Ég er í smá vandræðum með vatnsdæluna í Pontiac. 

Málið er þannig að ég hef verið að setja bílinn í gang annað slagið og ekkert vesen.
Svo fékk ég númeraplötur á miðvikudaginn og ætlaði að fara að nota bílinn en þá tók ég eftir því að það lak vatn með vatnsdælunni en ég tók ekki eftir því hvar nákvæmlega. Ég tók vatnsdæluna úr og þreif allt vel og setti síðan saman aftur. Því miður og mér til mikillar mæðu þá lekur hún ennþá.

Það sem mig langar að vita er hvort það sé möguleiki að það leki með trissuhjólinu eftir langa setu 
Ef svo er þá langar mig að vita hvort einhver á vatnsdælu í V-6 2.8L - 3.4L blöndungsvél ?

Þetta er það eina sem stoppar mig í því að nota bílinn og eru allar upplýsingar vel þegnar. 

Kann einhver að lesa út úr þessum tölum sem eru teknar af heddi á vél sem ég er með í fórum mínum.

T2
GM
476503

Ég býst við að þetta sé 2.8L vél en er ekki alveg viss og veit ekki heldur aldurinn á vélinni, ef einhver veit þá væri ég mjög þakklátur.

Félagsgjöld fyrir árið 2009 bárust því miður bara til um 1/3 félagsmanna vegna bilunar í kerfi hjá BYR.
Félagsgjöld hafa verið send út aftur og eiga bara að fara til þeirra sem voru ekki búnir að fá rukkun.
Stjórn KK tekur fram að það leggjast engin aukagjöld á þessa rukkun og það er ekki skylda að borga hana.

Kveðja gjaldkeri KK

Mig bráðvantar spacera á Pontiac Fiero.
Undir honum er 5x100 oc vantar mig einhversstaðar á milli 0.3cm og 0.5cm

Veit ekki alveg hvar á að leita að svona en N1 á allavega ekki neitt til.


Nonni S: 899-3819

TEKIÐ AF www.dragracing.is

Re: Aðalfundur KK

Postby Kiddi » Thu Jan 29, 2009 7:10 pm
Þetta snýst ekkert um einhverjar reglur... Menn eru bara orðnir dauðleyðir á því hvernig ástandið er á brautinn og hvernig flest stórmál klúbbsins eru "höndluð".. Mér sárnar það einnig hvernig hefur verið farið með peninga klúbbsins og forgangsröðun margra mála.

KR

Við í stjórn erum líka dauðleiðir á ástandinu á brautinni og erum að gera það sem til þarf. Hafnarfjarðarbær á ekki til pening en Kvartmíluklúbburinn á til helminginn í þá kostnaðarliði sem þarf til að laga brautina og færa startið aftar og verður kosið um þær framkvæmdir á aðalfundi. Ef að stjórn hefði tekið lán í sumar fyrir fullum framkvæmdum á brautinni þá værum við sennilega hátt í 80 milljóna skuld þar sem lánið hefði eflaust verið tekið í erlendum gjaldmiðli. Hvar værum við þá?

Stjórn Kvartmíluklúbbsins er kosinn til að sjá um málefni Kvartmíluklúbbsins en ekki hinn almenni félagsmaður og hefur stjórn fullt umboð til að "HÖNDLA" með stórmál klúbbsins eins og stjórn þykir best í hverju tilviki fyrir sig. Sum málefni eru oft á það viðkvæmu stigi í samningum að ekki er hægt að tala um þau á opnu spjalli. Almennur félagsmaður getur auðvitað komið sínum athugasemdum til stjórnar og er best að gera það skriflega í tölvupóst til einhvers stjórnarmanns og eru þau bréf tekinn fyrir á stjórnarfundum.

Sumum sárnar hvernig hefur verið farið með peninga klúbbsins og tala um fjármálaóreiðu og hvet ég þá félagsmenn um að kæra það eftir að hafa lesið ársskýrslu klúbbsins.
Þetta sárnar okkur mjög að heyra og þá sérstaklega vegna þess að fyrir 2 árum var klúbburinn í kr 800.000.- í mínus.
Í dag á klúbburinn nokkrar milljónir og það getur ekki verið vegna þess að ílla hefur verið farið með peninga klúbbsins.
Nánast allar framkvæmdir kringum brautarsvæðið hafa verið gefnar af velunnurum klúbbsins og starfskrafti fárra félagsmanna og hleypur sú tala á ansi mörgum milljóna sem klúbburinn hefur ekki þurft að punga út fyrir.

