Kvartmílan => Almennt Spjall => Topic started by: 1966 Charger on September 15, 2006, 17:48:22

Title: Maðurinn með stáleistun
Post by: 1966 Charger on September 15, 2006, 17:48:22

Í Krummaskuðinu Paragould í rauðhálsafylkinu Arkansas er að finna 1/8 braut sem á engan sinn líka í heiminum.  George nokkur Ray byggði þessa braut sjálfur í kringum 1960 á sojabaunaakri í bakgarðinum á óðalinu sínu eftir að sveitalöggur í næstu sýslu höfðu bannað honum að koma og keppa á brautinni þar.  George er með stáleistu.  Í gamla daga gekk hann um vopnaður á keppnisdögum til að skakka leikinn ef menn fóru að slást út af reglum.  Eitt sinn  mölbrotnaði á honum handleggurinn þegar keppnistæki slengdist utan í hann, en Goggi hélt bara áfram í vinnunni og lét lappa upp á arminn daginn eftir.  Var í gipsi í tvo daga en sagaði það svo af sjálfur með járnsög.  Eitt sinn urðu fjölskyldudjásnin fyrir tjóni þegar hann var að brasa við landbúnaðarstörf.  Honum fannst óþarfi að ónáða lækni í næsta bæ; og stakk hægri kúlunni aftur í pokann og saumaði hann saman sjálfur.
Í gamla daga sóttu Goggi og kó vatn fyrir burnoutið með fötum í næsta læk og helltu undir dekkin.  Oft slæddust smáfiskar með í þessu vatni án þess að menn gerðu sérstakt veður út af því.  
Goggi hafði líka einfalda reglu ef einhver bíll fór að dóminera í keppnisflokki.  Þá rak hann keppandann í næsta flokk fyrir ofan.

Myndir og sögur af þessum magnaða kalli eru á:

 http://www.geocities.com/georgeray12345/
 http://www.quartermilestones.com/hallucination.htm

Ragnar

Title: Maðurinn með stáleistun
Post by: 1965 Chevy II on September 15, 2006, 18:23:28

Þetta er töffari, ég fór vikulega á síðuna hans til að skoða myndir frá keppnum.
Það virðist eitthvað hafa komið fyrir gömlu síðuna hún virkar ekki lengur.

Þetta er víst eina head's up only brautin í USA.

Takk fyrir linkana.

Title: Maðurinn með stáleistun
Post by: 1966 Charger on October 22, 2007, 17:14:50

Jæja Frikki og aðrir aðdáendur Gogga stáleista.  Hér er linkur á glænýjar myndir af Goggabrautinni.  Væri ekki ráð að skreppa í túr þangað í stað þess að fara á þessa Strítnasjonals í Örlandi?

http://board.moparts.org/ubbthreads/showflat.php?Cat=0&Number=3896911&an=0&page=1#Post3896911

Title: Maðurinn með stáleistun
Post by: firebird400 on October 22, 2007, 18:08:02

Quote from: "Trans Am"

Þetta er töffari, ég fór vikulega á síðuna hans til að skoða myndir frá keppnum.
 

Je je, myndir frá keppnum

Hefur pottþétt verið til að skoða Jungle Pam  :wink:

Title: Maðurinn með stáleistun
Post by: Belair on October 22, 2007, 18:17:15

fá hann yfir mótorsport á klakkanum  :D

Title: Re: Maðurinn með stáleistun
Post by: 1966 Charger on June 16, 2008, 21:58:56

Hér er svo hlekkur á nýjustu myndir af þessari svaðalegustu braut í heimi.  Ekki spillir að eigandinn Goggi Stáleista situr fyrir á einni myndinni,orðinn 83 ára unglingurinn sá.  Þennan dag mættu 99 tæki á BRAUTINA og sumir allverulega rauðþrútnir um hálsana.

Njótið:


http://board.moparts.org/ubbthreads/showflat.php?Cat=0&Number=4491702&an=0&page=0#Post4491702

Ragnar

Title: Re: Maðurinn með stáleistun
Post by: Jón Þór Bjarnason on June 16, 2008, 23:30:54

Skemmtilegar myndir.
Mér sýnist brautin vera steypt :?: Er það nokkur vitleysa í mér.

Title: Re: Maðurinn með stáleistun
Post by: baldur on June 16, 2008, 23:37:14

Neinei hún er alveg augljóslega steypt.

Title: Re: Maðurinn með stáleistun
Post by: 1966 Charger on December 05, 2009, 19:16:06

Blessaður karlinn hann George Ray barði nestið í gær.  Hér að ofan er sagt frá þessum merkilega kalli og hér getið þið svo séð hann og heyrt á brautinni sem hann byggði á landrareigninni sinni:

http://www.youtube.com/watch?v=f5RqgI_Su3I&feature=related