Kvartmílan > Keppnishald / Úrslit og Reglur

Reglu og lagabreytingatillögur til aðalfundar. GT flokkur.

(1/7) > >>

Nóni:
Hér að neðan verða settar tillögur að reglubreytingum sem samþykkja þarf eða hafna á aðalfundi.

Tillaga frá Jóni Gunnari Kristinssyni og Gunnari Sigurðssyni, græna letrið táknar það sem bætt hefur verið við og rauða letrið það sem tekið er burtu.


GT flokkur.


GT flokkur


Flokkslýsing:

GT eða Gran Turismo, er flokkur fólksbíla sem smíðaðir eru eftir 1980.Með 4, 6 og 8 strokka vélum með eða án forþjöppu, með drif á einum ás eða öllum fjórum hjólum. GT eða Gran Turismo, er flokkur fólksbíla sem smíðaðir eru eftir 1980. Með 4, 5, 6, 8, 10 og 12 strokka  með einum aflauka eða án, með drif á einum ás eða öllum fjórum hjólum. Einnig fyrir bíla með Wankel vél. Allir bílar verða að vera á númerum, löglegir til götuaksturs með rétta skoðun. Undantekningar á þessu má lesa í reglum hér að neðan. Ræst skal á jöfnu með "full tree"Merking:GT/númer.

Vél:
Aðeins má nota vélar sem voru í boði í því boddíi sem nota á. (T.d. má aðeins nota vélar úr 4 gen Camaro í 4 gen Camaro)
Verður að vera samskonar blokk og kom í bílnum upprunaleg frá verksmiðju. Setja má forþjöppur á bíla sem ekki koma original með forþjöppur. Ekki má auka slagrúmtak vélar óuppreiknað frá því sem gefið er upp original í viðkomandi bíl frá verksmiðju.
Setja má forþjöppur á vélar sem ekki voru með forþjöppu original.

Blokk:
Aðeins má nota blokk sem voru í boði í því boddíi sem nota á. (T.d. má aðeins nota blokk úr 4 gen Camaro í 4 gen Camaro)
Vélarblokk skal vera sömu tegundar og viðkomandi bíll kom með frá verksmiðju. Ekki má breyta blokk á nokkurn hátt nema til að fá betra olíuflæði.
Aðeins venjuleg slitútborun er leyfð á vélarblokk.
Sveifarás:
Frjálst val er á sveifarásum. Auka má slaglengd sveifaráss á vélum með engan aflauka.
Aðeins upprunalegir eða eins og upprunalegir sveifarásar leyfðir. Þó er leyfilegt að nota hvaða efni í sveifarás sem er.
Ekki má auka slaglengd sveifaráss. Aðeins slitrennsla á sveifarás leyfð.

Hedd:
Frjálst val er á heddum. Öll vinnsla á heddum er leyfð, svo framarlega að hún breyti ekki útliti þeirra.
Frjálst val er á ventlum, ventlagormum, rockerörmum osf…..
Leyfilegt er að stækka og vinna ventla að vild.

Ventlalok:
Allar gerðir og tegundir ventlaloka leyfðar.

Kambás:
Frjálst val er á kambásum.

Undirlyftur:
Frjálst val.

Tímagír:
Frjáls val á tímagírum, beltum, reimum, keðjum, osf…..

Stimpilstangir:
Frjálst val er á stimpilstöngum.
Frjálst val er á stimpilstöngum, svo framarlega að þær breyti ekki hlutföllum í mótor frá original, eða breyti slaglengd eða þjöppu.
Stimplar:
Frjálst val er á stimplum.
Setja má hvaða gerð af stimplum í mótorinn í hvaða slitútborun sem er, svo lengi sem þeir breyta ekki þjöppu frá uppgefinni þjöppu frá verksmiðju. Nota má hvaða stimpla sem er.
Stimpilhringir:
Allar gerðir og tegundir stimpilhringja leyfðar.

Olíudæla:
Nota má olíudælu sem dælir auknu magni og/eða þrýsting.
"Dry sump" olíudælur eru bannaðar nema að viðkomandi bíll hafi verið fáanlegur með slíkri dælu frá verksmiðju.

Olíukerfi:
"Dry sump" olíukerfi bönnuð nema að viðkomandi bíll hafi verið fáanlegur með því frá verksmiðju.
Að öðru leiti er frjálst að nota hvaða olíu kerfi sem er frá hvaða framleiðanda sem er.
Einnig má vinna og slípa olíugöng í blokkum, heddum, osf…. Til að fá sem besta endingu vélar.

Tölvur:
Allar original tölvur sem tengdar eru: vél, innspýtingu, kveikju,osf…. Skulu virka.Breytingar, endurforritun og ísetning á tölvukubbum er leyfð. Eftirmarkaðs tölvukubbar og/eða örflögur leyfðar. Eftirmarkaðsinnspýtingartölvur leyfðar.
Trissur.
Skipta má um driftrissur sem drífa: vatnsdælu, rafal, vökvastýri, osf…. Og setja niðurgíraðar trissur í þeirra stað.

