Kvartmílan => Almennt Spjall => Topic started by: Moli on October 25, 2005, 17:34:56
-
jæja, stórum áfanga náð, ég ákvað að stækka síðuna og betrumbæta mikið, hef því ákveðið að hætta með www.bilavefur.tk og opnað í staðin www.bilavefur.net sem er mun fullkomnari síða, eftir marga kaffibolla og andvökunætur síðastliðnu daga tókst það og hvet ég alla til að kynna sér síðuna, hefur marga skemmtilega möguleika upp á að bjóða sem gamla síðan hafði ekki! :wink:
www.bilavefur.net
kveðja Maggi
-
þetta er magnað hja þer Moli.
Þu att hrós skilið að nenna að halda utanum þetta allt.
Til hamingju með nyu siðuna :D
-
Til hamingju, stórglæsileg síða sem á örugglega bara eftir að batna....
-
sælir drengir, ég þakka. Um að gera að láta þetta spyrjast út!
Leon ég sendi þér myndina af Trans Am sem ég tók seinnipartin í Samskip :wink:
-
sælir drengir, ég þakka. Um að gera að láta þetta spyrjast út!
Leon ég sendi þér myndina af Trans Am sem ég tók seinnipartin í Samskip :wink:
Var að skoða hann fyrir svona 10 mín síðan virkilega smekklegur bíll, vitlaus framendi reyndar er vitað hver á þetta
-
Moli alltaf góður..................................
-
Mjög flott heimasíða hjá þér ... tilhamingju
-
takk strákar!
Í kvöld fékk ég um 1.300 myndir JÁ 1.300!!! í viðbót við það sem ég er með á síðunni, reyndar er hluti af þeim sem ég á, en einnig hellingur sem ég á ekki. Ég fer í það næstu daga að fara yfir þær, mikið af þessu er frá því um 1980 eða fyrr, bæði myndir af bílum héðan og þaðan um landið sem og gamlar myndir frá sandspyrnu og kvartmílu! :wink:
-
Sæll Maggi,þetta er rosa framtak og ég mæli með að þú opnir PayPal reikning(paypal@bilavefur.net til dæmis) fyrir framlög til síðunnar ég mun sannarlega leggja þar inn,margt smátt gerir eitt stórt.
Einnig gætirðu fengið framlög frá fyrirtækjum og bílaumboðum og klúbbum tengdum bílaáhuga.
-
Frábært að sjá þetta, og til hamingju, og þessi paypal er kannski ekki svo slæm...
-
Glæsilegt framtak, sé að það eru margar myndir þarna sem koma frá mér, maður þarf að hunskast til að senda þér meira, á soldið til í tölvunni.
-
Virkilega vel uppsett síða hjá þér.... til hamingju með þetta :)
-
þetta er frábært þú átt hrós skilið fyrir að nenna að standa í þessu :) alltaf gaman að skoða myndir :)
-
sælir strákar, ég þakka jákvæð viðbrögð, átti samt eiginlega ekki von á öðru. Frikki alls ekki slæm hugmynd, hvernig er það annars með PayPal, er núorðið hægt að millifæra af PayPal reikningi á kreditkort og/eða íslenskan bankareikning? Þegar ég seldi frambretti á eBay í Desember sl. lenti ég veseni með að ná peningnum út, það endaði þannig að ég gat það ekki nema vera með bankareikning í USA eða borga öðrum í gegn um PayPal, ég ætlaði meira segja að opna bankareikning í USA og millifæra þaðan til Íslands en þá þurfti ég að vera með bandarískt ríkisfang. Það endaði bara með því að ég nennti ekki að vesenast meira með þetta og verslaði á konuna fyrir jólin í gegn um eBay, það kom sér helvíti vel. 8) Kiddi þú þrumar bara á mig myndum þú veist emailið, bilavefur@internet.is
-
hvernig er það annars með PayPal, er núorðið hægt að millifæra af PayPal reikningi á kreditkort og/eða íslenskan bankareikning?
Þetta vissi ég ekki,þarf að skoðast!
-
Ég hef verið member á Ebay og Paypal nánast frá því að það opnaði eða síðan 1998, þetta er ekki hægt enn. Semsagt, ef selja á með Paypal og þá að kaupa með Paypal er eina aðferðin í dag til að ná þessu út.
-
moli þessi síða hjá þér verður bara betri og betri með hverjum degi sem líður. og er þetta ein f flottustu síðum sem ég hef farið inná frá því að ég fyrst fór á netið :D 8)
-
takk kærlega fyrir það! ég var að enda við að uppfæra, setti inn rúmlega 850 myndir nú í þessu, á enn eftir að setja inn um 350. Þær koma þegar tækifæri og tími gefst til! :wink:
-
Ég hef verið member á Ebay og Paypal nánast frá því að það opnaði eða síðan 1998, þetta er ekki hægt enn. Semsagt, ef selja á með Paypal og þá að kaupa með Paypal er eina aðferðin í dag til að ná þessu út.
