Ég veit ekki hvaða Gunnar, Buddy er að tala um, en það gæti alveg eins verið ég, gaman að sjá þessa saman, 2010 bíllinn virðist vera mjórri en annars sýnist mér þeir vera svipaðir á stærð.
Þótt ég sé heilaþveginn Camaroaðdáandi er ýmislegt sem mér líkar ekki við útlitið á Camaro, mér finnst t.d. litli glugginn á framhurðunum á ´67 árg. gera bílinn gamaldags öfugt við ´68 sem virkar líka lengri og rennilegri.
Svo finnst mér ´67-68 verða að vera með RS grillið því mér finnst standardgrillin ekki falleg, öfugt við ´69 bílinn sem mér finnst vera jafnfallegur með annaðhvort grillið.
Svo þegar ég var úti í haust á Florida skoðaði ég nýja 2010 Camaroinn á bílasýningu og ég er enn óánægður með smælígrillið á honum, sem minnir mig alltaf á "Joker" í Batmanmyndunum, og svo finnst mér innréttingin hálfmisheppnuð, það er eins og hönnuðurnir hafi byrjað með bogadregið mælaborð og síðan bætt við kassanum með mælunum og síðan tekið upp stingsög og sagað út fyrir lofttúðum sem eru fyrir ofan stokkinn sem nær ekki nema hálfa leið upp á mælaborðið.
Mönnum finnst ég vera kannski fullgagnrýnin en þetta er bara það sem mér finnst.
Svo er það sem mér finnst flott við Camaro er, t.d. boddýlögunin á ´67-69, þetta "Cokebottle" útlit, bogadregnar línur með samsvörun í Corvette, mjög flott, og ´67-68 RS/SS pakkinn er flottur og dýrari klæðningarnar í ´67-69 eru flottar og ´69 Z-28 með inntakshúddinu, spoilerunum og röndunum er einn sá svalasti muscle car sem til er, enda er það uppáhaldsCamaroinn minn.
Svo finnst mér ´71 Z-28 með RS pakkanum reffilegir og 4. kynsl. er bara þota án vængja, töff bílar.
Og sá nýjasti er mjög "mean" með litlar rúður, lágt þak og bogadregnar línur, skemmtileg samsvörun við ´69 bílinn.
