll er skylda þegar bíll er kominn niður í 11,99sek og/eða 120mph, og skal hann vera viðurkenndur og festur samkvæmt leiðbeiningum framleiðanda.

BODDÝSTÁL:
Allur málmur í ökumanns og farþega klefa verður að vera ál eða stál (járn).    Öll málmsmíði í ökumanns og farþegaklefa verður að vera upprunaleg eða eins og upprunaleg.   Allar breytingar og endurbætur á ökumanns og farþegaklefa verða að vera úr upprunalegum efnum.   Magnesíum bannað.

KLÆÐNING:
Mælaborð skal vera upprunalegt eða eins og upprunalegt og á upprunalegum stað.   Bæta má við mælum að vild.   Aftursæti má fjarlægja en loka verður snyrtilega gati því sem það skylur eftir sig.   Skylda er að hafa eldvegg úr amk. 0,8mm stáli eða úr 1,2mm áli, milli farþega og farangursrýmis ef aftursæti hefur verið fjarlægt.    Æskilegt er að gólfteppi séu ekki fjarlægð.   Breyta má hurðaspjöldum en þau verða að hylja amk sama flöt og upprunaleg.

GLUGGANET:
Glugganet er æskilegt í alla bíla en skylda ef bíll er kominn niður í 10,99sek og/eða 140mil (225km) hraða eða betur.   Sjá aðalreglur 6:3.




YFIRBYGGING:   7



YFIRBYGGING:
Upprunalegt útlit verður að haldast.   Þó má setja á brettakanta lækka topp osf.   Trefjaplast yfirbyggingar leyfðar.   Nota má plast bretti, vélarhlíf, hurðir eða heilar samstæður.   Rúðu upphalarar verða að virka í öllum hurðum.



BRETTI:
Öll bretti skulu vera til staðar.   Nota má plast bretti eða samtæður svo framarlega að þær séu með sama útlit og upprunalegir hlutir.   Innribrettum að framan má breyta eða þau fjarlægja, þó ekki þar sem þau eru hluti fjöðrunarkerfis eða demparafestinga, nema að viðeigandi styrkingar komi í staðinn.   Hjólskálum að aftan má breyta að vild ss.



HVALBAKUR:
Hvalbakur skylda og skal vera upprunalegur eða líta eins út  og vera úr samskonar efnum með sömu efnisþykkt.   Hvalbakur verður að vera á upprunalegum stað.   Breyta má hvalbak vegna vélaskifta og verður það þá að vera gert úr sambærilegum efnum og upprunalega og skal hann líta út sem næst hinum upprunalega.   Vél má þó ekki staðsetja aftar en svo að fremsta kerti sé í miðlínu spindla.   Breyttur hvalbakur skal eftir sem áður uppfylla ofangreind skilyrði um efnisval.

GÓLF:
Upprunalegt gólf eða úr sambærilegum efnum skylda.   Bannað er að hækka gólf.   Lækka má gólf svo framarlega sem ekki er farið niður fyrir lágmarks hæð (sjá Grind:4.) og útsýni ökumanns raskast ekki.   Breyta má gólfi að aftan til að koma fyrir stærri dekkjum osf…   Öll nýsmíði verður að vera úr sömu efnum og upprunalegt var.

GÖTUBÚNAÐUR:
Öll ljós skulu vera virk.   Götubúnaður skal vera til staðar og vera virkur.   Sleppa má þurkum miðstöð og loftkælingu.

VÆNGIR OG VINDKLJÚFAR.
Leyfðir svo framarlega að þeir brjóti ekki regluna um lágmarks hæð frá jörðu.  

FRAMRÚÐA OG GLUGGAR:
Allar rúður verða að vera til staðar og úr upprunalegum efnum.  






RAFKERFI:   8


RAFGEYMAR:
Mest tveir rafgeymar leyfðir.   Mega vera sýru og/eða þurrgeymar.   Rafgeymar mega ekki vera staðsettir í ökumannsrými.   Sjá aðalreglur 8:1, 8:4, 8:5.

TÖLVUR OG GAGNASÖFNUN:
Tölvur og önnur tæki sem afla gagna um viðkomandi ökutæki leyfð.   Þau mega hinns vegar ekki hafa nein áhrif á ræsingu, inngjöf, tengsli, “tranbrake” eða annað í bílnum sem hjálpar við stillingar eða ræsingu eða neitt það sem kann að hjápa eða hindra ökumann eða vélbúnað ökutækis í ferð.   Sjá aðalreglur 8:2.


