Til viðbótar við það sem Jói segir hér að ofan: VIN XP29G0G219866.

Err

Þessi Charger er einn merkilegasti factory Mopar sem komið hefur hingað.  VIN XP29V0G162863. Upphaflega R/T six-pack. Grænsanseraður og STÝRISSKIPTUR.  Fluttur inn um 1973.  Var fyrst í Hafnarfirði fór svo á Akranes þar sem 318 var sett í hann en 440 vélin týndist. Í apríl 1977 er hann auglýstur til sölu þá með 318 og sjálfskiptingu og powerstýri, leðurstólum, rafknúnum rúðum og sílsapústi (nema hvað). Þar er hann sagður ekinn 70.000 km. Gulli Emilss reif bílinn um 1982 og á enþá VIN plötuna.

Ég skal henda inn bílaauglýsingunni um helgina.

Err

Sæl veriði

Hér fyrir neðan eru opinber úrslit út 1. "kvartmílukeppninni sem haldin var hérlendis. Þessi keppni fór fram sunnudaginn 6. febrúar 1966 á Reykjavíkurflugvelli.  Ósagt skal látið hvort rétt er haft eftir með vegalengdina (350 m.). Málið er að mér finnst þetta mjög merkilegt framtak. Ef einhver er málkunnugur ökuþórunum eða stjórnarmönnum BKR sem nefndir eru þá væri væri nú rétt að fá punkta frá þessum frumkvöðlum og koma þeim á framfæri við okkur sem höfum gaman af sagnfræði íslensks kappaksturs.

Góðar stundir

Err

PS: Látið ykkur ekki detta í hug að hæðast að tímunum.

-------------------

Á sunnudaginn ráku vegfarendur á Hringbraut upp stór augu, því bílar þutu á ofsahraða fram og aftur um flugbrautina sem liggur í átt til Miklatorgs. Þarna hafði safnazt saman stór hópur manna, sem horfði á kappakstur hjá „Bifreiðaklúbbi Reykjavíkur."  Þarna fór fram svokallað „Dragrace",eða keppni í að koma bílunum á mikla ferð á stuttri vega lengd, aðeins 350 metrum. í Bifreiðaklúbbi Reykjavíkur eru aðallega ungir menn, sem vilja efla bifreiðasport á landinu og draga jafnframt úr óleyfilegum kappakstri á götum úti: Þeir fengu lánaða ónotaða flugbraut með leyfi flugvallarstjóra og stigu þar benzínið í botn, án neinnar áhættu fyrir umhverfið eða sjálfan sig. Þeir áætla að halda slíka keppni oftar á þessu ári.

Úrslit í keppninni í gær urðu þessi:

1. Kári Guðmundsson, Ford '56

v-8 vél, 300 hestafla: 3 ferðir, 15

sek, 14.7 sek. og 14.5 sek.

2. Ásgeir Þorvaldsson, Ford '59,

v-8. vél, 300 hestafla: 3 ferðir, 15.1

sek ,15 sek. og 14.7 sek.

• 4 •Óli Asgeirsson, Ford '56 v-8

vél 202 hestafla: 3 ferðir, 15.4 sek.

15 sek. og 15 sek.

4. Snorri Loftsson, Ford Cortina

GT, 4 cyL v-8 vél, 83 hestafla: 3

ferðir 15.5 sek., 15 sek. og 15.6 sek.

5. Sverrir Þóroddsson, Mercedes

Benz 220 SE: 1 ferð 15 sek.



Veg og vanda af keppni þessari hafði Sverrir Þóroddsson, eini kappakstursmaður landsins, ásamt stjórn B.K.R., en hana skipa m.a.Kristján Helgason formaður, Páll Gunnarsson gjaldkeri og Ásgeir Þorvaldsson ritari.

Aha frændi


Varðandi Barracuda þá er málið dálítið flókið vegna þess að hún var framleidd í tvennskonar boddíi; 1965-1969 og 1970-1974.  Ekkert boddí af 1965-1969 Barracudunum er muscle car samkvæmt STRÖNGUSTU skilgreiningum á því hugtaki en sumar Barracudur af 1970-1974 árgerðunum eru klárlega musclecars.  Þetta má rökstyðja svona:


Musclecar (íslenska: kaggi eða tryllitæki) er amerískur bíll sem er aðeins undir miðlungsstærð (miðað við ameríska bíla af sömu árgerð), með vél sem upphaflega átti að nota í stærri bíla frá sömu verksmiðju.  Dæmi um tryllitæki:  Pontiac GTO (sem talið er fyrsta tryllitækið sem kom á markað, 1964), Dodge Charger og Dodge Coronet, Plymouth GTX og Plymouth Roadrunner, Chevy Chevelle Super-Sport, Olds 442, Buick Gran Sport, Ford Fairlane GTA og Ford Torino, Mercury Comet Cyclone og AMC Rebel Machine. Tryllitækin eru næstum öll með drifi á afturöxli, en á því er þó undanteking sbr. Oldsmobile Toronado sem er framhjóladrifið tryllitæki.  Ég vek athygli á að vélarstærð og vélarafl er lykilatriði í skilgreiningunni á tryllitæki.  Þannig mundi Dodge Coronet með 318 vél ekki vera tryllitæki en Dodge Coronet af sömu árgerð með 383, 440 eða 426 er það svo sannarlega.

