Þetta var nú flottur bíll á sínum tíma. Forljótir þessir svörtu flekkir, sem eru seinni tíma viðbót.
Mér er alltaf minnisstæð ein ferð í þessum.
Ég var að setja bensín á "49 Ferguson og dældi of miklu á tankinn, bensínið fór niður í kveikjuna og allt í bál, það kviknaði í fötunum og maður sviðnaði í framan, verst var þó farin hendin sem hélt um bensínslönguna.
Frændi hafði komið með viðbótar slökkvitæki á Pontiac, og það var ákveðið að senda hann með mig með hraði út á spítala.
Og hraðferð var það, Lemansinn var staðinn eftir malarveginum út með Akrafjallinu út á Skaga, mælirinn sýndi um 170 mest alla leiðina, við mættum vörubíl á leiðinn á um 160 og bílstjórinn var alveg gáttaður á þessu aksturslagi um miðjan dag. Ég held að þessi ferð í þessum bíl líði mér seint úr minni, þó maður hafi verið sárkvalinn, er ferðinn það sem maður man lengst.