Þegar fólk talar um forgangsröðun þá vill það fá malbikið fyrst og allt hitt seinna.
Svona hugsun gengur ekki upp. Klúbburinn fékk framkvæmdirnar kringum brautina og þar með talið gardrail nánast frítt.
Hafnarfjarðarbær hefur ekki séð sér fært að aðstoða klúbbinn um þá fjármuni sem honum ber frá Hafnarfjarðarbæ þar sem Kvartmíluklúbburinn er íþróttafélag innan bæði ÍSÍ og ÍBH. Stjórn Kvartmíluklúbbsins er og hefur verið í leit að fjármagni til að leggja nánast nýja braut með öllu tilheyrandi en ekki tekist að fá utanaðkomandi fjármagn. Klúbburinn er loksins komið með nothæft hús sem fyrri stjórnir hafa ekkert gert til að koma í samt lag og notkun. Þessu húsi fylgja tekjumöguleikar ef rétt er haldið á spöðunum.

Einnig langar okkur að benda á að það hefur verið rætt svolítið um það meðal félagsmanna að segja sig úr KK og ganga í BA.
Ef menn halda að það lagi fjárhag klúbbsins sem er að reyna að standa aftur í uppbyggingu á kvartmílubraut sem er orðin rúmlega 30 ára þá er það alveg sjálfsagt mál. Notendur á þessari spjallsíðu hafa ekki viljað lesa rétt úr þeim orðum þegar stjórn er að segja frá hvað sé að gerast hverju sinni og túlka oft eftir sínu höfði. En allavega þá styttist í aðalfund þar sem fullgildir félagsmenn geta komið og boðið sig fram í stjórn og komið í veg fyrir þessa óreiðu.


Virðing og vinsemd
Jón Þór Bjarnason
Gjaldkeri Kvartmíluklúbbsins.

Stjórn Kvartmíluklúbbsins langar að óska eftir mönnum/konum sem er tilbúið að taka að sér að sjá um keppnishald fyrir árið 2009 semsagt keppnisstjórn. Hlutverk keppnisstjórnar verður að halda utan um allt keppnishald á vegum Kvartmíluklúbbsins og starfsmannamál. Keppnisstjórn getur verið frá 2 mönnum og upp úr.

Mörg verkefni liggja fyrir stjórn og því miður eins og félagsmenn sáu á síðasta ári þá var ekki haldið nógu vel utan um keppnishald árið 2008 meðal annars vegna mikilla anna stjórnarmanna við uppbyggingu svæðisins í kringum og við kvartmílubrautina. Stjórn Kvartmíluklúbbsins er búin að vera á nokkrum fundum bara í janúar vegna kvartmílubrautar.
Mælst er með því að þeir einstaklingar sem hafa áhuga á að taka þetta að sér mæti á aðalfund Kvartmíluklúbbsins 7. Febrúar sem verður haldið í félagsheimili kvartmíluklúbbsins.

Vinsamlegast hafið umræður á málefnalegum nótum.

Mig langar svolítið mikið til að vita hvort menn viti hvað er til af Pontiac Fiero.
Það var byrjað að framleiða þá seint á árinu 1983 og fram til 1988 semsagt árg ´84-´88
Ég er með ´84 bíl sem ég er að standsetja og ´86 bíl sem ég nota í parta en þeim bíl var búið að henda en mér tókst að fá hann rétt áður en það var mokað yfir hann.
Þetta er það eina sem ég veit að það eru til 4 bílar af 1984 árgerðinni.
Langar líka að vita hvað er til mikið af GT bílum og hvort einhverjir séu ennþá heilir.

Sælir félagar.

Mig sárvantar vélagálga sem fyrst í mest 1-2 klukkutíma.
Ég var að fá vél í Pontiacinn og næ henni ekki úr kerrunni.
Mér finnst skelfilegt að þurfa að láta vélina vera úti þar sem hún er öll upptekin og í góðu lagi.

Sælir félagar.

Ekki býr einhver svo vel að eiga viðgerðarbók yfir Pontiac Fiero sem hann/hún er ekki að nota.

Farið verður í það á allra næstu dögum að senda gíróseðla til félagsmanna með félagsgjöldum 2009.
Vill minna á að það þarf að vera búið að borga félagsgjöldin fyrir árið 2009 til að vera gjaldgengur á aðalfund KK.

Þeir sem vilja ganga í KK geta gert það með því að greiða inn á reikning og láta nafn og kennitölu sína fylgja.

Reikningsnúmerið er:
#1101-26-111199
Kennitala:
# 660990-1199
Félagsgjaldið er
7000kr.

Skýring greiðslu, nafn viðkomandi klúbbmeðlims.

Einungis meðlimir KK eða BA fá að keppa í kvartmílu, vegna trygginga.

Mörg fyrirtæki veita greiddum félagsmönnum afslátt.
http://www.kvartmila.is/smf/index.php?topic=21318.0