Sælir félagar.

Ég var beðinn að koma því á framfæri að það er búið að breyta um stað á Fimmtudagsrúntinum.
Planið hjá Aktu-Taktu við Stekkjabakka er hreinlega of lítið og ætla menn því að hittast á GARÐATORGI í Garðabæ næsta Fimmtudag þann 5-5 Kl 20:00.
Sjáumst.

Sælir félagar


Fyrir það fyrsta;   Ég fékk ekki að fara inn á planið hjá Eimskip til að skoða þennan bíl
Hitt er annað mál að ég tók myndina af bílnum sem er hér á netinu, og verð að byðjast afsökunar á gæðunum þar sem hún var tekin í grenjandi rigninu upp við Kleppsspítala með öflugri linsu.
Hitt vissi ég að bíllinn var á koppum þar sem ég hef séð svona hjólkoppa áður (eitt það ljótasta sem ég hef séð) og ég veit að þeir fást keyptir hjá öllum þeim sem selja varahluti í Mustang og Shelby.
Þessir koppar eiga að vera eftirlíking af "Torqu Thrush" felgunum sem eldri bíllinn var á (Bjakk).   Ekki felgurnar heldur kopparnir
Hvað varðar framleiðslutölurnar þá er smá spuring með túlkun.
Ég hef líka séð þessar tölu um að 933 bílar hafi verið framleiddir, og á sama stað þar stóð að margir teldu að GT500 bílar sem framleiddir voru eftir mitt ár 1968 og voru skráðir 68 árgerð, hefðu allir verið KR bílar en það hækkar að sjálfsögðu töluna ef rétt er.
Það breytir hinns vegar engu um hversu spes þessi bíll er.
Ég var nú reyndar ekki meira viss um koppana en það að ég hringdi í Guðmund Kjartans, sem er manna fróðastur um þessa bíla og spurði hann um þetta og líka um uppgefin hestöfl á vélunum.
Hann hélt að Shelby hefði jafnvel auglýst vélarnar í KR bílnum 350-360hö en var ekki viss, en það er alveg á hreinu að 335hö er talan sem Ford gaf upp sem hestöfl á þessum vélum hvort sem það er raunverulegt eða ekki.
Varðandi greinina á fornbill.is, þá er sýnilegt að þar hefur ekki verið vandað til um heimildaöflun, þó að það sé tiltölulega auðvelt þegar um Mustang eða Shelby er að ræða.
Það er mikið af fróðleiksmolum í henni en líka mikið um hreinar rangfærslur þó að það kannski eigi betur við að kalla það villur.
Ég vona bara að við fáum að sjá þennan bíl sem mest á rúntinum um ókomin ár og óska eigandanum til hamingju.
(Ég vona bara að það sé rétt með hinn 68 Shelby-inn sem sagt er að sé GT350 og sé á leiðinni til landsins)

Sælir félagar.

Ég sé að sumir vilja meina að eftir því sem vélar eru stærri þá sé erfiðara að ná úr úr þeim hestöflum (erum að tala um NA vélar ekki satt).
Það sagði einhver vitringur einu sinni "horsepower are nice bud torue wins races".
Stærri mótorar meira torque, lægri snúningur minna viðhald.
Það var verið að nefna Formula 1, en skoðið Belmondo liðið í GT kappakstri, þegar þeir skiptu frá að mig minnir úr Lister yfir í Viper þá gátu þeir sparað þriggja ára áætluð útgjöld í mótora vegna þess að Mótorinn í Viper var mörgum lítrum stærri en í Lister og framleiddi afl á lægri snúning sem þýðir minna slit og minna viðhald . .
Skoðið þessa síðu hjá manninum sem fær afl út úr stóru mótorunum.
http://www.jonkaaseracingengines.com/
Stórfróðleg síða að lesa.
Já ég er mikill aðdáandi stórra mótora.

Sælir félagar.
Og gleðilega hátíð.


Hér er mynd af Cuda 340 4. gíra sem var tekin vorið 1981.
Ég held örugglega að Haukur Helgason ökukennari með meiru hafi átt bílinn þarna.

Sælir félagar.  

