Kvartmílan => Fréttir & Tilkynningar => Topic started by: SPRSNK on May 03, 2016, 16:26:17
-
Fyrsta AUTO-X æfing Kvartmíluklúbbsins sumarið 2016 verður haldin miðvikudagskvöldið 4. maí 2016. Byrjað verður að keyra kl 19:30 og keyrt til 22:00
Settar eru upp þrautir í brautina með keilum og jafnan er brautin þrengri og styttri en hringakstur - reynir á ökuleikini ásamt hraða - villur í braut gefa víti til hækkunar tíma !
Til að taka þátt þarftu að hafa:
Hjálm
Gilt ökuskírteini
Skoðaðan bíl
Vera félagsmaður í félagi innan vébanda AKÍS
Tryggingarviðauka
Verð:
1.500 kr. fyrir félagsmenn KK (frítt fyrir GULL félagsmenn KK)
3.000 kr fyrir félagsmenn annara klúbba
1.000 kr fyrir áhorfendur (frítt inn fyrir félagsmenn KK)
https://www.facebook.com/events/521658078038366/
-
AUTO-X eða Autocross gæti fengið heitið Bílaþrautabraut í Google Translate
Í Autocross er keppt á þrautabraut sem er afmörkuð á aksturíþróttasvæði klúbbsins með gúmmíkeilum.
Í brautinni er einn bíll í einu og er hún keyrð með það markmið að ná sem minnstum tíma.
Algeng lengd á braut er 1 – 1,5 km með um 25-50 breytingum á akstursstefnu og ætti að taka u.þ.b. 55-90 sekúndur fyltar af adrenalíninngjöf líkamans.
Hraði í braut er á bílinu 30 – 120 km/klst.
Autocross er kjörinn vettvangur fyrir bæði byrjendur og lengra komna í akstri sem samstillir færni og getu ökumanns og bíls.
Byrjandinn getur bætt ökuhæfni sína og lærir betur á bíli sinn og eiginleika hans.
Reynslumeiri ökumenn og keppendur geta nýtt kosti sína og hæfni til að reyna sig í þrautabrautinni að ystu mörkum til að lágmarka tíma bílsins og hámarka sjálfstraust sitt.
Oft eru bílar flokkaðir í keppni en hægt er að taka þátt á venjulegu bílum sem og sérsmíðuðum keppnistækjum.
Það sem þarf til að geta tekið þátt er vilji ökumanns og geta bíls.
Ökumaðurinn þarf að vera í góðu líkamlegu ástandi og bíllinn þarf að vera skoðaður eða standast lágmarksskoðun á staðnum.
Löglegur hjálmur og venjuleg bílbelti eru lágmarks öryggisbúnaður.
-
Klúbburinn þakkar þeim sem mættu og keyrðu í kvöld!
Sérstakar þakkir fá bræðurnir Björn og Birgir Kristinssynir fyrir að gera þetta mögulegt.
Gaman væri að heyra í ykkur sem viljið aðstoða klúbbinn að halda fleiri æfingar í sumar
- okkur vantar fleiri sjálfboðaliða fyrir Auto-X