Kvartmílan > Almennt Spjall

Ónýttir sólardagar á brautinni !

<< < (3/5) > >>

SPRSNK:
Klúbburinn er ekki á þeirri leið að fara greiða fyrir keppnishaldið en vantar sárlega sjálfboðaliða!
Það eru alltof fáir sem eru tilbúnir að leggja sitt af mörkum fyrir klúbbinn án þess að til þeirra sé leitað sérstaklega og þá helst á hnjánum.  [-o<

Klúbburinn hefur í sumar fylgt áður útgefinni dagskrá með tilheyrandi tilfærslum og æfingum verið bætt við júní og júlí með skömmum fyrirvara ... einungis KOTS hefur ekki komist á dagskrá.

Loks þegar sólin lætur sjá sig er ekki alltaf víst að þeir fáu sem tilbúnir hafa verið í sjálfboðavinnu séu tiltækir m.a. vegna annarra viðburða í mótorsporti, vinnu eða sumarfría.

66MUSTANG:
En ef það eru svona fáir sjálfboðaliðar í boði er þá ekki hægt að opna þráð þar sem menn geta skráð sig sem slíkir og svo ef eithvað er að gerast má hafa samband við þá?
Ég er alveg til í að leggja mitt af mörkunum þegar ég er á landinu og klúbbnum vantar hjálp.
Verum frekar jákvæðir og höldum þessu sporti uppi frekar en að sitja heima og kvarta á netinu yfir öllu sem ykkur fynst illa fara.

Elmar Þór:
ég ætla ekki að vera með leiðindi því ekki hef ég gefið kost á mér að keyra keppnir eða æfingar og eiga þeir aðilar stórar þakkir fyrir það framlag sem þeir leggja á sig til þess að ég geti keyrt. Einhver tíman man ég eftir því að æfingar voru keyrðar í miðri viku, langt fram á kvöld, jú ekki kemur blessuð dimman til okkar á sumrin þó hún sé mætt núna um 22.  Og man ég eftir því að haldnar voru kvöldmílur einhver tíman, alltaf sjarmi yfir því.
Það hefði verið gaman hefði verið hægt að halda eina æfingu í mánuði í sumar, anskotin hafi það að maður hefði ekki getað gefið kost á sér að vinna á einni æfingu á heilu sumri :(
Ekki er hægt að þræta fyrir það að sumarið hefur verið mjög dapurt hvað varðar opnun og nýtingu á braut og mætingarlega séð hjá ökuþórum, það er lítill tilgangur að tjalda til og halda æfingu þegar fáar hræður mæta til að spóla, en kannski ekki marktækt þar sem fáar æfingar hafa verið og lítið eða illa auglýstar :( og ekki hefur blessað veðrið verið með okkur.
Áhuginn er til staðar í mönnum og konum held ég ennþá, en hann virðist dafna, því miður. Ekki hef eg lent í leiðindum við mitt trygginarfélag eins og svo oft áður hefur verið með að fá viðauka, kostar litlar 5600 krónur yfir sumarið en er það kannski dýrt fyrir eina æfingu, en held þó ekki þar sem það er nánst eins og ein bíóferð með viðkomu í hamborgara sjoppu.
En hvað um það vonandi siglir sportið okkar í rétta átt á komandi sumri og við fáum mikið líf og nóg að fólki til að keyra, því ekki er annað hægt að segja en að svæðið og öll aðstað hefur gjörbreyst á síðustu árum,  er aðstaðan sem við höfum uppfrá orðin mun betri og flottari en víða í USA og eigum við að vera stoltir af svæðinu og reyna að koma þessari íþróttagrein á hærra plan í samfélaginu, erum jú með iðkanda hóp frá 17-70 ára sem er nokkuð breyður hópur.

Elmar

Harry þór:
Bara svo það sé á hreinu þá er ég ekki að leita að vinnu. Ég hef verið virkur sem starfsmaður í keppnum og keppandi undanfarin 10 ár. Ég hef líka tekið eftir því að öll sú vinna sem unnin er í þágu klúbbsins er unnin af stjórnarmönnum. Þegar kallað er eftir hjálp þá mæta ca 2 - 5 og rétta hönd. Með þessu fyrir komulagi þá brenna menn upp og fá nóg eins og dæmin sýna.
Svo þegar sumir eru að kvarta yfir að starfsemin sé ekki eins og þeir vilja sé ég mig knúinn til að leggja orð í belg.
Það er cirka plan yfir sumarið og ég hef tekið eftir að stundum er bætt við þetta plan og er það gott en ætlast til að menn stökkvi til og breyti sýnum persónulegu plönum vegna þess að sólin sýni sig og ég er tilbúinn með bíl, er bara?

Til skyringar fyrir suma.

Agnar og hans félagar keyrðu starfið áfram í mörg ár , fengu nóg.
Davið og hans félagar keyrðu starfið áfram í mörg ár , fengu nóg.
Rúdolf og hans félagar keyrðu starfið áfram í mörg ár og fengu líka nóg.

Þarna eru svona 50 kallar sem brunnu upp og hafa varla komið uppá braut síðan og ég þykist vita ástæðuna , tala af reynslu.

Núna eru þarna menn og konur sem eru að gera sitt besta sem ég klappa fyrir.



Mbk harry þór

SPRSNK:
Svona til gamans þá hefur dagskráin í sumar verið á þennan veg .... þegar ekki hefur ringt þ.e.a.s.
  
31. maí 2014 Íslandsmót í kvartmílu (frestað til 7. júní)  
  7. júní 2014 Íslandsmót í kvartmílu
28. júní 2014 Íslandsmót í kvartmílu
12. júlí 2014 King of the Street (frestað til 30. ágúst)
26. júlí 2014  Íslandsmót í götuspyrnu 1/8 míla
10. ágúst 2014 MSÍ hjóladagur (brautardagur)
16. ágúst 2014 30 ára afmælismíla Sniglanna (aflýst)
30. ágúst 2014 Íslandsmót í kvartmílu/King of the Street
 
og æfingar sem hafa verið í lok keppni eða settar á með stuttum fyrirvara

  7. júní 2014 Æfing að keppni lokinni
22. júní 2014 Æfing
28. júní 2014 Æfing að keppni lokinni
20. júlí 2014 Æfing í stað KOTS
26. júlí 2014 Æfing að keppni lokinni
10. ágúst 2014 Æfing að brautardegi loknum
16. ágúst 2014 Æfing
 

Navigation

[0] Message Index

[#] Next page

[*] Previous page