Þetta þýðir að Barracudur af 1970-1974 árgerðunum eru musclecars svo framarlega að þær séu með Big block vél. Barracudur af 1965-1969 árgerðunum eru hinsvegar flokkaðir sem pony cars. Pony=smáhestur eða tryppi.  Ekkert gott orð er til yfir pony car enda er það lítið notað hérlendis vegna þess að flestir telja að allir ponycars séu musclecars SEM ER RANGT.   En bein þýðing á ponycars er smáhestabíll, eða tryppatæki!    Þessir bílar eru minni og léttari en tryllitæki.  Fyrsta tryppatækið var Ford Mustang en önnur dæmi eru Chevy Camaro og Chevy Nova, Dodge GTS, Plymouth Barracuda 1965-1969, Pontiac Firebird, Mercury Cougar og AMC Javelin.  Tryppatækin geta verið alveg jafn öflug og hraðskreið og tryllitækin.  Ég er viss um að eigendur tryppatækja vilja fá betra heiti yfir þá og er þeim velkomið að koma með hugmyndir hér.

Góðar stundir, hvort sem þið eigið eða dreymið um að eiga tryllitæki eða tryppatæki.

Err

Sæll Hálfdán,

Þessi umræða hefur verið tekin hér áður:

http://www.kvartmila.is/smf/index.php?topic=16906.0

Því miður lognaðist hún út af áður en kom til ágreinings og rifrildis um hvað væri muscle car.

Góðar stundir

Err

Ef þú varst að keyra í gegnum bæinn þá er mögulegt að þú hafir verið á þjóðvegi sem ríkið sér um viðhaldið á.

Hér eru menn að dissa merkilegan Mopar en hafa ekkert fyrir því að kynna sér málið.  Hér er nefnilega um að ræða mjög merkilega tilraun sem Chrysler gerði 1963

Vélin í þessum bíl snérist 60.000 sn/mín. Hún gekk á allskonar eldsneyti, bensíni, dísel, þotueldsneyti og jafnvel jurtaolíu.   Einna best gekk hún á tequila.  Það var ekki talið að þyrfti að skipta um olíu á henni vegna þess að engar brunaagnir úr sprengirými gátu blandast vélarolíunni. Hún var nú ekki aflmikil (163 bhp) en betra tork (425 lbs./ft.). Bíllinn náði 100 km á 12 sek. Þessi vél þurfti lítið viðhald vegna þess að í henni var engin kveikja og ekkert vökvakælikerfi.  Hún framleiddi engan kolsýrling en nóg af nituroxíði sem er eiturefni. Ekki tókst að hemja þá framleiðslu og varð það öðru fremur til að gera útaf við þessa merkilegu tilraun, auk þess sem bíllinn sándaði eins og risastór ryksuga.

Err.

Þið tveir hafið nú prjónað svo oft  á Sjebbunum ykkar að það er ekki nema von að þið veltist um af hlátri.

Sæll Ingólfur


Komdu því inn í hausinn á þér í eitt skipti fyrir öll að við viljum fjölga keppendum í flokknum en eftir allt öðrum leiðum en þú ert að prédika fyrir.

Skrifaðu það í vasabókina þína að miðað við þær reglur sem við teljum skynsamlegar þá munu bílar okkar Harrys ekki verða samkeppnishæfir ef að tímarnir fara niður fyrir veltibogatíma vegna þess að veltibogar munu aldrei verða settir í þá. Þessvegna er ekki hægt að saka okkur um að vera verja eiginhagsmuni.

Mundu það svo örugglega að við teljum líklegra að eigendur Ný-tryllitækja muni frekar vilja keppa í Neo-MC flokki heldur en að eiga það á hættu að láta í minni pokann fyrir fornbílum með fornvélum.


Ásökun þín um fordóma er æðisleg og ég vænti þess að þú sért að tala hér sem reglunefndarmaður fyrir hönd KK.