Og eina ástæðan fyrir því að þetta er svona er einhver pólitík í Paypal. Þeir geta alveg og hafa borgað inn á íslenska visakortið mitt. Þegar ég sendi inn kvörtun til Paypal vegna svikuls seljanda á eBay þá voru þeir ekki lengi að borga þetta til baka beint inn á kortið mitt.
-
Ég talaði við Paypal um daginn og þeir sögðust ekki vita hvenær hægt verður að millifæra á íslenska reikninga,
eina málið er bara að fá sér erlendan bankareikning :)
-
kláraði að uppfæra þær myndir sem ég átti til, en það voru rúmlega 300 sem fóru inn í kvöld, samtals eru þetta um 3200 myndir sem komnar eru á síðuna... og ég er hvergi nær hættur! 8)
-
Moli,
Þetta er alveg ljómandi. Virkilega gaman að sjá þessar elstu myndir. Kannast við nokkrar úr safninu mínu þarna.
Fyrir þá sem hafa mikinn áhuga á sögu amerískra tryllitækja ("vöðvabílar" er bara orðskrípi sem enginn með IQ hærra en hjólkoppur ætti að nota) má benda á að á síðu 2, röð 21 í GM albúminu hans Mola eru nokkrar myndir af blárri Rally Novu teknar niðri á Spólbryggju á Akureyri. Þetta er sama Novan og Einsi B hefur ekið í rólegheitum niður kvartmíluna undanfarin ár. Hún er líka annarsstaðar í GM albúminu þá alblá með hvítum röndum á húddinu. Ef sú mynd væri af scratch ´n sniff gerðinni þá væri stæk vínlykt að henni enda var þessi kaggi þá mesta sukkkerran í höfuðstað norðurlands.
-
Moli,
Þetta er alveg ljómandi. Virkilega gaman að sjá þessar elstu myndir. Kannast við nokkrar úr safninu mínu þarna.
Fyrir þá sem hafa mikinn áhuga á sögu amerískra tryllitækja ("vöðvabílar" er bara orðskrípi sem enginn með IQ hærra en hjólkoppur ætti að nota) má benda á að á síðu 2, röð 21 í GM albúminu hans Mola eru nokkrar myndir af blárri Rally Novu teknar niðri á Spólbryggju á Akureyri. Þetta er sama Novan og Einsi B hefur ekið í rólegheitum niður kvartmíluna undanfarin ár. Hún er líka annarsstaðar í GM albúminu þá alblá með hvítum röndum á húddinu. Ef sú mynd væri af scratch ´n sniff gerðinni þá væri stæk vínlykt að henni enda var þessi kaggi þá mesta sukkkerran í höfuðstað norðurlands.
sæll Raggi, ég reikna þá fastlega með að þú hafir margar sukksögurnar að segja okkur blóðþyrstum fermingarbörnum sem ekki voru orðin hugmynd í höfði skapara okkar á þessum árum? áttu ekki eina slíka? 8)
-
Sæll Moli
Það er nú sunnudagur þannig að við skulum hafa söguna sukklausa...........
Eitt sinn mætti niður á spólbryggju frakkaklæddur náungi (nú þjóðkunnur) á Bronco föður síns, beinuðum með sexu. Honum fannst fútt í að spóla þarna og hafði það fyrir sið að skella jeppanum í lága drifið og láta hann malla uns rauk verulega úr bryggjunni og dekkjunum. Broncoinn var sennilega með handgasi, frekar en að náunginn hafi sett planka á bensíngjöfina, en a.m.k. þá datt honum nokkuð í hug: Hann festi Broncoinn við bryggjupolla með spotta. Setti í lága drifið og allt í botn. Þegar reykur fer að stíga undan jeppanum, skaut okkar maður sér út úr bílnum TIL AÐ LJÓSMYNDA actionina. Hann stóð þarna glottandi fyrir utan mannlausan jeppann þegar sexan fór skyndilega að hökta. Við það kom slinkur á spottann sem gaf sig og Broncoinn lagði af stað norður bryggjuna og stefndi fram af henni hinum megin og til hafs. Reykurinn undan skósólum driversins var ekkert síðri en það sem kom undan Bronconum, þegar hann sá jeppann skeiða af stað eftir bryggjunni með spottaræksnið flaksandi aftur úr sér. Móður og másandi rétt meikaði hann að stökkva inn í bílinn og koma í veg fyrir að jeppinn yrði uppfylling á botni Eyjafjarðar.
