Sælir,
Í gamla daga átti hann afi minn Malibu, ég man ekki árgerðina en hann var 4 dyra og sérstakur hvað það varðar að hann var með öðruvísi afturglugga en flestir aðrir.
Hvort að hann var ekki bara með beinum/lóðréttum afturglugga og þótti einhvað fínni fyrir vikið, já eða okkur sagt það guttunum.
Veit einhver hvaða árgerð þetta gæti hugsanlega verið ?
Málið er að fyrir 15 árum pantaði hann töluvert af varahlutum í hann, t.d. allt króm og flr.
En lést áður en varan var afgreidd og bíllinn fór aldrei í uppgerð eins og stóð til.
Núna nýverið lést svo hún amma og þegar systkinin fóru í gegnum geymslurnar hjá henni fundust allir varahlutirnir, allir í kössunum ennþá. óhreyfðir.
Núna ætla ég að reyna að finna hvað þetta er allt saman og mér datt í hug að þið sem einhvað vitið um þessa bíla gætu beint mér í rétta átt.
Bíllinn var sirka 74-78 árg. án þess að ég geti fullyrt það neitt.
