Laugardaginn 20. apríl, verður haldin hin árlega Mustang sýning í Brimborg.
Það stefnir í hörku sýningu og þar á meðal verða nokkrir Mustang bílar sem hafa ekki verið sýndir áður.

Gleðilega Hátíð.

Ágætu félagar nær og fjær.

Sendum félagsmönnum og fjölskyldum ykkar, svo og íslendingum öllum, okkar bestu óskir um gleðilega jólahátið og gæfuríkt komandi ár.

Þökkum góðar samverustundir á árinu sem er að líða.

Megi nýja árið verða öllum félagsmönnum gott ár.

Jólakveðja
Stjórn Mustang Klúbbsins.

Uwe Reimann er hér á landinu núna og mætir á næsta fimmtudag á fund í félagsheimili KK þar sem hann fer yfir þessa heimsókn til okkar.
Hittingur mustangklúbbsins verður því hjá KK í hafnarfirði 11.8.

Þá er komið að Muscle car deginum á Kvartmílubrautinni n.k. laugardag 11. júní frá kl. 10:00 til kl. 16:00

Þessi dagur er ætlaður fyrir Ameríska bíla eingöngu.

Til að keyra þarf:

    Bíl sem er skoðaður
    Hjálm
    Ökuskírteini

    Þeir sem unnu til verðlauna á sýningunni í apríl, fá að taka þá út þ.e. ferð á brautinni í Shelby GT-500.

Hin árlega Ford Mustang sýning Brimborgar og Íslenska Mustang klúbbsins verður haldin laugardaginn 16. apríl milli kl. 10 og 16 í Brimborg, Bíldshöfða 6.

Þema sýningarinnar í ár er “The Boss is back” - Boss er ein útfærsla af Mustang sem verður fáanleg aftur síðar í ár, sjá nánar hér: http://www.ford.com/cars/mustang/2012mustangboss/ .

Undirbúningur er á fullu hjá Brimborg og Mustang klúbbnum enda styttist í stóra daginn. Fjöldi áhugaverða Mustang bíla verður til sýnis, bílar sem ekki hafa verið sýndir áður.

Þetta verður í þriðja sinn sem sýningin er haldin en sú fyrsta var haldin árið 2009 þegar Ford Mustang varð 45 ára. Síðustu sýningar hafa verið mjög glæsilegar enda hafa um 2000 manns heimsótt hverja sýningu.

Á meðan á Mustang sýningunni stendur verður stórsýning á nýjum Ford og Volvo bílum í neðri sal Brimborgar, Bíldshöfða 6.
Að sýningu lokinni munu þeir Mustang bílar sem verða á sýningunni fara á rúntinn saman um borgina. Í fyrra var einnig tekinn rúntur í lok dags og það var mjög flott sjón þegar fjöldinn allur af fallegum Mustang bílum tók af stað frá Bíldshöfðanum.

Við hvetjum alla að sjálfsögðu til að setja hring á dagatalið og byrja að telja niður. Þetta er sýning sem ekki má missa af – fallegustu Mustang bílar landsins komnir saman í einum sal.

FRÍTT verður inn á sýninguna eins og áður. Kynning verður á Sonax bílahreinsivörum. Lauflétt getraun. Veitingar í boði Coke Zero og Prins Polo. Ef þið eruð með ábendingar um bíla, sendið okkur þá póst á mustang@mustang.is

Anton og Björgvin frá Bílaklúbbi Akureyrar verða með kynningu á þeim framkvæmdum sem standa fyrir dyrum hjá BA ásamt dagskrá Bíladaga 2011. Fundarstaður verður í salarkynnum Framtaks - Blossa í Vesturhrauni 1. í Hafnarfirði.
http://ja.is/kort/#q=index_id%3A1322334&x=355178&y=400531&z=7&type=aerial

Mæting kl. 20:00.

Allir velkomnir.

Næsti hittingur er fimmtudaginn 3. febrúar
Mæting kl 19,30 í Rauðhellu 8 ( á móts við Álverið). Hugmyndin að sameinast í bíla og keyra svo til Keflavíkur þar sem Þorgrímur er búin að setja upp metnaðarfulla dagskrá.

Farið verður í heimsókn í tvo skúra.
Annarsvegar hjá Ragnari Sigurðssyni þar sem við sjáum 1967 Mustang og 2008 Shelby í smíðum.
Þaðan heimsækjum við Magnús Magnússon og félaga í geymsluskúr þar sem nokkrir félagar geyma bíla sína. Þar eru m.a. 2 bílar, Hot Rod og Oldsmobil í eigu Magga. Þar eru m.a. Firebird, Mustang Mach 1 og Comet, svo einhverjir séu nefndir.

kveðja
Íslenski Mustang Klúbburinn

Íslenski Mustang Klúbburinn sendir félagsmönnum kvartmíluklúbbsins, velunnurum félagsins og landsmönnum öllum hugheilar jólakveðjur með von um notalegar stundir um hátíðirnar og á komandi ári.