Ég er að leita að bíl og vildi vita hvort þið hefðuð annað hvort hugmyndir eða ráð með að finna hann.
1967 árgerð af sjálfskiptum Mustang Coupe. Afi minn (Sverrir Ragnars, Akureyri) átti hann og bróðir minn hvolfdi honum í slysi í Eyjafirðinum. Númerið á honum var A-494. Slysið átti sér stað 1976 að mig minnir. Gæti hafa verið '74-'76. Málið er að ég veit að bíllinn var gerður upp eftir slysið og fékk væntanlega annað númer þar sem afi hélt númerinu áfram á sínum næsta bíl. Það gerir leitina aðeins erfiðari þar sem skráningarstofan getur lítið hjálpað. Ef einhver getur hjálpað mér að finna bílinn, eða sagt mér hvað varð um hann þá væri það vel þegið. Hann var gullbrúnsanseraður, sjálfskiptur og með hvíta leðurinnréttingu. Eftir því sem ég best veit var aðeins þessi eini Mustang árgerð 1967 í Eyjafirðinum á þessum árum.
Öll hjálp vel þegin.