Ég held að þú sért með uppskriftina á hreinu.  Minnir að þegar borað er 0,30 fáir þú 383, 0,40 gefi 388.

Þessi vél kom ekki frá framleiðanda í þessari útfærslu, fyrst voru menn að dunda við þetta í skúrum og síðan komu aftermarket framleiðendur og gerðu kit.

Það er mikið vit í þessu, þú færð slaglanga vél sem togar vel.  Ef þú getur orðið þér útum 400 sbc þá ættir þú samt að athuga það áður.

Það er svolítið um að menn keyrir díselvélar á notaðri (en síaðri) steikarolíu.  Menn fá þetta víst fyrir lítið og oft ekki neitt á skyndibitastöðum.  Eina sem menn þurfa að passa er að gangsetja á díselnum og skipta yfir á díselinn áður en drepið er á mótornum.

Ég held að enginn hafi sagt að menn á öðrum spjöllum séu hálvitar upp til hópa.  

Ég kíki oft á www.hugi.is/bilar , www.f4x4.is og http://www.live2cruize.com/ og ég held að flestir séu bara með eðlilega greindarvísitölu.  Þó við viljum kannski ekki að okkar spjall verði nákvæmlega eins og önnur, þá er það enginn áfellisdómur yfir þeim.

Annars er ég sammála því að þetta spjall væri kjörinn vetvangur fyrir stjórn KK til að koma skilaboðum áleiðis.  Því ættu þeir að leggja sig fram um að svara þeim fyrirspurnum sem til þeirra er beint (svo framarlega sem þær eru eðlilegar og málefnalegar).

Kv. Jón H.

Ég er að taka 1986 módel af Trans AM í gegn og mig hefur vantað nokkra hluti.  Eins og þið þekkið eflaust þá gengur það upp og ofan að láta fyrirtæki hér á landi panta fyrir okkur (þó starfsmenn þeirra hafi yfirleitt verið allir af vilja gerðir).  

Sem dæmi þá hefur mig lengi vantað lista sem á að beina lofti að vatnskassanum (þessir bílar eru alveg lokaðir að framan og þurfa þá þessum lista að halda).  Það hefur enginn treyst sér til að verða mér útum þetta stykki.

Eftir að hafa skoðað nokkur amerísk fyrirtæki ákvað ég að senda Year One http://www.yearone.com/  línu.  Verðin hjá þeim eru ágæt en það sem skipti ekki minna máli er að þjónustan var góð.  Ég ákvað því að versla við þá.

Síðasta mánudagskvöld sendi ég þeim endanlega pöntun, og átti von á því að þurfa að bíða í eina til tvær vikur eftir vörunum.

Seinnipartinn í gær (fimmtudagskvöld) fékk ég símtal frá UPS.  Þar var ég spurður að því hvort ég væri heima, því þeir væru með sendingu til mín.  Pakkinn kom síðan stuttu síðar.  

Ég var eins og smástrákur að opna jólapakka þegar ég reif umbúðirnar af, en kaninn pakkar all svakalega inn öllu sem hann sendir.

Þarna voru allir þeir hlutir sem ég pantaði (m.a. listinn sem mig hefur lengi vantað), og verðið stóð að sjálfsögðu.  Ég mæli því hiklaust með þessu fyrirtæki.

Kv. Jón H.

Breytingarnar 1987 voru ekki stórvægilegar hvað þetta varðar, en gera þér erfitt fyrir að nota millihedd af eldri vélum.  Mig minnir að hallinn við hedd og millihedd hafi eitthvað breysts en allavegana breyttust boltagötin eitthvað.  Ef þú setur eldri hedd á vélina þá ertu í góðum málum  

Önnur breyting 1987 er að þá fóru margar chevy vélar að koma með rúlluknastás, en það kemur þessu máli ekkert við.

Ég hef enga reynslu af platínukveikju í chevy (var eitthvað að hræra í því í VOLVO hér í den, endalausar stillingar á platínubili) en Chevy hætti með þær fyrir mjög löngu síðan.  Ætli HEI kveikjan hafi ekki komið snemma eða um miðjan áttunda áratuginn.

Kv. Jón H.

Ég skal halda mig á mottunni, ég get nú samt kannski grafið upp nokkrar gamlar skýrslur og.......

Takk fyrir fljót og góð svör

Ef þeir gætu rifið þennan ógeðslega væng aftanaf honum þá er hann í góðu lagi.

Ég tek undir það, ég held að þessar breytingar verði mjög til bóta og viðbrögð við ábendingum voru ótrúlega góð.

Kv. Jón H.

Takk, ég bjalla í hann