----
Mér finnst þessar fínu myndir á vefnum þínum fá fyrst verulegt gildi þegar hægt er jafnframt að upplýsa ævi og örlög þessara tryllitækja á sömu vefsíðu. Spjallborðið þitt býður upp á þetta en væri kannski hægt að númera hverja mynd þannig að tengingar myndar og sagnfræðilegra upplýsinga um v.k. bíl verði áreiðanlegri en núna? Þannig gætu margir sem muna eftir einstökum bílum skrifað um það sem þeir muna, og þannig verður smám saman til heildstæð mynd af sögu hvers bíls, svona nokkurskonar Tryllitækjasaga Íslands.
-
Sæll Moli
Það er nú sunnudagur þannig að við skulum hafa söguna sukklausa...........
Eitt sinn mætti niður á spólbryggju frakkaklæddur náungi (nú þjóðkunnur) á Bronco föður síns, beinuðum með sexu. Honum fannst fútt í að spóla þarna og hafði það fyrir sið að skella jeppanum í lága drifið og láta hann malla uns rauk verulega úr bryggjunni og dekkjunum. Broncoinn var sennilega með handgasi, frekar en að náunginn hafi sett planka á bensíngjöfina, en a.m.k. þá datt honum nokkuð í hug: Hann festi Broncoinn við bryggjupolla með spotta. Setti í lága drifið og allt í botn. Þegar reykur fer að stíga undan jeppanum, skaut okkar maður sér út úr bílnum TIL AÐ LJÓSMYNDA actionina. Hann stóð þarna glottandi fyrir utan mannlausan jeppann þegar sexan fór skyndilega að hökta. Við það kom slinkur á spottann sem gaf sig og Broncoinn lagði af stað norður bryggjuna og stefndi fram af henni hinum megin og til hafs. Reykurinn undan skósólum driversins var ekkert síðri en það sem kom undan Bronconum, þegar hann sá jeppann skeiða af stað eftir bryggjunni með spottaræksnið flaksandi aftur úr sér. Móður og másandi rétt meikaði hann að stökkva inn í bílinn og koma í veg fyrir að jeppinn yrði uppfylling á botni Eyjafjarðar.
Þessi er nú með þeim betri... (http://www.live2cruize.com/phpBB2/images/smiles/rollinglaugh.gif)
Mér finnst þessar fínu myndir á vefnum þínum fá fyrst verulegt gildi þegar hægt er jafnframt að upplýsa ævi og örlög þessara tryllitækja á sömu vefsíðu. Spjallborðið þitt býður upp á þetta en væri kannski hægt að númera hverja mynd þannig að tengingar myndar og sagnfræðilegra upplýsinga um v.k. bíl verði áreiðanlegri en núna? Þannig gætu margir sem muna eftir einstökum bílum skrifað um það sem þeir muna, og þannig verður smám saman til heildstæð mynd af sögu hvers bíls, svona nokkurskonar Tryllitækjasaga Íslands.
sæll Raggi, ég veit ekki hvort þú vissir af því en hugmyndin með þessu myndaalbúmi sem ég setti upp var m.a. sú að notendur gætu sett inn comment/innlegg um ástand, sögu, staðsetningu, örlög oþh. hvers bíl fyrir sig fyrir neðan hverja mynd. (sjá litla skýringarmynd að neðan) Ég hafði hugsað, að þannig gæti verið hægt að safna saman fróðlegum upplýsingum varðandi þessa bíla og mynda nokkurskonar gagnagrunn um þá. Að sjálfsögðu er líka hægt að nota spjallborðið til frekari umræðna um þessa bíla, en það gæti verið vandasamt og frekar mikið mál að tengja hverja mynd fyrir sig með númeri beint inn á spjallborðið þar sem myndirnar eru ja... nokkuð margar! :wink:
(http://www.internet.is/bilavefur/stuff/skyringarmynd.jpg)
-
þetta er alveg stórglæsilegt ... flottar gömlu myndirnar ...
-
Aha!
Þessi lausn er fín hjá þér. Ég hafði bara ekkert tekið eftir þessu vegna þess hversu stíft ég glápti á myndirnar.
Þetta getur orðið verulega skemmtilegt þegar sögurnar fara að hrannast inn.... Svona strákar: SKRIFA NÚ!
R.
Moli reit:
sæll Raggi, ég veit ekki hvort þú vissir af því en hugmyndin með þessu myndaalbúmi sem ég setti upp var m.a. sú að notendur gætu sett inn comment/innlegg um ástand, sögu, staðsetningu, örlög oþh. hvers bíl fyrir sig fyrir neðan hverja mynd. (sjá litla skýringarmynd að neðan)