ELDSNEYTISKERFI

Soggrein:
Frjáls val er á soggrein, þó verður hún að komast undir vélarhlíf.

Innspýtingar/Blöndungar:
Breyta má vél með blöndungi yfir í innspýtingu og öfugt.
Aðeins má nota innspýtingar sem eru original eða eins og original. Eftirmarkaðs innspýtingar leyfðar.
Sama gildir um blöndunga. Þó má stækka rúmtak þeirra eða skipta og fá stærri sömu gerðar. Breyta má innspýtingum eins og hver vill: það er spíssum, rúmtaki, inntaki, osf….

Bensínleiðslur:
Allar tegundir og sverleikar af viðurkenndum bensínleiðslum eru leyfðar.

Bensínsýur:
Frjálst er að nota eins margar bensínsýur eins og hver vill eða sleppa þeim.
Allar gerðir og tegundir af viðurkenndum bensínsýum leyfðar.

Bensíntankur:
Bensíntankur verður að vera original eða eins og original. Ef ekki er upprunalegur tankur notaður verður sá sem notaður er að líta eins út, taka sama magn og vera í sömu festingum og sá upprunalegi. Bensínleiðslur verða að vera teknar út úr tankinum á upprunalegum stað. "sump" er bannað.

Lofthreinsari:
Lofthreinsari er aukahlutur og ráða keppendur hvort hann er notaður eða ekki.

Forþjöppur:
Frjálst val. Hvort sem um er að ræða original eða eftirmarkaðs afgasforþjöppur (turbo) eða reimdrifnar (supercharger). Breytingar á gírun á reimdrifnum forþjöppum og /eða stærð á afgasforþjöppum leyfð.

Millikælir:
Millikælir er aukahlutur og er því hverjum semer frjálst að nota hann eða ekki.
Þá má einnig setja millikæla í vélar sem ekki voru original með þeim búnaði.

Eldsneyti:
Aðeins það bensín leyft sem fæst á bensínstöðvum og er afgreitt af dælu.
Öll almenn bensínbætiefni leyfð. Eingöngu má nota bensín sem eldsneyti.
Nítro bannað. Bensínbætiefni bönnuð.

KVEIKIKERFI

Kveikja:
Allar tegundir kveikikerfa eru leyfðar.

Háspennukefli:
Allar tegundir háspennukefla leyfðar.

Kertaþræðir:
Allar tegundir kertaþráða leyfðar.

Kerti:
Allar tegundir kerta leyfðar.

ÚTBLÁSTURSKERFI

Pústflækjur:
Pústflækjur leyfðar, þó má ekki klippa úr yfirbyggingu til að koma þeim fyrir.

Púströr:
Púströr skulu ná útfyrir yfirbyggingu bíls. Annars er sverleiki og lögun frjáls.
Pústkerfi skal þó smíðað þannig að það sé hægt að fara með það beint úr keppni á viðurkennda skoðunarstöð og það fái fulla skoðun.

Hljóðkútar:
Hljóðkútar verða að vera til staðar og skoðun verður að fást á þá hjá viðurkenndri skoðunarstöð.

GÍRKASSI:

Sjálfskipting:
Frjáls val er á gírkassa/sjálfskiftingu.

Skiptir:
Nota má hvaða skipti sem er sem á við viðkomadi gírkassa/sjáfskiptingu.
Kúpling/

Converter:
Nota má hvaða kúplingu/converter sem er.

DRIFRÁS:

Hásing&Drif:
Frjáls val er á hásingum og drifum.
Læsingar í drif eru leyfðar.
Rafsoðin drif bönnuð, spólulæsingar bannaðar.
Drifskaft:
Æskilegt er að baula sé utan um drifskaft á bílun neð afturdrif.

BÚKKAR & FJÖÐRUN

Fjöðrun:
Fjöðrum og fjaðrarkerfi má ekki breyta frá original í neinum bíl.
Fjöðrunakerfi verður að vera eins og hver tegund og gerð kom með frá verksmiðju.
Þetta á við bæði um fram og afturfjöðrun.
Staðsetning fjöðrunarkerfis og festinga verður að vera sú sama og var frá verksmiðju á hverri tegund og gerð.Breyta má stífleika fjaðra, gorma vindustanga osf….
Ekki má nota einblöðung sem afturfjöðrun.

Demparar:
Frjálst val er á dempurum:

Búkkar:
Allir venjulegir spyrnubúkkar leyfðir.
Bannað er að nota annað en original "four link" eða "ladder link".
Ekki má klippa úr yfirbyggingu til að koma búkkum fyrir.

YFIRBYGGING

Yfirbygging:
Yfirbygging verður að vera eins og original hvað efni, stærð og útlit varðar.
Setja má þó á vængi og vindskeiðar sem seldar og smíðaðar eru fyrir viðkomandi bíl.
Einnig er leyfilegt að setja aukaopnun (cowl induction) á vélarhlíf ef hún er hulin og máluð í sama lit og bíllinn, "cowl induction" má þó aldrei vera hærra en 4" (10,16cm). Vélarhlíf má vera úr öðru efni en yfirbygging ökutækis.