Já það væri vonandi að þetta væri svona auðvelt með Íslandsmetið í standard.
En þar sem við kepptum eftir NHRA reglum verðum við að fara eftir þeim og reikna tímana miðað við index.
Indexið er reiknað út frá hestaflatölu (hestöfl uppgefin af NHRA) og þyngd bíls.
Chevelle -an hans Þrastar með 454LS6 færi í A/SA flokk ( A Stock Automatic) með indexið 11,30sek.
GTX hans Óla fer hinns vegar í B/SA flokk (B Stock Automatic) með indexið 11,55.
Þetta þýðir það að ef við gefum okkur óbryttar forsendur þá er Þröstur 1,20sek frá sínu Indexi en Óli 0,99sek frá sínu, sem þýðir að Óli ætti metið ennþá þó að Þröstur hafi farið á betri tíma
Þröstur þyrfti að ná 12,28sek til að ná Íslandsmetinu í standard flokki.
Það er hinns vegar annað að eftir þrjú ár er farið að uppreikna metið ef það stendur ennþá um 0,05sek á ári og síðan þurkast það út eftir nokkur að mig minnir 10ár.
Annars er allt um þetta inn á http://www.nhra.com/tech_specs/classification/index.html
og http://www.nhra.com/stats/indexes_stk.html
og meiri lesning líka á http://www.nhra.com
Síðan verður maður líka að hafa reglubókina við hendina til að finna út undirflokkana.

Oft gaman að spá í þetta.

Sæll Alpina.

Ég sá að þú hefur lesið þessa grein eftir hann "Jón G" á Fornbílaspjallinu.
Ég sá þessa grein líka fyrir nokkrum vikum og gerði þegar í stað athugasemd við hana, þar sem Jón virðist ekki vera með allar staðreyndir á hreinu
Þetta sá ég strax hvað minn bíl varðar og jafnvel gaf hann upp vitlausa heimsíðu á mig (sem ég lét leiðrétta).
En hvað um það.
Eftir þeim heimildum sem ég hef þá var þessi Challenger sem hann er að tala um til (heyrði reyndar einnig að þetta væri Cuda   ).
Hann var á Keflavíkurflugvelli í eigu Bandaríkjamanns eins og reyndar Boss 429 Mustang-inn sem var hér líka.
Ég veit ekki um lit né annað á þessum bílum en það er að mér sýnist nokkuð öruggt að þeir gistu landið í einhvern tíma áður en þeir fóru út aftur.

Það er rétt hjá þér að það eru tvær aðrar 426cid Hemi vélar á landinu, önnur í 1967 GTX og hin hjá Gulla Emils á Flúðum.
Síðan hef ég heyrt að Jónas Karl bílamálari eigi eina en það er óstaðfest og sel ég það ekki dýrara en ég keypti.

Vona að þetta varpi ljósi á eitthvað.

Sælir félagar.

Sæll Maggi.

Með "Fuel sellurnar", þá getur þú notað "original" bensíndælu.
Sellan er lögleg í skottinu á götubíl samkvæmt okkar reglum og er æskileg ef að bíll fer niður fyrir 11,99sek.
þú skalt líta á reglusíðuna okkar og skoða þar aðalreglur(general regulation) þar sem sýnt er hverng löleg festing er á sellurnar.
Það gildir einu hvort það er rafgeymir í skottinu eða ekki, hann ætti hinns vegar að vera í þar til gerðu boxi.
Hinns vegar þarf að setja eldvegg (firewall) milli farangursrýmis og ökumannsklefa ef þessi búnaður er notaður.
það er hægt að fá sellur sem eru með leiðslu fyrir bensín áfyllingu utan frá þannig að ekki þarf að opna skottið til að taka bensín. http://www.jazproducts.com/index2.htm
Þá hef ég líka séð þá útfærsli á sellu, að það er útbúin eins konar "skúffa" þar sem "original" tankurinn var og sellan sett ofan í þessa skúffu og síðan skrúfað lok yfir   .
Hvað varðar bensíntaka í bíla þá hefur sá sem á Vatnskassalagerinn verið að flytja inn tanka, ég veit um einn sem keypti tank í 1972 Chevelle þar.

Hvað varðar "muscle cars" þá er ég að mestu sammála Harry utan það að mér finnst sem sumir "smallblock" bílar eigi heima í þessum flokki líka.
Þá er ég að tala um sérstakar útfærslur af "smallablock" bílum, og að sama skapi finnst mér ekki að allir "bigblock"bílar sem framleiddir hafa verið passa í þennan "klassa".

