Sælir kappar, sorrí að ég dett hérna inní gamla umræðu.
Ég átti þennan bíl ,Í-3167, og setti á hann T-toppinn á sínum tíma. Það er rétt sem kemur fram hérna framar að toppurinn kemur af 81 bíl ofan af Akranesi sem var keyrður, á góðri siglingu, útaf og oní skurð undir Ingólfsfjalli rétt fyrir ofan Selfoss. Ég fór uppá Skaga og keypti toppinn og þá kom í ljós að sá sem seldi mér hann hafði átt bílinn minn og sagðist hafa farið á honum til Noregs og síðar á rúnt um Evrópu ( Þráinn ??).
Allavega smellti ég toppnum á, tók hann niður í stál og málaði, tók upp vélina, keypti snowflake felgur undir hann og græjaði ýmislegt fleira eins og t.d. framstólana, hurðaspjöld osfrv. Bíllinn var orðinn ansi góður og hefði ekki þurft að bæta miklu við til að gera hann enn skemmtilegri. Ég náði ekki að keyra hann nema í ca mánuð eftir alla vinnuna en þá flutti ég til USA og móðurbróðir minn sá um að selja hann fyrir mig. Leiðinlegt að heyra að hann hafi verið látinn drabbast niður og sé ekki lengur til af því að ég vill meina að þegar að ég seldi hann hafi verið búið að leggja góðan grunn.
Ég á fullt af skemmtlegum myndum frá þegar að við vorum að skipta um toppinn og græja hann, tek mig kannski til og skanna eitthvað inn ef menn hafa áhuga á ?
