Kvartmílan => Keppnishald / Úrslit og Reglur => Topic started by: SPRSNK on July 23, 2015, 03:23:25

Title: Dagskrá og fyrirkomulag í kvartmílu 2016
Post by: SPRSNK on July 23, 2015, 03:23:25

Hugmynd að keppnisdagskrá sumarið 2016 sem lögð var fram á félagsfundi í kvöld

Kvartmílubraut

30.4.2016   Bikarmót - Opnunarmót
14.5.2016   Íslandsmót
4.6.2016   Afmælishátíð KK - Muscle Car dagur
25.6.2016   Íslandsmót   
9.7.2016   Bikarmót -   King of the Street
23.7.2016   Íslandsmót
13.8.2016   Bikarmót - Metadagur
27.8.2016   Íslandsmót   
17.9.2016   Bikarmót - Lokamót

Þá komu fram hugmyndir um að á Íslandsmóti yrði keppt með second chance fyrirkomulagi

Bikarmót verði notuð til að keyra annars konar keppnisfyrirkomulag:
Bracket
Shootout - etja saman bílum, bíltegndum og gömlum Legendum
Metadagur til að bæta persónuleg met
1/8 míla - margir keppendur voru ánægðir með keppnisfyrirkomulag í KOTS í sumar

Á að breyta KOTS aftur í kvartmílu?

Endilega leggið ykkar lóð og vogarskálarnar, komið með hugmyndir, skiptumst á skoðunum og ræðum saman á jákvæðum nótum

Title: Re: Dagskrá og fyrirkomulag í kvartmílu 2016
Post by: Gretar Franksson. on August 14, 2015, 08:29:21

Sælir, ég myndi vilja sjá þetta gamla góða fyrirkomulag fyrir OF flokk að það þarf að vinna 2svar. Þetta sekond change fyrirkomulag er þannig að áhorfendur vita ekkert hver er að vinna eða tapa. Og keppendur vita það varla sjálfir þeir þurfa þá að kynna sér það sérstaklega og fylgjast vel með. Óspennandi.
kv, Gretar Franksson 

Title: Re: Dagskrá og fyrirkomulag í kvartmílu 2016
Post by: ÁmK Racing on August 24, 2015, 08:38:16

Nei Grétar þetta er ekki rétt hjá þér second chance er nefnilegi mjög spennndi.Að eiga möguleika að vinna keppnini þó þú eigir eina slakka ferð finnst mér hleypa spennu í þetta.Og þetta með áhorfendur eins og t.d með Opna Flokkinn þá skilur fólk hann ekki hvort sem er þannig að það er einginn hindrun þar.En vonadi verða bara allar niðurstöður sportinu til framdráttar hverjar sem þær nú verða.Kv Árni Kjartans

Title: Re: Dagskrá og fyrirkomulag í kvartmílu 2016
Post by: Lenni Mullet on August 25, 2015, 11:14:00

Persónulega myndi ég vilja sjá KOTS aftur sem 1/8 keppni. en ég ætla að reyna að mæta á KOTS 2016 hvort sem hún verður 1/8 eða 1/4.  \:D/

Mér finnst bara vera meirri spenna í 1/8 bæði sem áhorfandi og keppandi, Pro Tree er líka algjörlega málið, Full Tree á bara heima í einhverjum öldunga keppnum  :mrgreen:

Title: Re: Dagskrá og fyrirkomulag í kvartmílu 2016
Post by: 1965 Chevy II on August 25, 2015, 20:29:20

Ég myndi vilja KOTS í það form sem hún var 1/4 mílu og pro tree. Þessi keppni sem var keyrð í staðin fyrir KOTS í ár væri flott viðbót í flóruna.  :spol:

Title: Re: Dagskrá og fyrirkomulag í kvartmílu 2016
Post by: ÁmK Racing on August 25, 2015, 23:46:27

Frikki hún var ekki keyrð í staðinn fyrir Kots hún var KOTS og var reyndar alveg brilliant keppni.Hrikalega spennadi og jöfn☺Persónulega mundi ég mæla með að þessu yrði ekki breytt yfir í kvartmíluklúbbnum aftur.En vissulega  er það bara mín skoðun 😎. Ég myndi vilja sjá fleiri viðburði í þessum dúr.Kv Árni

Title: Re: Dagskrá og fyrirkomulag í kvartmílu 2016
Post by: 1965 Chevy II on August 26, 2015, 12:42:15

Ég tók svona til orða því þegar nánast öllum hugmyndum sem voru á bakvið KOTS er hent út og nýtt fyrirkomulag sett inn undir sama nafni þá er varla hægt
að segja að þetta sé sama keppnin þó hún beri sama nafn, Subway er ekki pizzastaður þó hann yrði skírður Dominos.

Það er engin ástæða til að KOTS fái ekki að vera það sem hún var, götubílakeppni fyrir bíla sem keyra stundum rúnt og eru á dælubensíni og limit á dekkjastærð með allan búnað
sem þarf til að standast bifreiðaskoðun.

Þessi keppni sem var keyrð núna má að sjálfsögðu vera óbreytt og flott viðbót í keppnishaldið.

Title: Re: Dagskrá og fyrirkomulag í kvartmílu 2016
Post by: maggifinn on August 28, 2015, 11:59:04

ég farinn að kunna vel við einnar ferða fyrirkomulagið hjá okkur í Opna Flokknum. Mér finnst það bara tækifæri til að leggja meira á vélarnar í keppni.

Tvær keppnir sama daginn, glatað. Aaaalgjörlega glatað.
Það þarf að fylgja eftir stigagjöfinni úr íslandsmótinu miklu betur til að það hafi einhvern tilgang að mæta í þessar keppnir. Ég reikna með að þetta sé síðasta sísonið sem við keyrum mótið svona stíft í bili.

KOTS finnst mér marklaust nema annaðhvort með tengingu við götumíluna á AK eða með einhverri yfirbyggingu sem veitir keppninni sérstöðu, einsog að keppnin byrji við bensíndælurnar uppá höfða. King of street getur ekki orðið það sem það var því núna eru keppnir á AK, um sama hlutinn. Fljótasta númeratækið.

En heilt yfir hefði ég viljað sjá meiri áttundu mílu, meira pro tree.

Title: Re: Dagskrá og fyrirkomulag í kvartmílu 2016
Post by: SPRSNK on August 28, 2015, 14:28:03

Quote from: maggifinn on August 28, 2015, 11:59:04

Það þarf að fylgja eftir stigagjöfinni úr íslandsmótinu miklu betur til að það hafi einhvern tilgang að mæta í þessar keppnir.

Ég er ekki alveg að fylgja þér hér - þ.e. hvað þú ert að meina!


Stig til íslandsmeistara:
http://kvartmila.is/is/sidur/stig-i-islandsmotinu-2015 (http://kvartmila.is/is/sidur/stig-i-islandsmotinu-2015)
http://www.ais.is/stadan/spyrna/spyrna-2015/ (http://www.ais.is/stadan/spyrna/spyrna-2015/)

Title: Re: Dagskrá og fyrirkomulag í kvartmílu 2016
Post by: maggifinn on August 28, 2015, 17:58:59

Ég er að meina umræðuna almennt. Meðal almennings og félagsmanna.
Það sýnir þessu að því er virðist enginn áhuga.
Á þessu er vakin lítil athygli og atburðarrásinni milli keppna er lítið sem ekkert fylgt eftir.
Þetta eru nánast stakar keppnir sem við bara mætum í og keppum en það er lítið pælt í mótinu sem slíku.
Það er mín upplifun af þessu og hefur verið undanfarin ár.

Title: Re: Dagskrá og fyrirkomulag í kvartmílu 2016
Post by: 1965 Chevy II on August 28, 2015, 18:09:34

Ég hef ekki keppt lengi í íslandsmeistaramótaröðinni en mér þætti áhugaverðara að hafa bara eina íslandsmeistarakeppni, þá geturðu orðið íslandsmeistari án þess að binda þig fjórar helgar yfir sumarið og jafnvel oftar ef það þarf að fresta keppni, bara eins og KOTS er ein keppni.

Fjölga svo annarskonar mótum í staðin eins og T.D 1/8 pro tree fyrirkomulaginu.

Margir möguleikar í boði.

Title: Re: Dagskrá og fyrirkomulag í kvartmílu 2016
Post by: SPRSNK on August 28, 2015, 18:12:46

Ég hélt að þú værir að meina stigagjöfina og útreikninginn á bak við þau :-)

Ef að áhuginn er ekki til staðar fyrir kvartmílu, hvorki frá eigendum tryllitækjanna né áhorfendum - hvað er þá hægt að gera?
Við héldum fund í júlí þar sem við veltum fyrir okkur næsta ári og fyrirkomulaginu á keppnishaldinu.
Það þarf að halda annan slíkan í september því að allar breytingar sem ekki eru innanfélags bikarmót þurfa að liggja fyrir í byrjun október.
T.a.m. íslandsmótsreglurnar kveða á um a.m.k. 3 mót í stigasöfnun.

Eitt íslandsmót er mér vel að skapi - og hafa síðan annað fyrirkomulag á ýmsum bikarmótum.

Klúbburinn er nú að byggja upp akstursíþróttasvæði á breiðari grunni og þar virðist liggja vaxtarbroddur í annars konar keppni, æfingum og sýningum.
Varðandi kvartmíluna þá verður vonandi nýliðun í gegnum Jr. dragster sem er í burðarliðnum fyrir næsta ár!

Og svo náttúrulega þetta augljósa - fáir sem standa að baki starfinu og allt það ....... það fer fækkandi í þeim hópi líka.

Minn túkall



PS þessi þráður er flottur - um að gera að skiptast á skoðunum og velta þessu fyrir okkur :-)

Title: Re: Dagskrá og fyrirkomulag í kvartmílu 2016
Post by: maggifinn on August 28, 2015, 18:18:46

Það er nú helvíti hart að tala um að menn sem hafa keppt hjá klúbbnum og varla misst úr keppni í tíu ár hafi ekki áhuga á kvartmílu. Það er ekki það sem ég eða nokkur er að segja.
Það þarf að virða þá sem koma og keppa. Gerið ekki lítið úr því fólki.

Það hlýtur að vera hægt að ræða þessa hluti einsog um er beðið án upphrópunarmerkja.

Title: Re: Dagskrá og fyrirkomulag í kvartmílu 2016
Post by: Kristján Skjóldal on August 28, 2015, 20:21:21

 =D> =D> =D> =D> =D> =D> =D>

Title: Re: Dagskrá og fyrirkomulag í kvartmílu 2016
Post by: Lindemann on August 28, 2015, 23:22:02

Quote from: maggifinn on August 28, 2015, 18:18:46

Það er nú helvíti hart að tala um að menn sem hafa keppt hjá klúbbnum og varla misst úr keppni í tíu ár hafi ekki áhuga á kvartmílu. Það er ekki það sem ég eða nokkur er að segja.
Það þarf að virða þá sem koma og keppa. Gerið ekki lítið úr því fólki.

Það hlýtur að vera hægt að ræða þessa hluti einsog um er beðið án upphrópunarmerkja.

Ég ætla nú ekki að svara fyrir Ingimund en áhugaleysið á ekki við þá sem hafa verið að mæta reglulega(eins og t.d. ykkur feðga) heldur frekar þá fjölmörgu sem eiga tæki og mæta ekki.
Í augum okkar í stjórn kom ekki annað til greina fyrir þetta tímabil en að breyta KOTS til að reyna að gera það áhugaverðara. Auðvitað eru skiptar skoðanir um hvort það hafi verið rétt ákvörðun eða ekki en þeir sem tóku þátt núna virtust í það minnsta ánægðir með fyrirkomulagið.

Ég held að okkar helsti möguleiki í kvartmílunni til að auka áhuga og gera spennandi keppnir sé að fjölga bikarmótum og reynameð því að ná fram fjölbreytni.

Title: Re: Dagskrá og fyrirkomulag í kvartmílu 2016
Post by: maggifinn on August 29, 2015, 00:13:39

Ég sé bara engann hér tala fyrir minnkandi áhuga á kvartmílu, hér er verið að ræða sportið okkar og beina fyrirspurnum til keppenda um álit á næsta sísoni.
nema menn skilji það sem svo að þegar menn tali fyrir áttund þá sé minni áhugi fyrir kvart?

Hvorki mig, né nokkurn sem kemur að rekstri þessa klúbbs varðar nokkuð um álit einhverra sem ekki mæta hvorteðer, það er ekki umræðuefnið er það nokkuð?

Ef menn meta það sem svo að það sé ekki standandi í þessu fyrir okkur fáu sem viljum keppa, þá skal bara leggja þetta drasl niður.

Það er reis á morgun, sjáumst þar.

Title: Re: Dagskrá og fyrirkomulag í kvartmílu 2016
Post by: SPRSNK on August 29, 2015, 00:21:07

Maggi

smá misskilningur - ég er ekki að tala fyrir hönd klúbbsins hér i þessum þræði heldur persónulega og þegar ég talaði um áhugaleysi
þá var ég að tala almennt en ekki tala niður til neins og allra síst þeirra sem alltaf mæta.
Þegar ég tala um kvartmílu þá var ég að tala um bæði 1/4 og 1/8 án þess að greina þar á milli.

Fundurinn í sumar, þessi þráður og frekari fundir í haust eru til þess ætlaðir að fá fram skoðanir keppenda og nýjar hugmyndir til að fjölga iðkendum og keppendum.
Til að það verði hægt þurfa félagsmenn að ræða saman.

Title: Re: Dagskrá og fyrirkomulag í kvartmílu 2016
Post by: maggifinn on August 29, 2015, 00:46:22

Ég held að menn þurfi aðeins að stíga niður á jörðina hvað það varðar um væntingar á fjölda iðkenda í sportinu.

Ég fór á drift um daginn, síðustu keppni íslandsmótsins í hrauninu rétt austan við okkur, og þar voru tíu tólf bílar að keppa.
Ég keppti í sandi á króknum, þar voru 27 tæki.
Horfði á torfærukeppni í stapafelli, 8-9 bílar, þrír eða fjórir luku keppni,,

Svo eru að meðaltali 20-25 tæki að keppa hjá okkur og þá tala menn um áhugaleysi???

 Ég held þið ættuð að drullast bara til að vera stoltir af því að halda svona flottar keppnir á kvartmílubrautinni, með flotta bíla og flott mótorhjól og gott sjóv fyrir áhorfendur. 

Auðvitað væri voða gaman að fá hin og þessi tæki úr skúrum eitthvað blablabla,, en veistu Ingi,, það þarf ekki.

Title: Re: Dagskrá og fyrirkomulag í kvartmílu 2016
Post by: nikolaos1962 on August 29, 2015, 09:30:33

 =D> :)

Title: Re: Dagskrá og fyrirkomulag í kvartmílu 2016
Post by: Kristján Skjóldal on August 29, 2015, 12:55:56

ég held að það sé ekki gott að miða við þetta sumar ! það birjaði mjög ílla fyrir sunnan og seint ](*,) og það hefur bara ekki komið fyrir norðan  :D svo áhugi á að mæta verður lítil. Það er allt orðið til fyrimyndar hjá KK og eiga þeir hróss skilið og þessar fáu hræður sem hjálpa til þar =D> =D> =D> Mér finnst líka mjög flott hjá þeim að prufa eitthvað nýtt í sambandi við keppnis fyrikomulag sem bæði virkar og stundum ekki. Og það sem skiftir mestu er að við  örfáir sem erum að brasa í því að vera með verðum að standa saman. og á að standa vel á bak við þá sem mæta og veita þeim viðurkeningar. svo þarf að vinna vel í að koma nýjum inn á kk braut en ekki bara skjóta niður hugmyndir heldur hlusta og skoða vel :wink: kveða Afi gamli

Title: Re: Dagskrá og fyrirkomulag í kvartmílu 2016
Post by: Birgir Þór on August 29, 2015, 19:39:38

þetta fyrirkomulag sem var á king of the streets var mjög gott og er allt til bóta sem fjölgar keppnum yfir tímabilið til bóta og vonandi nást fleiri inn fyrir næsta ár og það hefur allavega verið fjölgunn í hjólum í sumar.

þarna fyrir norðan mættu þeir taka þetta upp sem var hér fyrir sunnan á king of the streets því fyrir þá sem fara norður og eitthvað klikkar að fara bara 2 tímatökuferðir og svo tvær ferðir í keppni og svo búið það er til að auka við spennu og keppendur og árhorfendur fá meira fyrir aurinn, einnig mætti taka verðlauna  afhendingar til skoðunar og bæta við þriðja sæti sem meiri hvatning fyrir þá sem lenda þar að halda áfram eins og gert er í flest öllum sportum.

 

Title: Re: Dagskrá og fyrirkomulag í kvartmílu 2016
Post by: Gretar Franksson. on September 11, 2015, 00:19:06

Held að það sé ekki málið að breyta bara til að breyta og sjá hvort það auki áhugan. Að mínu mati er mikilvægast að laga keppnishaldið það ætti alltaf að vera keppnistæki að keyra brautina eftir að keppni hefst. Þetta atriði er auðvelt að laga með samstilltu staffi. Svo þarf að hafa þul sem þekkir vel til og er líflegur fyrir áhorfendur. Búið er að fæla marga áhorfendur frá sportinu með biðtímum og ekkert er að gerast langtímum saman.

Ég er með skilaboð til keppnishaldara frá 3 áhorfendum sem komu til að horfa á Kvartmilukeppni í fyrsta sinn, þetta eru menn sem hafa gaman að mótorsporti almennt. Skilaboðin eru "þeir ætla aldrey að koma aftur upp á braut vegna þess þeir láta ekki bjóða sér svona seinagang og endalaus bið í miðri keppni" Þeim leiddist biðin og urðu hálf móðgaðir. Ath þetta eru skilaboð. Þetta á eflaust við um fleirri sem segja ekkert en bara fara.

Sem keppandi til margra ára hefur það verið áberandi mikill seinagangur á keppnishaldinu undanfarin ár. Þetta var ekki svona sæmt hér áður fyrr, keppnirnar voru oftast kláraðar innan 2ja tíma jafnvel þó það væru yfir 60 keppendur sem var um tíma. Mæli með nýjum keppnisstjóra og slípa staffið saman. Fá upplýstan líflegan þul, Byrta úrslit strax án tafar, Byrta stig til Íslandsmeistara án tafar, Setja inn fréttir af atburðum úr hverri keppni án tafar. Læt þetta duga í bili.
kv. GF.

Title: Re: Dagskrá og fyrirkomulag í kvartmílu 2016
Post by: Ingó on September 13, 2015, 10:06:10

Sæll.

Þú talar um biðtíma og að það sé æskilegt að það séu ávalt tæki í brautinn. Ég er á sama máli en til þess að þetta gangi þá þarf mun fleiri keppendur.

Ef það væru +8 í hvefum flokk þá gengi þetta betur.

Kv Ingó.

Title: Re: Dagskrá og fyrirkomulag í kvartmílu 2016
Post by: Gretar Franksson. on September 14, 2015, 17:49:09

Það ætti ekki að vera erfiðara að klára keppni með t.d. 25 keppenum samanborið við t.d.50 keppendum og hafa alltaf keppnistæki í braut. Kælitími er ekki vandamál í OF vegna þess að þar þarf aðeins eina ferð til að vinna. Bílar á númerum eru yfirleitt með þannig kælikerfi að kælitími er ekki vandamál. T.d. gæti verið heppilegt að keyra keppni eftirfarandi: Byrja á einni umferð í OF ef það eru t.d. 4 í þeim flokk er bara ein úrslitaferð eftir. Semsagt bara tvö rönn þar. Aðra flokka mætti keyra eins byrja eina umferð í hverjum flokk þar sem þarf tvær ferðir til að vinna. Endurtaka það síðan í næstu umferð. Það er ekkert mál að hafa alltaf keppnistæki í brautinni aftir að keppni hefst. Uppröðun er allt sem þarf, keppnistæki verði hlið við hlið upp rampinn að brautinni og byrja burnout um leið og parið á undan er komið út á enda. Þetta hefur verið gert margoft hér áður fyrr. Eina sem þarf er réttur keppnisstjóri og staff (pittstjóri, uppröðun,brautarstjóri, tölvumann í turn og ræsir) 6 manns gætu dugað. Nota talstöðvar og hafa skipulagið í lagi. Ég get fengið réttan keppnisstjóra í þetta ef það er vilji fyrir því.
kv. GF.

Title: Re: Dagskrá og fyrirkomulag í kvartmílu 2016
Post by: Ingó on September 14, 2015, 21:35:14

Þú varst ekki á síðustu keppni sem gekk verulega hratt.
Þá var þetta gert þannig að uppröðun er með spjald töflu í pitt sem stjórnstöð sendir uppröðun á jafn óðum.

Þegar það eru fáir í mörgum flokkum t.d. 3-6 í flokk og 25 í heildina og það tekur 1-2 mínútur að keyra hverja ferð sem gerir 13 ferðir eða 15-20 mín fyrsta umferðin og svipaðan tíma seinni ferðin og þá það sem eftir er 10-20 mín. Þá er ekki kælitími. Það eru nú þegar til götubílar sem skila mera afli en bílar í OF og það er ekki hægt að senda þá í þrjár ferðir í beit án þess að ofhita vél skiptingu og drif.

Með 25 keppendum er ekki hægt að bíla í brautinni allan tíman. Ef keppendur bæru 50  og 8-12 í flokk þá væri það trúlega hægt. Þá væri hægt að raða upp í röð í pittinum eins og gert var þegar fjöldin var hærri.

Ef þú ert með starfsfólk á brautina og eða keppnisstjóra þá er það frábært. Það stóð til fyrir þetta keppnistímabil að hafa 2 teimi í stjórnstöðinni en það gekk því miður ekki.

Ég lendi oftar en ekki þó að ég sé að keppa að byrja í sjoppunni og einnig að aðstoða við uppröðun á milli ferða..

Kv Ingó.

Title: Re: Dagskrá og fyrirkomulag í kvartmílu 2016
Post by: Oskar K on September 16, 2015, 00:21:41

Þú grétar þá reddar kannski "réttu staffi" því ég hef ekki orðið var við það undanfarið það sé slegist um þær stöður.
Svo var 90% af biðtíma í sumar vegna vinnu við brautina og oftar en ekki þá til að skúra upp olíu eða týna upp rusl sem keppnistæki skildu eftir sig í brautinni, og þar eru sumir duglegri en aðrir

Title: Re: Dagskrá og fyrirkomulag í kvartmílu 2016
Post by: Addi on September 16, 2015, 00:30:04

Sælir félagar

Ég vil nú byrja á að þakka mönnum fyrir gott sumar, þrátt fyrir að veðrið hafi strítt okkur aðeins á köflum.

Mig langar að byrja á því að koma inná það, þar sem talað er um seinagang í keppnum undanfarið, en hann virðist hafa farið framhjá mér, en kannski svíf ég bara um á bleiku skýi. Ég er nú ekki búinn að vera viðriðinn brautin nærri því jafn lengi og þið flest. En ég er þó búinn að standa á startlínunni í áratug, á velflestum keppnum og viðburðum, og frá því að ég byrjaði sumarið 2005 hefur margt breyst. Keppnishald, keppendafjöldi, áhorfendafjöldi og brautaraðstaða, og mér datt nú síst í hug að menn færu að setja út á seinagang á undanförnum árum. Þegar ég var að byrja, var það nokkuð eðlilegt að staðið væri í keyrslu á keppni framundir sex á daginn, keppnir hófust að mig minnir klukkan tvö. Nú er tíðin önnur, keppnir með meðal keppendafjölda uppá 25-35 tæki rúlla í gegn á rúmum klukkutíma þegar best lætur. Og olíuslysum er brugðist við fumlaust á stuttum tíma, olíuslysum sem fyrir fáeinum árum hefði jafnvel orðið til mikilla tafa á keppni, jafnvel frestun.

Þegar komið er að því að best sé að hafa keppnistæki í brautinni öllum stundum, þá er ég hjartanlega sammála, ég myndi vilja hafa sem þéttasta keyrslu, allar keppnir, alltaf. En keppendafjöldinn býður eiginlega ekki upp á það, ekki nema menn hafi áhuga á að klára keppnir á hálftíma, það er allavegana það sem ég vil meina að myndi verða niðurstaðan ef keyrt væri örar.
Vissulega koma upp tímapunktar í keppnum, þar sem tafir verða í keyrslu, ekkert að gerast, en þá er undantekningalítið búið að senda keppendur af stað upp í braut. Afhverju flæðið er ekki stöðugt er ekki gott að segja, stundum eru menn eitthvað að skrúfa, stilla, gera og græja. Og þá bara bíða menn, mótherjar, því allir erum við samherjar í sportinu, þá eru tafir, ekkert að gerast í brautinni. Þannig horfir þetta við mér, vissulega þurfum við að reyna að gera sem mest fyrir áhorfendur okkar sem mæta, borga sig inn og horfa á. Mér finnst ekki rétta leiðin að setja allt í overdrive og klára allt af, í einum grænum hvelli. Mér finnst fólk þurfa að fá eitthvað fyrir peninginn, og við gerum hvað við getum.

Hvað staffið varðar, þá ætla ég að byrja á því að þakka þessum fáu einstaklingum sem gefa sér tíma til að koma og standa að keppnishaldi fyrir og með klúbbnum, kærlega fyrir samstarfið á undanförnum tímabilum. Þetta er fámennur hópur, sem vinnur að því er mér finnst mjög vel saman og gerir sitt vel. Sá galli er hinsvegar á gjöf njarðar að það eru höggvin stór skörð í keppnishaldið ef einn og einn aðili dettur út, kemst ekki til að vera með okkur. Nú hefur það verið stefnan undanfarin ár að koma upp öðru brautarteymi, eins og Ingólfur bendir á, en það hefur ekki gengið, það skilar sér ekki fólk í það, ekki fáir, eiginlega bara engir. Gaman þætti mér að heyra hvað það er í störfum starfsfólksins sem þyrfti helst að slípa saman, þau vita hvað þau eiga að gera, öll samskipti fara saman í gegnum talstöðvar. Nema þá kannski samskipti keppnisstjórnar og pittstjóra, en hann fær allar upplýsingar beint inn á lófatölvu um leið og þær eru tilbúnar. Það eina sem ég get fyrir mína parta sett út á starfsfólkið er að það er of lítið af því, en það er lítið sem núverandi starfsfólk getur gert í því. Jú og það bráðvantar þul, sem getur matað upplýsingar ofan í fróðleiksfúsa áhorfendur.

Og ekki sé ég hvernig það á að breyta nokkrum sköpuðum hlut á nokkurn veg, að skipta út keppnisstjóra, ekki það að ég hugsa að Jón yrði stórfeginn ef það er einver til í að koma og vera keppnisstjóri í hans stað. En ég sé ekki að það breyti keppnishaldinu neitt, keppnir eru keyrðar eftir sama fyrirkomulagi og það hefur í grófum dráttum verið eins síðan ég byrjaði. Einhverjir kunna að halda að ég ætli að halda einhverjum hlífiskyldi yfir honum afþví að við erum vinir en það er nú ekki svo. Það slær sennilega hvað oftast í brýni okkar á milli, á keppnisstað, í keppni, heldur en milli nokkurra annarra, kemur reglulega að við séum ósammála. En það er þá bara rætt, þar til niðurstaða er komin. En eftir því sem mér hefur sýnst, þá er staða keppnisstjóra ekkert voðalega eftirsóknarverð, allavegana hefur enginn sýnt því áhuga að taka við. Kannski er aðilinn bara búinn að bíða á hliðarlínunni eftir rétta tækifærinu, það er núna, mér finnst við hæfi að sá hinn sami kynni sig. Okkur vantar alltaf fleira fólk, vont ef fólk situr heima og heldur að því yrði illa tekið, allir velkomnir í staff sem eru til í að starfa fyrir klúbbinn.

Þetta er orðinn agalegur pistill, en það verður að hafa það, maður verður hálfsár, við svona lesningu, eftir allt það sem er búið að gera og færa til betri vegar á brautinni undanfarin ár.

Og að lokum vil ég þakka ykkur félagar, keppendur, sem hafið fyrir því að mæta og skemmta ykkur og öðrum, keppni eftir keppni, sumar eftir sumar, fyrir góðar stundir.
Takk

Með bestu kveðju
Arnar B. Jónsson
Addi Ræsir.
 

 

Title: Re: Dagskrá og fyrirkomulag í kvartmílu 2016
Post by: Kristján Skjóldal on September 16, 2015, 12:08:53

 =D> =D> =D> =D>

Title: Re: Dagskrá og fyrirkomulag í kvartmílu 2016
Post by: Gretar Franksson. on September 18, 2015, 21:23:54

Finnst ekki rétt að blanda saman framkvæmdum við brautina sem hafa verið góðar og miklar. Þar hefur verið gert vel og þeir sem þar hafa lagt til vinnu eiga gott hrós skilið. Það fengust peningar i framkvæmdir frá vini okkar sem erfði KK af miklum peningum sem ekki hefur verið minnst á hér á spjallinu. Það sem ég er að reyna að benda á er að keppnishaldið er ekki nógu gott. Áhorfendum fækkar og áhugin á sportinu minkar. Til að laga þessa hluti þarf að ræða þessa hluti. Ég kom með skilaboð frá áhorfendum sem voru á keppni þeir ætla ekki að koma aftur vegna biðtíma og seinagangs, ég hef verið mjög virkur í að mæta í keppnir undanfarin ár þá er venjulega byrjað milli kl 7 og 8 um morgun mætt í pitt og beðið, byrjað að vikta milli 10 og 11 síðan bið,tímatökur, keppni byrjar t.d. kl 14 ef ekki er seinkun. Keppni lokið milli 16 og 19 venjulega komin í skúr aftur kl 18 til 20. Það er of mikil bið á milli. þetta þarf að laga, en ekki fara í einhverskonar afneitun og halda því fram að það sé ekki hægt að keyra keppni án svona biðtíma.
kv, GF.   

Title: Re: Dagskrá og fyrirkomulag í kvartmílu 2016
Post by: Lindemann on September 19, 2015, 10:55:31

Það er rangt hjá þér að ekki hafi verið minnst á arfinn frá Pálma hér á spjallinu, það var þráður um það hérna á sínum tíma. En það er þó ótengt þessari umræðu.

Það er vissulega gott að ræða hvað má betur fara, en menn verða að vera raunsæir.
Kvartmílukeppni er nánast ómögulegt að keyra án þess að nokkur biðtími sé, ég geri ráð fyrir að þú hafir farið á keppnir erlendis og séð að þar þurfa menn líka að kljást við ýmsar tafir, t.d. vegna óhappa í brautinni eða þegar verið er að draga í á milli.

Við höfum reynt að keyra keppnir eins þétt og hægt hefur verið, það er miserfitt. Fer eftir því hversu margir keppendur eru og í hversu mörgum flokkum. Það er þó langt síðan keppni hefur tekið meira en einn og hálfan tíma í keyrslu hjá okkur.

Stundum hefur keppnishaldið ekki getað byrjað á réttum tíma, en oftast stafar það af því að það vantar fleiri hendur til að vinna þau verk sem þarf að vinna við undirbúning keppninnar, uppsetningu á brautinni, skoðun og viktun ásamt fleiru sem fellur til.


Við fögnum öllum þeim sem eru til í að koma og vinna með okkur á brautinni, þá eru hugmyndir um hvernig megi gera betur líka vel þegnar.
Það þarf þó að virða við það góða starfsfólk sem hefur verið að vinna með okkur á brautinni þeirra framlag og ekki gera lítið úr því. Það eina sem er að okkar starfsfólki að mínu mati er að það er of fátt.

Title: Re: Dagskrá og fyrirkomulag í kvartmílu 2016
Post by: Gretar Franksson. on September 19, 2015, 17:04:09

Það er ekki verið að setja út á þá starfsmenn sem hafa verið að vinna við brautina eða keppnishaldið,þeir eiga hrós skilið ef þú hefur lesið póstin á undan þá kemur það fram þar. Skilur þú, það er ekki verið að setja út á þá starfsmenn sem hafa verið að vinna fyrir KK af hverju er svona mikil tilhneiging til að snúa út úr því sem er skrifað eða bara túlkað einhvern vegin. Ég er ekki einu sinni að setja út á Jón hann hefur unnið mikið fyrir KK og gert margt gott þar. Það sem ég er að meina að það eru til betri keppnistjórar en hann og ég myndi vilja hafa einn röskan reyndan keppnisstjóra til að setja meiri áræðni í keppnishaldið. Það er ekki rétt hjá þér að keppnir hafi verið alment í 1 og 1/2 tíma. Þær hafa verið allt of langdregnar, skilur þú. Samanber skilaboðin frá áhorfendum sem ég hef komið á framfæri. Þið virðist vera í einhverskonar afneitun í stað þess að finna lausn.
GF. 

Title: Re: Dagskrá og fyrirkomulag í kvartmílu 2016
Post by: Harry þór on September 19, 2015, 20:33:39

Sæl öll. Er í sumarfríi og hef verið fylgjast með þessari umræðu sem er hið besta mál. Við hljótum að vera sammála um að keppnishaldið þarf að ganga smurt fyrir sig. Til þess að það gangi smurt þurfum við að hjálpast að og rétta hönd þegar það er keppni í staðinn fyrir að fylgjast með úr fjarska og undrast seinagang. Ég mætti í allar keppnir í sumar sem keppandi í OF og ég sá um að flagga styrktaraðilum, ég sá um að koma vigtum í pitt í einni keppni, bara vegna þess að staff var ekki nóg. Ég er sammála Grétari að keppnir geta gengið mun hraðar og ég hef viðrað þær hugmyndir oftar enn einu sinni.
Ég er ekki sammála því að skrifa þetta bara á Jón Bjarna sem mér finnst að hafi unnið mjög vel sem keppnisstjóri. Í svona stórum og flottum klúbb er alveg furðulegt að öll vinna skuli bitna á þeim sem veljast í stjórn. Við sem erum ekki að keppa hverju sinni og eru að drepast úr kvartmíludellu eiga bara hundskast til hjálpa til við keppnishald þegar menn eru ekki í keppnisstuði.

Mbk frá Croatiu
Harry þór

Title: Re: Dagskrá og fyrirkomulag í kvartmílu 2016
Post by: Charon on September 21, 2015, 17:56:20

Sæl öll sömul sem eru að fylgjast með þessari umræðu, langar mig að legga mín grömm á vogarskálarnar í þessari umræðu.

Til að byrja með langar mig að viðra mína skoðun á upprunalegri spurningu þessa þráðar, keppnishald komandi tímabils.
Dagatalið lýtur vel út, þokkalega dreift yfir sumarið, en er ekki soldið bjartsýni að halda fyrsta mót í lok apríl? En sökum þess að það er einungis bikarmót er lítið mál að fella það út af dagatali ef ekki verður farið að vora nóg til þess að keyra það.

Mér lýst ágætlega á þá hugmynd að keyra Íslandsmeistara mótin í "secon chance" fyrirkomulagi, það fjölgar ferðum keppenda og veitir mönnum líka möguleika á því að keyra á móti fleyri andstæðingum sem þeir myndu ekki fá ef þeir detta út í fyrstu umferð eins og fyrirkomu lagið er núna. Einnig myndi það lengja keppnir sem mér persónulega þykja vera fjári stuttar undanfarin ár (kem nánar að því máli síðar.)

Mig langar ekki að sjá Bracket detta út úr íslandsmeistara mótinu, þó svo að ég hafi ekki haft tækifæri til að keppa undan farin ár sökum vinnu, þá hafði ég huxað mér að gera aðra tilraun til keppni á næstkomandi tímabili og veit ég um annann mann sem er áhugasamur að koma og keppa á móti mér í bracket (og þá vantar bara einn til að keppnin sé gild til Íslandsmeistara).
Ég veit að mörgum þykir ekki spennandi að horfa á hægfara bíla í braut, og jafnvel ruglandi fyrir nýja áhorfendur að horfa á bracket (þar komum við að þörf á góðum og líflegum kynni) en eins og ég skil uppsetninguna á Bracket flokknum þá er hann hugsaður fyrir menn á mínu caliberi (hægfara) og þar byrjar fólk, það er lýtt spennandi fyrir nýja aðila að koma inn í nýtt sport bara til að prófa að keppa ef það á ekki einu sinni möguleika á því að vera með í baráttunni um að vinna og því hentar bracket vel. Allaveganna í hvert skipti sem fólk spyr mig út í kvartmílu og hvað þarf til að byrja að keppa þá útskýri ég bracket og fólk er áhugafullt, hefur ekki skilað neinum nýjum keppendum enþá, en umræður og kynning er fyrsta skrefið.

KOTS þykir mér hafa soldið tapað tengingunni við götnua, Allt eldsneiti, öll dekk og skránnig ekki skylda, þar þykir mér vera lítil tengin við konung götunar.
Mér lýst vel á að skoða þá hugmynd sem kom upp fyrir nokkrum árum og Maggi minntist á hér framan í þræðinum að byrja keppnina á bensín stöð og keyra bílana svo uppá braut, það er að sjálfsögðu fyrirkomulag sem þyrfti að fullmóta og útfæra en skemmtileg hugmynd eingu að síður. Hvað varðar 1/8 vs. 1/4 þá er ég sjálfur hrifnari af 1/4 því mér finnst hreinræktaðir götubílar vera ökutæki sem fólk miklar ekki fyrir sér að skella sér á rúntinn eða kíkja í næsta bæjarfélag á og svo mæta í keppni á, og slíkir bílar oftar en ekki (þó ekki alltaf) eru nú þó nokkuð hátt drifaðir og taka ílla af stað á línunni en skila sínu mesta þegar komið er framm yfir 1/8. Pro Tree virðist auka stressstuðulinn hjá sumum keppendum og gerir keppni því meira spennandi, og má svo sem alveg færa rök með og á móti því að það eigi heima í þessari keppni. En skemmtilegt að hafa Pro Tree í KOTS til að greina hana soldið frá æIslandsmeistara mótinu.

Um keppnisfyrirkomulag OF ætla ég bara að segja það að mér þykir skemmtilegra að fylgjast með keppnum eftir að því var fækkað í 1 ferð til sigurs, því þá þarf síður að bíða eftir kælitíma OF bíla og jafnvel ekki 15 mínútna bið eftir úrslita ferð í OF eftir að keyrslu á keppni lýkur að örðu leiti eins og var æ oft áður en þessu var breytt.

Mér lýst ílla á þá hugmynd að breyta úr Íslandsmeistara mótaröðinni niður í eina keppni og eina keppni eingöngu til Íslandsmeistara. Jú það er þó nokkur bynding að vilja keppa í öllum keppnum til þess reyna að vinna sér inn titil, en þegar titillinn er kominn í hús, þá er viðkomandi Íslandsmeistari það tiltekna ár, þ.e.a.s. bestur (eða heppnastur) á landinu í sínu tiltekna sporti/flokk og því fylgir vina, peningar (mis mikklir), og vilji til árangurs. Það er að sjálfsöguðu auðvelt fyrir mig sem hef ekki enn keppt heilt tímabil, að sitja hér og tala um þetta mál til margra sem hafa keppt í sportinu í ára raðir og sýnt mikkla vinnu, mikla peninga, miklar fórnir og mikinn vilja til að reyna að ná sínu markmiði og jafnvel reynt og/eða náð titli, en hér erum við að skiptast á skoðunum og þetta er mín.

Og svo að lokum sko ég snúi mér nú að því sem virðist hafa orðið mál málanna í þessum þræði, keppnishald, keppendafjöldi, starfsmanna fjöldi og frammistaða og samhengið milli þessa þátta.
Heillt yfir litið þykir mér keppnishald hafa gengið vel fyrir sig þar sem ég hef séð til bæði sem starfsmaður á brautinni og sem áhorfandi.

Að sjálfsögðu er ekkert fullkomið í þessum heimi, en hvað varðar tíma sem tekur að keyra keppni þykir mér það hafa gengið vel fyrir sig. Við viljum held ég öll alltaf sjá bíla í braut, en það er einfaldlega ekki alltaf möguleiki meðan keppendur eru ekki fleyri, því þegar flokkar eru orðnir fáir og komið er í undan úrslit eða úrslit, þá er t.d. verið að bíða eftir því að bílar komi niður til baka brautina áður en sennt er í næstu ferð, því það gengur vel og hratt fyrir sig að koma bílum af stað í braut þegar þeir eru komnir í ramp.

Ekki má gleyma lið keppenda í þessu máli því ég hef sjálfur verið í pittnum, af og til kemur fyrir að keppendur eru ekki tilbúnir þegar að þeim kemur þó svo að þeir séu búnir að fá viðvörun um að stutt sé í þá, tekið skal framm að þau tilfeli eru frekar undantekkning  og heillt yfirlitið eru keppendur vel undirbúnir og sýna skjót viðbrögð þegar þeir eru beðnir um að fara í ramp. Oftast eru menn að reyna að kæla bílana eða gera smávægilegar breytingar á stillingum milli ferða, og eru það atriði sem mætti ræða í þræði útaf fyrir sig en staðreyndin er sú að vélar, skiptingar, gírkassa og drif hitna öll í þessum átökum sem eru að keyra kvartmílu, og þegar komið er upp í kraftmeiri bílana þá fer orðið erfitt að keyra þá margar ferðir í beit áður en hiti fer að verða vandamál, og þá er ég ekki að tala um OF bíla, og hefur kppendafjöldi bein áhrif á þetta hita mál.

Keppenda fjöldi er mál útaffyrir sig sem menn hafa skeggrætt undanfarin ár og hvað gera megi til að fjölga iðkendum, ég er ekki með svarið við þeyrri spurningu þó svo ég glaður vildi.
En eins og Maggi benti hér á að réttilega meiga menn vera ánægðir með og stolltir af þeim félagsmönnum sem eru mjög duglegir að iðka sportið en á sama tíma, þá myndi það gera keppnishald ánægjulegra fyrir flest alla ef keppendafjöldi væri meiri.

Grétar þú talar um þá bið sem er fyrir keppendur frá því þeir mæta á svæðið og þar til þeir fara heim að kvöldi, jú þarna er nokkuð um bið en ekki þykir mér það óeðlilegt, ég hef líka prófað að keppa á akureyri í götuspyrnu og sandi og málið var eins þar. Pittur opnar á sama tíma fyrir alla keppendur, það þarf að skrá alla keppendur inn, það þarf að skoða alla keppendur, það þarf að vigta OF bíla og það þarf að setja brautina upp. Allt þetta tekur tíma og það fáa starfsfólk sem á brautinni er gerir sitt besta til að láta þetta taka sem styðstann tíma, því þetta er ekki sá tími dags sem það hefur messt gaman af, það vill líka ljúka þessu sem fyrst af, því það vill sjá keppnina sjálfa eiga sér stað því það er það sem allir eru komnir til að sjá og vera partur af, og starfsfólkið líka.

Ég vona að ég hafi ekki móðgað marga og vona að þessar umræður sem hér eiga sér stað eigi eftir að skila okkur flyri keppendum, fleyri keppnum og ánægðari áhorfendum, keppendum og starfsfólki í frammtíðinni.

Með kvartmílu kveðju
Páll Straumberg

Title: Re: Dagskrá og fyrirkomulag í kvartmílu 2016
Post by: ÁmK Racing on September 23, 2015, 14:41:14

Sælir félagar eftir að hafa rúllað um þennan þráð að þá er hann löngu kominn út fyrir upprunnalega málið.Hann átti að snúast um fyrikomulag í keppnum 2016 ekki keppnishald ársins 2015 sem var með ágætum.En mér hefur sýnst svona síðustu ár að áhugi á þessu blessaða íslandsmeistara móti vera að dvína og spurningin er hvað skal gera?Það eru sjálfsagt alveg rosalega margar ástæður fyrir því og er þetta nú einu sinn þannig að hver hefur þetta eftir sínu nefi og sínum bauk því að við vitum allir sem höfum og erum að brasa í þessu að þetta er ekki ódýrt og þarf ekki mikið til að slá menn út af laginu eins og dæmi hafa sannað.En það hefur lengi verið mikil hræðsla í okkar félagi að prufa eitthvað nýtt stíg ú fyrir ramman og hefur það fylgt þessu félagi alveg síðan ég byrjaði í þessu og þessu þarf að snúa við.Við þurfum allir að vera meira til í eitthvað nýtt.Nærtækt dæmi er King of the Street í sumar þetta fór greinilega fyrir brjóstið á mörgum að menn skyldu voga sér að stytta þetta í 1/8.Mér fannst þetta brillijant og ætla vona að þessu verði aldrei breytt til baka.Mín skoðun er sú að það eigi að keppa meira í 1/8 pro tree og reyna aðeins að grafa þenna 1/4 mílu draug sem virðist hanga voða sterkt yfir okkar flotta félagi.Með bestu kveðju Árni Kjartans

Title: Re: Dagskrá og fyrirkomulag í kvartmílu 2016
Post by: 1965 Chevy II on September 24, 2015, 09:53:57

Hafa KOTS eins og hún var áður, pro tree 1/4, pump gas etc, bæta við keppni með þessu fyrirkomulagi sem var keyrt í ár sem öðru bikarmóti, eitthvað fyrir alla og fróðlegt að sjá hvort mótið fær meiri aðsókn  8-)

Að öðru eins og áður hefur komið fram er aflið í tækjunum og götubílunum sérstaklega orðið mun meira en áður var og 3500+ lbs tæki sem er að keyra 10sek ferðir eða jafnvel fljótar
mun hitna og það verulega.

Td sauð vatnið bæði hjá Gæa og Danna um daginn þegar þeir fór tvær ferðir í beit, ekki boðlegt og þarf að laga.... helst með fleirri keppendum  8-)

Með svona fáa keppendur eins og hefur verið mætti örugglega stytta viðveruna upp á braut fyrir keppendur og staff, seinka mætingartíma, byrja keppni kl 13:00
Um að gera að láta mætingarfrest ráðast af keppendafjölda.

Vonandi verða mun fleirri keppendur á næsta ári, undirritaður stefnir allavega á að taka þátt í nokkrum keppnum.

Title: Re: Dagskrá og fyrirkomulag í kvartmílu 2016
Post by: GSX-R on September 24, 2015, 20:49:26

Hvernig er þetta með tryggingarviðaukan,er hann mögulega að fæla frá?
Hef verið að skoða síðuna hjá Santa pod http://www.rwyb.co.uk/index.php (http://www.rwyb.co.uk/index.php) samkvæmt henni borgarðu og þú færð að keyra.
Kv Þórður.

Title: Re: Dagskrá og fyrirkomulag í kvartmílu 2016
Post by: 1965 Chevy II on September 25, 2015, 08:24:05

Hann fælir frá, það er mjög misjafnt hvernig tryggingafélög tækla hvert tilfelli og jafnvel bara munur á milli starfsmanna innan tryggingafélagana.

Yngri kynslóðin á örugglega erfiðara með að fá viðauka og þurfa þá jafnvel að vera borga aukalega fyrir hann, þessi viðauki er æxli sem þarf að losna við.

Title: Re: Dagskrá og fyrirkomulag í kvartmílu 2016
Post by: SPRSNK on September 30, 2015, 00:23:18

Miðvikudaginn 7. október verður haldinn félagsfundur í félagsheimilinu okkar á Kvartmílubrautinni.
 Húsið opnar kl. 20:00 og dagskrá hefst kl. 20:30

 Á fundinum verður farið yfir:
 Keppnisfyrirkomulag í kvartmílu árið 2016.
 Staða á akstursbrautinni og umhverfi hennar.
 Aðrar keppnir árið 2016.
 Keppnisdagatal KK árið 2016
 Önnur mál.

 Kaffi og vöfflur í boði klúbbsins

https://www.facebook.com/events/418353435032389/ (https://www.facebook.com/events/418353435032389/)

Title: Re: Dagskrá og fyrirkomulag í kvartmílu 2016
Post by: SPRSNK on October 07, 2015, 02:25:13

Tillögur stjórnar sem farið verður yfir á félagsfundi miðvikudaginn 7. október 2015 kl. 20:00

Stjórn klúbbsins leggur til að keppnisfyrirkomulag í kvartmílu árið 2016 verði eftirfarandi:

Íslandsmót í kvartmílu verði þrjú mót, engar breytingar á flokkum en keyrt verði eftir "second chance" fyrirkomulagi í öllum flokkum nema OF, sem verði óbreytt
- keppnisdagar 14. maí, 23. júlí og 13. ágúst.

Bikarmót/brautardagar verði með mismunandi keppnisfyrirkomulagi:
30. apríl - 1/8 míla Pro Tree - sömu flokkar og í KOTS í sumar
4-5. júní Afmælishátíð 1/4 míla Full tree - Brautardagur - sýning - Muscle Car dagur
24. júní - 1/4 míla Full Tree - Import vs. V8 (kvöldkeppni)
8.-10. júlí - KOTS 1/8 míla Pro Tree og 1/4 míla Full Tree Einn flokkur bíla og hjóla
17. sept. - 1/4 míla Full Tree - Metadagur - keppni við sinn besta tíma
Þá verður haldinn mótorhjóladagur MSÍ en dagsetning er óákveðin.

Stjórn klúbbsins leggur til keppnir í öðrum keppnisgreinum árið 2016 sbr. neðangreint:

Drift
 Klúbburinn hyggst halda tvö íslandsmót í drifti - keppnisdagar verði 16. júlí (kvöldkeppni) og 27. ágúst.
 Þá verði bikarmót/sýning á afmælishátíð klúbbsins 4.-5. júní.
Time attack - hringakstur
 Klúbburinn hyggst halda þrjár keppnir í brautarakstri svokallað "Time attack". Keppnisdagar verði 16. apríl, 9. júlí og 27. ágúst.
Auto-X
 Klúbburinn hyggst halda eina keppni í Auto-X þann 9. júlí.

Aðrir brautardagar og æfingar verða skipulagðar þegar sumarið nálgast.

Title: Re: Dagskrá og fyrirkomulag í kvartmílu 2016
Post by: SPRSNK on October 07, 2015, 02:35:08

Stjórn klúbbsins leggur til breytingar á KING of the STREET á árinu 2016.

Keppnin verði þriggja daga keppni frá föstudegi til sunnudags.
Keppt verði í 1/8 mílu, 1/4 mílu, Hringakstri/Time attack og Auto-X - einn flokkur bíla og einn flokkur mótorhjóla.
Veitt verða stig fyrir hverja keppni fyrir sig, jafnmörg heildarstig fyrir hverja grein fyrir sig en stig verði veitt með eftirtöldum hætti:
Í 1/8 mílu og 1/4 mílu þar verða veitt stig fyrir viðbragðstíma, 60 fet tíma, 1/8 tíma og 1/4 tíma.
Í hringakstri og Auto-X verða veitt stig fyrir besta tíma í ferð og besta meðaltíma þrigga bestu ferða.
Allir fá stig og fer stigafjöldi eftir fjölda keppenda (ekki búið að útfæra endanlega).
Aukastig veitt fyrir að taka þátt í öllum greinum og jafnvel eitthvað fleira!

Verðlaun veitt fyrir þrjú efstu sætin í hverri keppnisgrein fyrir sig.

King of the Street verður sá sem fær flest stig samtals.

Title: Re: Dagskrá og fyrirkomulag í kvartmílu 2016
Post by: SPRSNK on October 07, 2015, 03:07:24

Stjórn klúbbsins leggur til neðangreint keppnisdagatal árið 2016:

16.04.2016	Hringakstur/Time attack	Bikarmót
30.04.2016	1/8 míla	Bikarmót	Pro Tree/Second Chance
14.05.2016	Kvartmíla	Íslandsmót	Full Tree/Second Chance nema OF
04.-05.06.2016	Afmælishátíð KK	Brautardagur	Kvartmíla/Drift/Muscle Car dagur
24.06.2016	Kvartmíla	Bikarmót	Import vs. USA V8 / Kvöldkeppni
08.07.2016	KOTS 1/8 míla	Bikarmót	Pro Tree/Second Chance
09.07.2016	KOTS Hringakstur/Time attack	Bikarmót
09.07.2016	KOTS Auto-X	Bikarmót
10.07.2016	KOTS Kvartmíla	Bikarmót	Full Tree/Sportsman Ladder
15.07.2016	Drift	Íslandsmót	Kvöldkeppni
23.07.2016	Kvartmíla	Íslandsmót	Full Tree/Second Chance nema OF
13.08.2016	Kvartmíla	Íslandsmót	Full Tree/Second Chance nema OF
27.08.2016	Drift	Íslandsmót
27.08.2016	Hringakstur/Time attack	Bikarmót
17.09.2016	Kvartmíla	Brautardagur	Lokamót - Metadagur

Title: Re: Dagskrá og fyrirkomulag í kvartmílu 2016
Post by: Kristján Skjóldal on October 07, 2015, 17:08:10

sælir. hvernig er það er búið að skoða hvort td sandur og torfæra hitti á sömu helgar :?:

Title: Re: Dagskrá og fyrirkomulag í kvartmílu 2016
Post by: Lindemann on October 08, 2015, 16:06:04

Nei það er ekki búið að skoða það, enda ekki allir klúbbar búnir að skila inn sínum hugmyndum af keppnisdagatali.

Klúbbarnir skila inn sínum óskum um dagsetningar og svo verður farið yfir mögulega árekstra í framhaldinu.

Title: Re: Dagskrá og fyrirkomulag í kvartmílu 2016
Post by: Harry þór on October 08, 2015, 16:31:09

Flott og metnaðarfullt keppnisplan. Vonandi að við getum unnið að þessu öll saman í sátt og samlyndi.Munum að sá sem nær besta tímanum og mesta hraðanum er kóngurinn það árið ekki satt?

Mbk Harry þór

Title: Re: Dagskrá og fyrirkomulag í kvartmílu 2016
Post by: Kristján Skjóldal on October 08, 2015, 21:18:20

 =D> =D> =D> =D> =D> =D>

Title: Re: Dagskrá og fyrirkomulag í kvartmílu 2016
Post by: Kristján F on October 09, 2015, 18:59:21

Flott dagskrá fyrir næsta ár. Fullt af alskonar keppnum  =D>

Title: Re: Dagskrá og fyrirkomulag í kvartmílu 2016
Post by: Hr.Cummins on November 03, 2015, 20:51:23

Er heavy ánægður með þetta...

Væri til í að sjá eina Drift keppni í viðbót samt :D