En annars USA bílar frá og með 1960 til og með 1974, með stórar (big inch) vélar og/eða sumar útfærslur af smallblock.
Þetta er reyndar efni í langa grein ekki satt .

Sælir félagar.

Nú þegar bracket æðið er runnið á menn þá finnst mér sjálfsagt að aðrir flokkar séu kynntir líka.
Ekki misskilja “bracket” eða “ET racing” er mjög sniðugt keppnisform, en á að mér finnst heima í keppnum sem eru keyrðar á öðrum tímum en þar sem bílar eru látnir starta á jöfnu.
Það að keyra “bracket” keppnar á föstudagskvöldum er annað mál, þarna er að vísu verið að taka af okkur æfingakvöld og breyta þeim í keppni.
Hvenær eiga menn að æfa sig, og er þetta ekki farið að bitna á Íslandsmeistaramótinu?
Það er mikið talað um að ekki sé nógu mikið af fólki til að geta haldið utan um æfingar (mikið til í því), og í sömu settningu er verið að tala um hvað mannvirkið (brautin) sé vannýtt.
Hvoru tveggja er rétt, en við erum ekki að nýta brautina betur með því að taka af eina tímann sem menn hafa til að æfa sig og setja þar keppni í staðinn!
Nú koma margir til að segja:  já en það er æfing á undan keppninni.
Þá kem ég með til baka, hvað eru margir mættir á tímanum 19-20, og ef að menn eru að gera breytingar og/eða eru að stilla og fleira þá endast ekki þessir tveir til þrír tímar til þess að prófa og stilla, sem síðan kannski þarf að endurtaka aftur og aftur.
Það er nú ekki eins og við höfum 12 mánuði á ári til að gera þetta, við teljumst góðir að ná fjórum mánuðum, og erum í skýjunum með fimm mánuði.   Föstudagskvöldin eru hinns vegar ekki nema kannski í tvo mánuði það björt að við getum haldið æfingar/keppnir þannig að við verðum eitthvað að hliðra til og velja og hafna.
Ég verð nú að segja að ég á í vandræðum með að verja þessar bracket keppnar eftir gærkvöldið (16-7 2004), því að ég taldi 27 þátttakendur í æfinguni hverfa á braut þegar tilkynnt var um byrjun á bracket keppni, og alls voru mættir 47 þáttakendur í allt þetta kvöld.
Þá erum við að tala um yfir 50% hafa ekki áhuga á þessu.
Þetta vekur mann sannarlega til umhugsunar ekki satt.!!!

Við erum núna í ár að sjá mikla fækkun í keppendum sem keppa í þessum hefðbundnu flokkum, eða meiri en helmings fækkun í heildartölu keppanda.
Þar sem reglum hefur ekki verið breytt þá get ég ekki séð að þær geti verið útgangspunkturinn í þessu máli, heldur hlítur það að vera eitthvað annað.
Nú voru nýir flokkar settir inn síðasta haust og ég verð að segja svona frá mínum bæjardyrum séð þá hafa þeir liðið fyrir það hvað sterk afstaða er tekin með “bracket”keppnum og kynningu á því.
Hafa þessir nýju flokkar verið kynntir?
Ef svo er Hvar?

Það er ekki nóg að setja reglurnar inn á spjallið, þegar reglusíðan er ekki einu sinni uppfærð.
Hvernig væri nú að gera þessum flokkum jafn hátt undir höfði og “bracket” flokkum og setja upp keppnar með þá eingöngu og gefa peningaverðlaun fyrir sigur í þeim!?!
Ég bara spyr.
Á ekki eitt yfir allt að ganga?????

Hvað varðar hina gömlu flokkana þá held ég að það sé komin upp gömul “Gríla”, sem sagt “þjóðsögurnar” um bíla sem eiga að steikja allt og baka, og “reimleikar” um aðra sem voru og eru ekki meir eða séu á leiðinni en aldrei koma.

Skoðum nú málið:

RS flokkur:   Impreza 555 Gríðarlega öflugur bíll, svo öflugur að kúpling fór í síðustu   keppni, hinn bíllinn SAAB Turbo, mikið afl já og of mikið fyrir kúplinguna og hún gafst upp!!!
Hvað er þá eftir jú fullt af bílum sem hefðu getað barist um sigur í þessum flokki.


