Kvartmílan => Almennt Spjall => Topic started by: 440sixpack on April 29, 2006, 09:32:49
-
Sæll Sturla
Get ekki annað en komið þessu á framfæri til þín, þar sem þú virðist ekki vita af þessu.
Málið er að Kvartmíluklúbburinn (KK) ásamt Hafnarfjarðarbæ og fleiri aksturíþróttafélögum hefur verið úthlutað auknu landsvæði í Kapelluhrauni við álverið í Straumsvík, þar stendur til að byggja upp fjölnota akstursvæði fyrir akstursíþróttir, til viðbótar það sem fyrir er.
KK hefur haft keppnisbraut þarna í 30 ár, og hafa lögreglumenn, sjúkraflutningamenn og ökukennarar nýtt brautina til æfinga svo og þeir ökumenn sem stunda kvartmílusportið. KK hefur lengi barist fyrir því að koma hraðaksti af götum borgarinnar, inn á lokað afmarkað svæði þar sem víðtækar öryggisreglur og slysaviðbúnaður er fyrir hendi.
Af því leiðir að best væri að sjá Samgönguráðuneytið taka þátt í þessu verkefni með okkur með því að staðsetja fyrirhugað æfingasvæði í Kapelluhrauni í stað Akraness.
Í Kastljósi fyrr í vikunni var rætt um hraðakstur á götum borgarinnar, og Ólafur Guðmundsson (LÍA) var þar í viðtali. Hann veit af þessu svæði okkar en lét sem hann vissi ekki af því og fullyrti að slíkt svæði væri ekki til. Þetta er tilkomið vegna þeirra gremju sem ríkir á milli LÍA og KK sem hefur verið til staðar eftir að KK gekk úr LÍA vegna fjármálaóreiðu LÍA.
Óska ég hér með eftir því að þú kynnir þér starfssemi KK og það svæði sem við höfum til afnota, með tilliti til þess að Samgönguráðuneytið komi að uppbyggingu svæðisins ásamt öðrum hagsmunaaðilum.
Með kveðju
Þórður Ingvarsson
Selásbraut 52
110 Reykjavík
-
Sæll Tóti, það svona sem þetta þarf að vera.
kv Harry
-
Góður Tóti
Gera þetta eins og fagmaður
-
glæsilegt :wink: