Maður fréttir alltaf af og til að heilu bújörðunum með gömlum blikkbeljum á beit.  Svona bílabú eru víst hér og þar um landsins byggðir.

Eflaust eru sumir þessara bíla ekki uppgeranlegir og jafnvel möguleiki að eigendur þeirra vilji láta hluta af þeim til að stuðla að uppgerð annara bíla (gegn smá þóknun að sjálfsögðu).

Svo ég komi mér nú að erindinu, ég hef auglýst hér (og víðar) eftir afturljósi á ca. 1983 módel af Nissan 280c díselbíl (leigubíll á eftirlaunum) en ekkert gengið.  

Það er sárgrætilegt að sjá bíl sem búið er að vinna helling í, sem stekkur alltaf í gang (þrátt fyrir að vera keyrður á 6. hundrað þúsunda) og er góðu lagi vera stopp útaf svona smáræði.  

Nú er mín síðasta von að finna einhvern svona búgarð sem gæti legið á svona gulli, og geti þannig stuðlað að því að þessi gripur fari aftur í notkun.

Endilega látið mig vita ef ykkur dettur eitthverjir í hug (eitthvað raunhæft, vil ekki ónáða þá sem engann áhuga hafa á svona viðskiptum).

Kv. Jón H.

p.s. þetta er að sjálfsögðu kvartmílutengt en gamall sjálfskiptur dísel leigubíll er fullkominn í brakket

Ég er að taka 1986 módel af Trans AM í gegn og mig hefur vantað nokkra hluti.  Eins og þið þekkið eflaust þá gengur það upp og ofan að láta fyrirtæki hér á landi panta fyrir okkur (þó starfsmenn þeirra hafi yfirleitt verið allir af vilja gerðir).  

Sem dæmi þá hefur mig lengi vantað lista sem á að beina lofti að vatnskassanum (þessir bílar eru alveg lokaðir að framan og þurfa þá þessum lista að halda).  Það hefur enginn treyst sér til að verða mér útum þetta stykki.

Eftir að hafa skoðað nokkur amerísk fyrirtæki ákvað ég að senda Year One http://www.yearone.com/  línu.  Verðin hjá þeim eru ágæt en það sem skipti ekki minna máli er að þjónustan var góð.  Ég ákvað því að versla við þá.

Síðasta mánudagskvöld sendi ég þeim endanlega pöntun, og átti von á því að þurfa að bíða í eina til tvær vikur eftir vörunum.

Seinnipartinn í gær (fimmtudagskvöld) fékk ég símtal frá UPS.  Þar var ég spurður að því hvort ég væri heima, því þeir væru með sendingu til mín.  Pakkinn kom síðan stuttu síðar.  

Ég var eins og smástrákur að opna jólapakka þegar ég reif umbúðirnar af, en kaninn pakkar all svakalega inn öllu sem hann sendir.

Þarna voru allir þeir hlutir sem ég pantaði (m.a. listinn sem mig hefur lengi vantað), og verðið stóð að sjálfsögðu.  Ég mæli því hiklaust með þessu fyrirtæki.

Kv. Jón H.

Sælir,

Ég þarf að koma mínum Transam í sprautun um eða eftir næstu helgi og var að velta því fyrir mér hvort það væri hægt að fá lánaða/leigða bílaflutningakerru fyrir ekki alltof mikinn pening.  Ég þarf að flytja bíl úr Breiðholti yfir í Mosó og held að þetta væri örugglega ódýrari kostur en að semja við Krók eða Vöku (og vil helst ekki fara með bílinn í spotta).

Látið mig endilega vita ef þið vitið af einhverju,

Kv. Jón H.