Góðar stundir

Ragnar

Heyrðu Kimi, ég hvet þig og aðra til að spreyta sig á að spá fyrir 2009 vegna þess að það stóð ekki steinn yfir steini í bullinu sem kom frá mér fyrir ári síðan (sjá hér fyrir neðan brotastrikið).  Reyndar bara eitt atriði sem stóðst 100% 

Megi kynorka ykkar og bankainnistæður aukast með hækkandi sól!

Err
-------------------------------------------------------------------------------

Eins og alþjóð veit hefur Skreppur spáð mjög nákvæmlega fyrir örlögum kvartmílunnar ár eftir ár.  Spána byggir hann á að lesa í olíupolla sem myndast undir uxakerrunni hans (sem er reyndar vélarlaus).  Hér er spáin fyrir 2008:

Mynd af Jesú Kristi birtist á vatnskassahosu Camarobifreiðar þar sem hún stendur með opið húdd niðri á Stígsplani.  Hosan er samstundir rifin úr og sett á Ebay. Líflegt uppboð.  Fyrir ágóðan kaupir eigandinn Lenco kassa, sítt pils og blússu í stíl og lakkrísreimar fyrir afganginn.

Áhorfendur á kvartmílukeppni telja sig hafa tapað öllum raunveruleikatengslum þegar Aggi, Hrafnkell, Ari, Jón Geir, Eddi K., Auðunn, Jón Trausti, Jói Sæm, Valur og Fribbi skrá sig til sömu keppninnar OG MÆTA.

Tímatökukofi kvartmíluklúbbsins fýkur af undirstöðunum og út á Reykjanesbraut. Þar sem félagarnir stumra yfir honum í vegkantinum kemur þar að Svissneskur mannvinur, fulglaskoðunarmaður og milljarðamæringur sem er stop-over farþegi á Íslandi.  Honum lýst svo vel á kofann til fuglaskoðunar að hann kaupir hann á staðnum og flytur hann út.  Stjórnin kaupir tjaldvagn fyrir aurana og riggar hann upp á staurana.

Ákveðinn Oldsmobile verður ekki til sölu í janúar og febrúar.  Til sölu í mars en ekki til sölu í maí og júní.  Verður svo til sölu í júlí og fram yfir verslunarmannahelgi.  Verður ekki til sölu í september, október og nóvember.  Verður svo auglýstur í desember.......en selst ekki.

Jóhannes í Bónus fær áhuga á kvartmílu og borgar fyrir lagningu kvartmílubrautar fyrir norðan með rassvasaklinki gegn því að brautin heiti Bónusbrautin og vinstri akreinin Jóastígur, sú hægri Jónströð og bremsukaflinn Jónínusvað.
 
Fornleifar finnast undir Kvartmílubrautinni miðri.  Menntamálaráðherra bannar notkun þess hluta brautarinnar sem grafinn verður upp.  Kvartmíluliðið bjargar málum með því að keppa í 1/16 mílu.
 
Stóra Slikkatrúboðið verður fyrir áfalli þegar gamall fjögurra dyra Fury ölvagn á Maxima 60 forn-dekkjum og slant-sixara slær Íslandsmetið í SE flokki með sex manns innanborðs. Þjóðminjasafnið kaupir flekann og varðveitir sem dæmi um Icelandic ingenuity.
 
Einar Möller kvænist dóttur John Force.  "Þetta er bara sparimerkjagifting" segir Möllerinn.  Tengdapabba ekki skemmt og hótar að fá U.S. Home Office í lið mér sér að gera rectal, með gömlu felgujárni, á Möllernum þegar hann fer næst westur í hreppa aðsækja góss í Oldsinn.
 
Nýja SBC CNC inntakið fær viðurnefnið Krómhausinn og sömuleiðis sá sem keypti það á 9000 bökks.
 
 Áhorfandi á kvartmílukeppni læsist inni á kamrinum á keppni.  Dvelur þar í fjórar vikur vegna þess að einni keppni verður frestað vegna rigningar. Var 120 kíló þegar hann fór inn en 73 þegar hann losnaði út.  Konan hans hæstánægð.  Í framhaldinu fer KK út í að reka megrunarspa á kamrinum fyrir karla.  Það reynist svo vinsælt að fyrir ágóðan var hægt að breikka og lengja brautina í allar áttir.

Þekktur Íslenskur kvartmílumaður verður forríkur þegar hann býr til umhverfisvænt trakkbæt sem samanstendur af hráka úr gömlum Framsóknarkonum, LÍA fundargerðum og brotnum loforðum stjórnmálamanna um betri aðstöðu fyrir kvartmíluíþróttina.

 KK setur upp internet hot spot á brautinni. Blettinn einokar glaðbeittur keðjureykjandi bakaradrengur á Chevymerktum Blazerjakka.