GT flokkur:   Corvette 350 með forþjöppu, sama sagan fyrsta árið á algerlega eftir að setja bílinn upp og prófa, bilanir á bilanir ofan og þarf að fá allt til að vinna saman mjög eðlilegt.
Það þarf oft upp í tvö sumur (stutt hjá okkur) til að svona bílar geri það sem þeir eiga að gera.  
Steini á eftir að gera það gott þegar bíllinn er orðinn eins og hann á að vera.
Hvað er þá eftir í GT flokki?
Það eru allir hinir bílarnir sem ekki passa í  RS flokkinn með V8 og tölvukubba, V6 Turbo og innspýtingar, 4 cyl turbo ofl.........
Sem sagt tugir bíla sem eiga séns í þennan flokk eins og staðan er í dag.

MC flokkur:   Hér hefur verið mætt og sem stendur er einn keppandi sem einokar flokkinn en ég hef allavega ekki heyrt neina uppgjöf í öðrum keppendum.
Ég tek ofan fyrir keppendum í MC og þeirra þrautsegju.

SE flokkur:   Þarna svo sem var ekki um svo mjög mikla breytingu að ræða, og persónuleg hélt ég strax í fyrra að SE flokkurinn yrði í vissri tilvistarkreppu í sumar.
Það var hinns vegar tilvistarkreppa af öðrum orsökum en ég gat ímyndað mér sem er að hrjá flokkin.   Ég hélt að “True Street” flokkurinn myndi verða sterkur og taka frá SE; MC; og GT flokkum en svo varð ekki.
Það eru til bílar í SE flokkinn og ég skora á þá sem fyrir eru að taka fram nítró brúsann og mæta í “True Street” því að margir bílar sem til eru í dag myndu geta veitt Gísla á Challenger-num keppni með bláu flöskuni.

GF flokkur:   Kannski sá flokkur sem maður gerði engar sérstakar væntingar til í sumar, þarna voru bílar sem hefðu getað farið bæði í “Outlaw” og “Pro Street” þannig að GF flokkurinn hefði kannski getað verið opinn á eftir og komið á óvart.
Þarna er það sama og með SE flokk, Upp með nítróið og mætið!!!!!!!!!!!!!!!!!.

Þá eru það “leyniflokkarnir” okkar.:

Milde Street;  True Street;  Pro Street; Outlaw og CS Super Street
Þessa flokka má síðan skipta niður í gömlu flokkan eða réttara sagt þeim gömlu má skipta á þá nýju!

Skiptingin yrði þá til dæmis eftirfarandi:

Mild Street = MC-SE-GT,  True Street = MC-GT- SE-GF,   Pro Street = GF-SE-OF osf...

CS Super Street = RS-GT.

Þá er bara að fara að lesa sig til, það eru flokkar fyrir alla, og svo ef þið sjáið ekkert ljós í þessu, þá er það náttúruleg já hvað annað “bracket”.

Ég skora á alla sem standa að keppnunum og stjórn klúbbsins að gera öllum keppnisflokkum jafn hátt undir höfði með jafn góðri kynningu sem nær til allra flokka.  

Ég skora líka á alla þá sem eiga skemmtilega og aflmikla bíla bæði nýja og gamla að skoða flokkana og sjá hvar þeir passa inn í og mæta síðan til keppni.
Það er enginn orðinn Íslandsmeistari fyrirfram.  
Við hljótum samt að auglýsa eftir þeim sem langar til að verða það
Það er heldur enginn búinn að vinna keppnir fyrifram eins og dæmin hafa marg oft sýnt.
Látum þess vegna ekki “þjóðsögur” um ósigrandi “Tröll” og “Drauga” fortíðar glepja okkur og hræða frá því að gera það sem er skemmtilegt.
Mætum öll og höfum gaman af.

Sæll Kiddi.

Sorry þetta var smá innsláttarvilla hjá mér.
þetta er að sjálfsögðu 10.00-11,99sek.

Sælir félagar.

Hér er hægt að sjá reglur fyrir OSCA flokkana sem teknir voru inn (fyrir utan outlaw street).
ATH Íslenska þýðingin var gerð í fljótheitum og það eru villur í henni svo endileg lesið Enska textann.

http://www.kvartmila.is/images/osca-reglur-thyding.doc


P.S.
Þetta er nú eiginleg vitlaus þráður fyrir þetta.