Ég hélt að einhver fjórgengisnördinn mundi svar þessu, en ég skal reyna.
Best er að fara á einhverja erlenda spjallsíðu fyrir þennan bíl/mótor og spyrja þar.
Það getur verið að þetta hedd flæði alveg nóg, eða að það flæði ekki nóg.
Persónulega mundi ég gera margt annað til að auka aflið áður en ég fer að porta heddið. Það þarf að horfa á alla sográsina, frá því að loftið fer inn í loftinntak lofthreinsarans þar til bensínblandan fer inn í brunahólfið fram hjá ventlunum.
Það er til lítils að leggja vinnu í að porta hedd ef allt þar fyrir framan er of þröngt, allt í beygjum eða óslétt að innan.
Einnig nýtast víðari soggreinar aðallega á hásnúning.
Best er að byrja á því að henda orginal loftsíu kerfinu burt og setja í staðinn loftsíu sem flæðir vel og koma henni fyrir sem næst soggreininni, passa að rörið eða barkinn sem tengir síuna við soggreinina sé sléttur að innan og sem minnstar beygjur séu á leiðinni. Einnig þarf að ath. að ekkert skagi inn í loftrásina, þá er ég að tala um t.d. pakkninguna sem er á milli soggreinarinnar og heddsins. Hún er stundum með of stórum götum eða of litlum.
Loftsíukerfi í bílum í dag er einnig hljóðdeyfir.
Næst er að setja víðara pústkerfi undir bílinn, og jafnvel flækjur.
Þegar þessu er lokið mundi ég rífa ventlana úr og skera réttar gráður í soggreinina í kringum ventlana, þar eru oftast mestu þrengslin fyrir bensínblönduna.
Ég man ekki hvað þessi aðgerð kallast en þessu er lýst í flestöllum bókum um mótorbreytingar.
Allt hér fyrir ofan er mín persónulega skoðun og ekki víst að aðrir séu sama sinnis.
Steini