Innrétting:
Allir bílar verða að vera með upprunalegri innréttingu þ.m.t. teppi stóla klæðning osf…
Leyfilegt er að klæða innréttingar og bólstra.
Skipta má út framstólum fyrir keppnistóla sem verða að vera í upprunalegri staðsetningu.
Aftursæti má fjarlægja til að koma fyrir veltiboga, en ganga verður snyrtilega frá því gati sem myndast milli ökumannsrýmis og farangursrýmis.

DEKK & FELGUR

Felgur:
Allar gerðir af felgum leyfðar, mega þó ekki vera minni en 13" nema að bíllinn hafi komið original á þeim frá verksmiðju. Felgur mega ekki ná út fyrir yfirbyggingu bíls.

Dekk:
Allar tegundir dekkja leyfðar fyrir bíla með afturdrif þar á meðal slikkar sem mega þó ekki fara upp fyrir 28" á hæð og 9" á breidd. Bílar með drifi að framan mega ekki nota slikka nema þá sem sérstaklega eru gerðir fyrir framdrifs bíla. Bílar með drifi á öllum hjólum mega eingöngu nota radial dekk, en er þó leyft að nota radial götuslikka. Öll framdekk verða að vera merkt "DOT".
Dekk mega aldrei standa út fyrir yfirbyggingu bíls.

ÖKUMAÐUR

Ökumaður:
Ökumaður skal sitja í ökumannssæti sem er í sömu staðsetningu og orginal, og vera með löglegan og staðlaðan hjálm á höfði. Tregbrennandi keppnisgalli æskilegur.

Hjálpartæki:
Öll hjápartæki til að aðstoða ökumann við brautarræsingu eru bönnuð.

Öryggisbelti:
Allir bílar verða að vera útbúnir með amk. Þriggja punkta beltum.
Allir bílar sem fara niður fyrir 11,99sek verða að vera með 5. Punkta keppnisbelti.

Valli Djöfull:

--- Quote ---GT eða Gran Turismo, er flokkur fólksbíla sem smíðaðir eru eftir 1980. Með 4, 6, 8, 10 og 12 strokka með einum aflauka eða án, með drif á einum ás eða öllum fjórum hjólum. Einnig fyrir bíla með Wankel vél.
--- End quote ---


Svo eru jú nokkrir 5 cyl Volvo og fl..  Bæta 5 cyl í þetta líka? :)

Heddportun:

--- Quote from: "Nóni" ---
Eldsneyti:
Aðeins það bensín leyft sem fæst á bensínstöðvum og er afgreitt af dælu.
Öll almenn bensínbætiefni leyfð. Eingöngu má nota bensín sem eldsneyti.
Nítro bannað. Bensínbætiefni bönnuð.

Afhverju eru menn á móti bensínbætiefnum eða heimatilbúnu bensíni?
--- End quote ---

Nóni:

--- Quote from: "ValliFudd" ---
--- Quote ---GT eða Gran Turismo, er flokkur fólksbíla sem smíðaðir eru eftir 1980. Með 4, 6, 8, 10 og 12 strokka með einum aflauka eða án, með drif á einum ás eða öllum fjórum hjólum. Einnig fyrir bíla með Wankel vél.
--- End quote ---


Svo eru jú nokkrir 5 cyl Volvo og fl..  Bæta 5 cyl í þetta líka? :)
--- End quote ---



Þetta var jú bara innsetningar/prentvilla hjá mér, augljóst þannig að því var breytt hið snarasta. Takk fyrir það Valli.




--- Quote from: "BadBoy Racing" ---Afhverju eru menn á móti bensínbætiefnum eða heimatilbúnu bensíni?
--- End quote ---


Ef þú hefur eitthvað að segja, kynntu þig þá með réttu nafni.  
Þessi regla er svo víð að það er ekki nokkuð gagn af henni, menn geta í raun notað hvað sem er á tankinn ef út í það er farið. Þetta auðveldar þeim sem koma að því að dæma í kærumálum, það er einfaldlega hægt að senda sýni í Fjölver rannsóknarstofu og fá úr því skorið hvað um er að ræða. Einnig þurfa að vera einhverjar takmarkanir í þennan flokk, þessi er ágæt.



Nóni

baldur:
Mér líst vel á þetta.
Vegna þess að spurt hefur verið, þá er spurning um að setja inn klausu um vatns/alkóhól innspýtingar og hámarks alkóhól innihald í þeim kælivökva.

Eitthvað á þessa leið:
"Vatns innspýtingar leyfðar en vökvi til slíkra nota skal vera vatn eða vatn og alkóhól blanda, má þó ekki innihalda meira en 40% alkóhól eftir þyngd."

Spurning svo með hvað endanlegt hlutfall á að vera. 40% eftir þyngd er sirka 45% eftir rúmtaki miðað við hreint alkóhól.

Navigation

[0] Message Index

[#] Next page