BIÐBOX OG HJÁLPARTÆKI:
Leyfð.

KVEIKIKERFI
Öll kveikikerfi leyfileg nema tímastill kveikibox (stutter box), magnetu kveikjur bannaðar.

HÖFUÐROFI:
Höfuðrofi er skylda í öllum bílum.

AFTURLJÓS:
Allir bílar verða að hafa afturljós sem virka.

STUÐNINGSFLOKKUR:  9



DRÁTTARTÆKI:
Öll dráttartæki eru bönnuð.



ÖKUMAÐUR:  10


ARMÓLAR:
Leyfðar, sjá aðalreglur 10:3.

RÉTTINDI:
Gillt allmennt ökuskýrteini skylda.

STAÐSETTNING ÖKUMANNS:
Ökumaður skal staðsettur í ökumanns sæti sem fest er á þann stað sem gert var ráð fyrir frá framleiðanda viðkomndi ökutækis eða samkvæmt leiðbeiningum frá framleiðanda þeirra keppnisstóla sem notaðir eru.

ÖRYGGISBELTI:
Þryggja punkta belti skylda í bílum að 11,99sek og/eða 120mil (190km). Bílar 11,99sek og/eða 120mil (190km)og undir, verða að hafa viðurkennd og stöðluð fimm punkta öryggisbelti þriggja tommu breið.

HJÁLMUR:
Skylda sjá aðalreglur 10:7.

HLÍFÐARFATNAÐUR :
Í öllum keppnisbílum er tregbrennandi fatnaður skylda,(ekkert nælon eða flís).
Í bílum sem fara undir 11,99sek og/eða 120mílur (190km), jakki og buxur, eða samfestingur samkvæmt staðli:  SFI Spec 3-2/A1 skylda.
Bílar 9,99sek og/eða 150mil (240km) og undir.   Jakki og buxur, eða samfestingur samkvæmt staðli SFI Spec 3-2A/5, skylda.

UPPHITUN:
Sjá aðalreglur 9:10.

Þetta eru reglur sem erfitt er að framfylgja nema að hafa flokk manna sem skrúfar sundur og saman aftur. Ég myndi í þínum sporum bíða eftir aðalfundinum því að í vændum eru smá einfaldanir á ýmsum atriðum í reglum klúbbsins.



Kv. Nóni

Íþróttahúsið Strandgötu, salurinn sem við höfum alltaf verið í, 20:30.

Endilega fjölmenna.

Kv. Nóni

Nei Tóti minn, það er fólk að vinna í þessu máli varðandi Skeljungsafsláttinn og þannig. Eins og þú veist er þetta bara vinna sem þarf að inna af hendi og þannig er það nú bara.


Kv. Nóni

Aðalfundi Kvartmíluklúbbsins hefur verið frestað, verður að öllum líkindum haldinn þann 10. mars sem er laugardagur í Álfafelli kl. 15:30

Auglýst betur síðar.  

Stjórnin.

Allt að ske kæru félagar, afsakið hvað þetta hefur tekið langan tíma hjá stjórninni. Þeir sem voru með þetta á sinni könnu í shell voru erlendis og nú er þetta komið í þann farveg að menn þurfa að skrá sig hér á síðunni með ákveðnum upplýsingum inn á ákveðið form þannig að við getum sent áfram til shell og þeir svo búið til kort.  Verið er að útbúa formið svo að þetta verður vonandi klárt á næstu dögum.


Kv. Nóni

Aðalfundi Kvartmíluklúbbsins hefur verið frestað, verður að öllum líkindum haldinn þann 10. mars sem er laugardagur í Álfafelli kl. 15:30

Auglýst betur síðar.  

Stjórnin.


Stjórnin

Ég held að maður þyrfti nú að vera með hauspoka á hausnum ef maður ætti að láta sjá sig á þessu............................  

Af hverju á hausnum????  



Nóni

Þetta er líka svo vitlaust,það er margfalt öruggara að vera á brautinni heldur en í umferðinni.
Ef ég er með bílinn á númerum og tryggðann, nei sorry mátt ekki keppa.
Tek hann af númerum og fer í OF,gjörðu svo vel þú ert núna tryggður.

Einmitt!